هل سمعت عن منحة الإنتخابات؟

**Dr.lancer** · 21-05-2010 04:50 PM

يوم الخميس اللى فات لقيت المدام بتكلمنى فى الشغل وبتضحك و لما سألتها عن السبب قالت لى الشغالة الجديدة اللى جابتها من واحدة معرفة (كانت أول مرة تجيلنا بالمناسبة) جاءت على الساعة 2 الظهر و جات لها مكالمة على الموبايل من جوزها و طلب منها تنزل بسرعة تروحله و لما سألتها المدام عن السبب قالت لها النهاردة ربنا وفقنا وكملنا خمسين نفر من بولاق الدكرور و حنروح نسجل أسمنا فى منحة جمال

طبعا الفضول خلاها تسأل يعنى ايه منحة جمال؟ قالت لها دى منحة قدرها 3 ألاف جنية للست و ستة الأف جنية للراجل انه يروح يسجل أسمه علشان يطلع بطاقة إنتخابية ولما يجيى معاد الإنتخابات نروح ننتخبه و ناخد الفلوس. و على فكرة دى مش منحة لأنهم بيقسطوها عليهم بواقع خمسين جنية شهريا. بس بيشترطوا أن الواحد يجيب معاه خمسين فرد علشان ياخد المنحة. طبعا حاولت المدام تكلمها بالمنطق وازاى تبيع صوتها ولما أتنرفزت عليها قالت لها تفتكرى مين المسؤول اللى خالاكى فقيرة كدة و بتشتغلى فى البيوت علشان تجيبى قوت يومك؟ وطبعا ردت عليها ببساطة أنها كده حتكفر لأن ربنا اللى كاتب لها كده و بيرزقها. و كمان ما كده كده الراجل حيكسب و يفوز. اهه نستفيد إحنا كمان.
بصراحة أنا كنت مستغرب من الكلام ده و إحتمال كبير أنه يكون تأليفة من الشغالة علشان تمشى بدرى و خصوصا انى لم أسمع عن موضوع منحة جمال دى قبل كده. ياترى حد سمع عنها؟؟ و طبعا من السذاجة أنى اسأل منين الفلوس دى كلها....

**Ahmed Nouh** · 21-05-2010 08:54 PM

ومن هنا نشهد للغتنا العربيه الفصحى بتعدد كلماتها ومعانيها و كيف انها يمكن ان تحول بقدره قادر الرشوه الى منحه

اسمها جميل والله , من كام يوم انا كمان اديت منحه لأمين شرطه فى الشارع ( مش علشان مسكنى مخالف , بس ظروفه كانت صعبه قوى الحقيقه )

**M.Osman** · 21-05-2010 09:08 PM

ههههههههههههههههههههههههه هههههههههه

**MohaMed_Refaat** · 21-05-2010 10:01 PM

المشاركة الأصلية كتبت بواسطة د-شريف

و على فكرة دى مش منحة لأنهم بيقسطوها عليهم بواقع خمسين جنية شهريا. بس بيشترطوا أن الواحد يجيب معاه خمسين فرد علشان ياخد المنحة.

انا اول مرة اسمع عنها الصراحة
بس هو اللى حيجيب خمسين واحد هو اللى حياخد ال 6 بواكى طيب والباقى دول يقسموا معاة ولا اية تسلسل قيادى يعنى المعلم وتابعيةيعنى زى محمود عبد العزيز فى الكيف لما البييصى كان مش عاجبة اجرتة ..... جرى اية يا بيصى دة انا مديك فوق نفحتك نفحة يا جدع .
فعلا مصر بقت فرجة وسيرك وكرنفال وفيستفال كمان والجمهور 80 مليون مشاهد مجبرين على الفرجة الصامتة من دون اعتراض .

**بحري** · 21-05-2010 11:13 PM

المشاركة الأصلية كتبت بواسطة ahmed nouh

ومن هنا نشهد للغتنا العربيه الفصحى بتعدد كلماتها ومعانيها و كيف انها يمكن ان تحول بقدره قادر الرشوه الى منحه

اسمها جميل والله , من كام يوم انا كمان اديت منحه لأمين شرطه فى الشارع ( مش علشان مسكنى مخالف , بس ظروفه كانت صعبه قوى الحقيقه )

ممكن خروجا من شبهة التلاعب باللغة نسميها نفحة.......
إيه ده إحنا كده مش حنكون عملنا حاجة..خلاص خلاص مشيها منحة

معلش يا دكتور شريف الله يكرمك ياريت لو تقدر تتأكد من صحة الخبر ده للأهمية

**نور القمر** · 22-05-2010 01:21 AM

وليه التفرقة العنصرية دي بقه
الرجل 6 الاف والست 3 بس
عموما ما يخسرش
نشترك فيها ازاي المنحة دي
وهل ينفع العيال يشتركوا فيها ولو ب 100 جنيه
وعجبي عليك يا زمن !!!

**dode2002** · 22-05-2010 01:32 AM

اضحك كركر اوعي تفكر ----- اوعي

**ams** · 22-05-2010 01:44 AM

انا احترم اللى بيبيع صوته عن اللى معندوش صوت اصلا و كل اللى بيعمله يسب و يلعن و يكرهنا فى عيشتنا

**mrwho1982** · 22-05-2010 01:45 AM

ياجماعة انا عايز اهاجر ماليزيا بجد انا كل يوم بقرف من الحكومة دي

**بحري** · 22-05-2010 01:52 AM

المشاركة الأصلية كتبت بواسطة ams

انا احترم اللى بيبيع صوته عن اللى معندوش صوت اصلا و كل اللى بيعمله يسب و يلعن و يكرهنا فى عيشتنا

أنا فاهم قصدك إيه وإنك بتدعو للإيجابية
لكن المقارنة غلط..اللي ملوش صوت تقدر تعتبره مش موجود..سلبي..قول زي ما إنت عاوز...لكن اللي بيبيع صوته بالشكل ده بيبقى ضال مضل وبيضفي على هذه الأنظمة مشروعية زائفة..بيع الأصوات عبارة عن تزوير قبل الصندوق

الموضوع: هل سمعت عن منحة الإنتخابات؟

LinkBack

أدوات الموضوع

عرض

-

-

-

-

-

-

المواضيع المتشابهه

منحة ام محنة؟

صلاة الإستخارة منحة من الله عز وجل

منحة المصرية للاتصالات 9 شهور بدأت

سمعت أن سيارات فولكس معقدة في صيانتها .... فما رأيكم بما سمعت؟

منحة الجامعة الأمريكية لطلاب الثانوية العامة

الكلمات الدلالية لهذا الموضوع

المفضلات

المفضلات

ضوابط المشاركة