هل سمعت عن منحة الإنتخابات؟
يوم الخميس اللى فات لقيت المدام بتكلمنى فى الشغل وبتضحك و لما سألتها عن السبب قالت لى الشغالة الجديدة اللى جابتها من واحدة معرفة (كانت أول مرة تجيلنا بالمناسبة) جاءت على الساعة 2 الظهر و جات لها مكالمة على الموبايل من جوزها و طلب منها تنزل بسرعة تروحله و لما سألتها المدام عن السبب قالت لها النهاردة ربنا وفقنا وكملنا خمسين نفر من بولاق الدكرور و حنروح نسجل أسمنا فى منحة جمال:U_thin1[1]: طبعا الفضول خلاها تسأل يعنى ايه منحة جمال؟ قالت لها دى منحة قدرها 3 ألاف جنية للست و ستة الأف جنية للراجل انه يروح يسجل أسمه علشان يطلع بطاقة إنتخابية ولما يجيى معاد الإنتخابات نروح ننتخبه و ناخد الفلوس. و على فكرة دى مش منحة لأنهم بيقسطوها عليهم بواقع خمسين جنية شهريا. بس بيشترطوا أن الواحد يجيب معاه خمسين فرد علشان ياخد المنحة. طبعا حاولت المدام تكلمها بالمنطق وازاى تبيع صوتها ولما أتنرفزت عليها قالت لها تفتكرى مين المسؤول اللى خالاكى فقيرة كدة و بتشتغلى فى البيوت علشان تجيبى قوت يومك؟ وطبعا ردت عليها ببساطة أنها كده حتكفر لأن ربنا اللى كاتب لها كده و بيرزقها. و كمان ما كده كده الراجل حيكسب و يفوز. اهه نستفيد إحنا كمان.
بصراحة أنا كنت مستغرب من الكلام ده و إحتمال كبير أنه يكون تأليفة من الشغالة علشان تمشى بدرى و خصوصا انى لم أسمع عن موضوع منحة جمال دى قبل كده. ياترى حد سمع عنها؟؟ و طبعا من السذاجة أنى اسأل منين الفلوس دى كلها....:10D5C8w1107: