سلام الله عليكم يا شباب
ياريت من كل ملاك النيو أكسنت يدونا نبذه عن تجربتهم معاها و ايه رأيهم فيها
و ياتري لو رجع بيهم الزمن كانوا برضه إشتروها و لا ايه؟
عرض للطباعة
سلام الله عليكم يا شباب
ياريت من كل ملاك النيو أكسنت يدونا نبذه عن تجربتهم معاها و ايه رأيهم فيها
و ياتري لو رجع بيهم الزمن كانوا برضه إشتروها و لا ايه؟
حكايتي مع النيو اكسنت وغبور-ما حدث وماأتخذته من اجراءآت وما سوف اتخذه
مشاكل كاسيت نيو اكسنت زيرو 2010
ياجماعة انا اتنصب عليا من غبور فى عربية نيو اسكنت 2010
عندى مشكله في نيو أكسنت 2010
كتالوج النيو اكسنت
مشكله في النيو أكسنت 2010
اتفضل حضرتك اتسلى فى الكام موضوع دول قبل ماتشترى حمام و يطير منك
........................................
محمود عينو
اتفرجت على العربية دي في معرض مصرية و حسيت ان التابلوه بتاعها خامته زي بتاع السوزوكي المايكروباص
بلاستيك تعبان جدا جدا
بص ياريس انا ماكنتش مقتنع بيها ولما شفت النيو اكسنت 2010 مع واحد صاحبي عجبتنى ف جبتها العربيه عامله حوالى 5000 كيلو بس بأمانه لغايت دلوقتى انا بحسد نفسي عليها
انا كان معايا قبلها لانوس 99 ونوبيرا 2007 بس هى بالضبط عامله زى الانوس 99
هي طبعا احلى من اللانوس
المشكله فيها ان عفشتها بتتنطط من ورا وناشفه
انما غير كده زي الفل
بتجري اوي خفيفه ف حلوه في المدينه
استهلاك البنزين يعتبر معقول
بس هي مش بتاعه بهدله لو بهدلتها هتلاقي نفسك بتغير حاجات كتير
مشيت بيها زي الناس وتاقلمت مع موضوع التنطيط والعفشه الناشفه هتمشي معاك زي الفل
بس عن نفسي مرشحهاش
انا بعتها واشتريت النترا الشيب القديم برقبتها بس عيب الالنترا القديمه الموتور ضعيف نسبيا في الاوتو
شكرا جدا علي اهتمامك .... و ربنا يباركلك
بس معقول كل ده في أول كام ألف كيلو ... معقول العربية وحشة للدرجة دي؟
طيب ايه سبب انتشارها ده؟
شكرا علي ردك..
أتا بصراحة بسمع حاجات أول مرة أسمعها ... أنا سمعت ان الخامات الي حد ما كويسه
كده بقي تبقي حاجة تخوف
شكرا علي ردك ....
ده كده أول رد ايجابي
لانوس 99 كانت كويسه ... هل تقصد ده؟
يعني مزايا و عيوب ... بس عامة مش مع العربية
أنا سمعت موضوع العفشة ده بس الحقيقة مش عارف ايه مدي المشكلة ... يعني ممكن التعايش معاه و لا صعب
طبعا النترا أفضل بكتير بس أنا كنت بفكر في المستعمل و بعدين غيرت رأيي و الميزانية تحكم
يعني يا شباب النتيجة
2 ضد
2 مع (بافتراض ان لانوس 99 كانت كويسة)
و ياريت الجميع يشارك برأيه
معايا موديل 2009 و عامل 25 الف كيلو و الحمد لله العربية رائعة و اقدر اقولك مفيش عربية تنافسها فى رنج السعر دة .
ما هى دى الفكرة ان مفيش حاجة تقدر تنافسها بالسعر دا لانها ارخص عربية فى فئتها و على فكرة بالنسبة لسعرها انا سامع انها كويسة اوى و بعدين لو العفشة مش مريحة فى عربيات بتتباع ب 200 و 250 الف و مش مريحة من ناحية الموتور اللى بيبقى 105 حصان على عربية حجم كبير و بتدايق جدا و انا جربت بنفسى, تخيل فى عربية ب 75 الف مانيوال و 82 اوتو يبقى فيها عيب بسيط زى العافشة مش مريحة شوية او الcd.اقتباس:
معايا موديل 2009 و عامل 25 الف كيلو و الحمد لله العربية رائعة و اقدر اقولك مفيش عربية تنافسها فى رنج السعر دة .
لو زودت شوية هيبقى فى اختيارات اكتر زى النيسان الصنى و الرينو السيمبول , يا ريت تجرب تسوقها اساسا قبل ما تشتريها علشان تبقى مطمن من موضوع العافشة دا.
اسال مجرب ولا تسال صاحب معرض عربيات اشترى يا عم وهتدعى لكل اللى قالك فى حق العربيه دى كلمه حلوة عربيه جميله وشيك ولو قارنتها بعربيات تانيه بنفس وسعرها ويمكن موديلات تانيه اعلى منها فى السعر بفارق مش كبير صدقنى هتحمد ربنا انها كانت اختيارك
الهيونداى كسيارة زى الفل بس بعيد عن الوكيل يعنى لو فيه منها خليجى تبقى اشتريت راحتك وراحة بالك (لانها بتنزل فى الخليج بمواصفات مش عشوائى زى عندنا و الناس هناك ما بتجيبش عربيات معيوبة لانها بتحترم عملائها) و بعدين واضح جدا جدا ان عربيات الوكيل بختك يا ابو بخيت يا طابت يا الاتنين عور ومش معقول حضرتك تحط فلوسك اللى شقيان بيها فى عربية زيرو و تبقى انت ونصيبك يا تطلع كويسة زى بعض اللى شكروا فيها او تطلع معيوبة زى بعض اللى لبسوا اسود فيها
ومع احترامى لكل من شكر فى العربية (الاختلاف فى الرأى لا يفسد للود قضية)علشان ما حدش يدخل يهاجمنى و يقولى ان انا متحامل على التوكيل
............................*
محمود عينو
و الله يا جماعة انا ان شاء الله المفروض استلمها قريب نيو اكسنت اتوماتيك 2010 و ربنا يستر لاني جبتها من الوكيل و ناس كتير مخوفاني من الموضوع ده بس ربنا يستر
هتبقى 100 % لو
1- فيها مرايات كهرباء
2- فيها عداد حرارة
3- فيها الكاسيت الأصلي العريض
في المقابل الريو 1600 فيها الحاجات دي !! ( بس مش متاكد من الكاسيت الأصلي )
السياره ممتازه فى كل شىء معايه من السنه اللى فاتت 35000 فله ولذيذه ولا تختلف عن حالتها وهى زيرو العفشه قويه والثبات جيد جدا السحب ممتاز الى الان تيل الفرامل وادائها زى ما كانت زيرو الصالون تقفيله ممتاز خاماته اكثر من جيده فى هذه الفئه السعريه انا بشوف مثلا انها احسن من الصنى برغم ان التانيه اغلى انما شتان فى كل شىء تقفيل وشياكه وتابلوه انصحك بشرائها
العربية بسم الله ماشاء الله .... زى الفل معايا موديل 2010 منيوال وقربت اعمل 2000 كيلوا ... ومش معنى ان واحد او تنين او حتى عشرة اشتكوا ان العربية وحشة .... كل حاجة فى الدنيا لازم يكون فيها نسبة عيوب تصنيع مش العربيات بس ....شوف النوع ده باع كام عربية وكام واحد متضرر وساعتها هتقدر تحدد وتعرف مين الأحسن بالنسبالك ... مقدرش اقولك غير انك تحاول تجربها قبل ما تشتريها وتصلى استخارة وتشوف انت مرتاح لأية
لأ و خصوصا انها اكتر عربية غبور بيبيعها بعد الفرنا طبعا , يعنى انا فاكر انى قريت ان فى شهر واحد غبور دخل 700 و شوية عربية من الجمرك , لو نسبت عيوب التصنيع 2% يعنى مفروض فى الدفعة دى بس 14 عربية يطلع فيهم عيوب *12 شهر = 168 عربية معيوبة فى السنة.اقتباس:
ومش معنى ان واحد او تنين او حتى عشرة اشتكوا ان العربية وحشة .... كل حاجة فى الدنيا لازم يكون فيها نسبة عيوب تصنيع مش العربيات بس
نفس الكلام فى المرسيدس بس دول مثلا بيدخلوا حوالى 1500 c-180 فى السنة بحالها و طبعا مرسيدس و سعر اكتر 4 اضعاف ممكن تكون نسبة الغلط فى التصنيع 0.5% يعنى فى السنة يظهر فى الاكسنت 168 عربية معيوبة و يظهر فى المرسيدس حوالى 7 عربيات , اكيد هتسمع عن عيوب فى الكسنت انما و لا حتى مهندسين التوكيل فى مرسيدس هيسمعوا عن عيوب المرسيدس !!
الفكرة فى الكمية.
عربيه جميله و شيك و تقفيلها حلو
انا معايا بيكانتو بس بتطفل ساعات على عربيه والدي موديل 2010 عامله 4600 كيلو
بس ملاحظ ان الدبرياج بتاعها بعييييييييييد اوي عن البيكانتو يعني بدوس عليه للاخر و حاسس ان رجلي بتسافر
و الفرامل بتاعتها عاليه قوي بمجرد ما المسها الاقيني هوب لازق في البرابريز
أنا بقالي أكتر من سنة بدور على عربية كويسة من جميع النواحي في الفئة السعرية دية
الأكسنت أحسن واحدة
انا شايف ان في ردود بتقول ان عفشه العربيه حلوه والثبات جيد جدا
مش كده يا جماعه حراام التضليل الي بيحصل ده
العربيه مش ثابته وخفيفه واضف الي ذالك العفشه ناشفه وبتتنطط بعد 120 شكرا مفيش راحه مفيش ثبات
وانا مش بقارن ب مرسديس ولا بي ام انا بقارن بعربيات عاديه جدا
انا عمري ما شوفت عربيه بتتنطط انا قبل ما ابيع العربيه كنت خلاص هتجنن ازاي عربيه بتتنطط مش فاهم؟؟؟؟
وقولت يمكن انا عربيتي مضروبه ولا حاجه ركبت وحده زيرو برضو نفس الكلام بالضبط
كل قصه الباور الي عملوها دي هما خلو في احساس بمنتصف الطريق في العربيات الي باورها جديد فوق 2008 وللعلم برضو في ناس معاها ال 2009 والباور بيفصل منها
وكمان الموديلات الي بالباور الكهربا مش كل الناس فصل منها ده مش معناه ان مفيش عيب فيها لا في عيب
طب الي بيتكلم بيقول ثابته بيقولها على اي اساس والي بيقول عفشه زي الفل بيقولها على اي اساس برضو انا مش فاهم
محدش يفهم كلامي غلط
بس لو واحد نازل من 128 وركب نيو اكسنت هيقول مالهااااااش حل
بس لو نزل من نوبيرا وركب الاكسنت هيتف عليها
والنوبيرا اساسا عربيه مالهاش لازمه وجودتها زي الزفت بس فيها مبادئ انها تكون عربيه مريحه عفشتها معقوله مفيش تنطيط نهائي
النيو اكسنت مالهاش ولا ميزه غير انها اكتر عربيه 1.6 بتجري عشان متور حلو اوي علي بادي خفيف
وبالنسبه لموضوع الدبرياج ف في اول موديلاتها 2006 كان الدبرياج واطي اوي وده كان بيخلي العربيه صعب التعامل معها بتنتش شويه وبتطفي عشان يادوب اول ما تشيل رجلك من الدواسه بتلاقي العربيه بتتحرك لوحدها
في الموديلات الجديده خلو الدبرياج عااالي ف بقى التعامل معاه سهل وده الي خلى في بعض المشاكل في بعض العربيات الجديده منها الاسطوانه بتبتوز وركبت بتاعه واحد صحبي صوت صفير طالع بيروح لما تدوس دبرياج تقريبا من بليه الدبرياج
هي ممكن وهي زيرو تبقى حلوه بس بعد كده شكرا ومفياس العربيه الصح ان تشوفها وهي متهانه عامله ازاي انما وهي زيرو لو ركبت لانوس هتقول زي الفل
انا العربيه قعدت معايا لحد 160 الف كيلو وفي 4 سنين يعني قمه الاهانه لاي عربيه هي عربيه لاتستحق الاقتناء نهااااائي الا لو شب عايز يركب ويعدل عفشه ويجري
شكرا لكل اللي شارك برأيه و أتمني كل الملاك يفيدونا برأيهم
النتيجة لحد دلوقتي ايجابية لصالح الأكسنت
و الله يا شباب الموضوع فعلا صعب ... بص بصراحة العيوب اللي هنا كلها بسيطة ماعدا موضوع العفشة
يعني ناس تقول ال cd و ده مش جوهري ده غير انه بيتغير في الضمان
ناس بتتكلم عن مرايات الكهرباء و دي صحيح حاجة كويسه لو تكون موجودة ... بس عدم وجودها مكن تحمله
ناس اتكلمت عن الريو و بصراحة أنا مش لاقي فرق بين الاتنين ها نسخة طبق الأصل تقريبا ... مش عارف اذا كانت العفشة مختلفة و لا لأ بس في النهاية هنلاقي ان الأكسنت منتشرة أكتر و بالتالي قطع غيارها أرخص و أكتر و دي حاجة برضه ياريت المرك يفيدونا فيها
ناس اتكلمت عن الصني و السيمبول .. و هما التنين ممتازيين بكل المقاييس لكن يعيب الصني قطع الغيار و اتهلاك البنزين و يعيب السيمبول قطع الغيار و الصيانة الغالية و سعر اعادة البيع ... و برضه لسه المناقشة مفتوحة
العربيتين زي بعض بالضبط في كل قطع الغيار وبالعكس كانت قطع غيار كيا ارخص كمان ده بالنسبه للاوريجينال مع انها نفس القطع بالضبط الفرق التعئبه والعلامه وشكرا انما تلاقي هيونداي مغليه القطع على سبيل المثال التيل كان ب 330 جبته مش فاكر بالضبط بكام بس كان ارخص م30 جنيه على الاقل ومن موزع معتمد لكيا يعني قطعه اصليه اوريجينال وكمان الفلتر بتاع الهوا
العفشه المفروض الاتنين زي بعض بالضبط في كل حاجه مقصات مساعدين بس للامانه في ناس بتقول ان كيا غاز على هوا المساعدين ف المفروض تكون افضل بس انا متهيالي كلام غير صحيح بس الفيصل هو التوكيل
انما التجاري التجار مش هتفرق معاهم هيبقى سعر واحد
انت عشان ترتاح سيبك من كلامي وكلام الناس كلها ولا كانك سمعته
انت ملكش حل غير انك تاجر العربيه او تركبها مع حد تعرفه وفي ظروف متكامله
معاك ركاب 4 في العربيه تجري بيها شويه تدخل بيها شارع مكسر تتعافى على فراملها سنه
عجبتك توكل على الله واشتريها معجبتكش شوفلك حاجه تانيه
العربية عاملة 23000 كم بصراحة العربية جميلة جدا اداء رائع على الطريق
العفشة ناشفة شوية عشان تديها ثبات على السرعات العالية لان البدى خفيف
والحقيقة انا مشيت بيها على الصحراوى لغاية 160 العربية ثابتة بس المشكلة فى التنطيط اللى ورا و دة عشان العربية عالية وشنطتها عالية و متنساش ان الصحراوى مليان مطبات هوا
بالنسبة للاخ الى معاه النوبيرا انا عايز اسالك سؤال حضرتك تقدر وانت ماشى بالنوبيرا تاخد بلاعة او مطب فى نص العربية على سرعتك ؟
مع النيو اكسنت مفيش مشكلة
العربية زي الفل توكل علي الله كلها مشاكل بسيطة انا معايا 2010 مانيوال عاملة 10000كم والحمد لله زي الفل لايوجد مشاكل غير ما قالوه الاعضاء عن العفشة
حمادة باشا .. الاكسنت لا تستحق الاقتناء بردة .. دى شالتك 160 الف كيلو يا راجل
و بعدين انا استغربت لما قريت تعليقك و افتكرت كلامك عليها قبل كدة .. هو صحيح انت طول عمرك بتقول العفشة ناشفة و كلنا متفقين على كدة ( طبيعى عشان المساعدين غاز ) و بردة كنت بتقول على حكاية التنطيط بس على خفيف .
دى شوية نماذج من بعض مشاركاتك القديمة ..
و بعدين انا لاحظت انك كنت عامل اعلان عن بيعها و كانت عاملة 13000 كم ... و بعتها بعد فترة و انت عامل 16000 الف كيلو و اعتقد ان طول الفترة دى انت معملتش حاجة فى العربية عشان هتبيع و مش عايز تصرف على العربية و متخسرش فيها ( مش انت لوحدك .. كل المصريين كدة ) و عشان كدة العربية كانت حالتها وحشة معاك .
بالظبط كدة اى عربية لو الصيانة مظبوطة و بتهتم بالعربية هيبان فيها .. و لو بتهمل فيها هتتعبك و تبقى مش مريحة .
و مبروك يا باشا على الالنترا ال old shape و ربنا يباركلك فيها .
شوف يا استاذ عزت انت تعبت نفسك وجبتلي مشاركات قديمه ومشاركاتي القديمه دي بالضبط هي هي رائي في العربيه
الدبرياج عندي كان واطي في الموديلات الجديده علووه ده السبب ان في الموديلات الجديده في عربيات كتير فيها العيب ده والمشاركه دي كانت من فتره كبيره وقبل ما اجرب عربيه موديل جديده وبرضو كان فيها مشكله ونه بتروح لما الدبرياج بتدوس عليه ودي غالبا بتبقى من بليه الدبرياج لانها حصلت معايا على 120 الف كيلو
انا عمري ما شككت في اداء العربيه ك موتور وميكانيكا هما اكتر من ممتازين ده انا مغيرتش الكبالن ولا مره طول ال 160 الف
تقفيل العربيه زي الفل مفيهوش غلطه فعلا اي حد يركب هيلاقي كده مفيش سلوك باينه مفيش فروقات في اي حته التقفيل زي الفل بس الخامات لو هتقيمها مينفعش يتقال عليها معقوله ومش هنتكلم على النقطه دي عشان سعر العربيه الرخيص وهنقول العربيه خاماتها جيدهه بالنسبه للسعر
خد عندك العفشه وحط مليون خط تحت العفشه ناشفه وبتتنطط طب ناشفه دي بلعناها مش مشكله عادي جدا عربيات كتير جدا عفشتها ناشفه
انماالتنطيط ده حاااااااااجه تقرف انا اركب مع ابويا وامي واختي على الطريق امشي 120 ولا 140 محدش يعرف يشرب ميا حتى من التنطيط ليه يعني حرام هوه اه انا عربيتي كانت حالتها تعبانه بس كل العربيات الي جربتها نيو اكسنت كانت بتتنطط زيرو او مستعمل حتى المشاركه الي انت حاططها كاتب فيها ان العربيه للاستخدام اليومي يعني جوه المدينه متمشيش بيها سرعات عاليه
وفعلا العربيه لما بتحط ايدك فيها بترجع زي الفل
وبرضو المشاركه الي بتتكلم عن اللانوس الي انت مقتبسها لسه في اخ معانا هنا قال الانوس زي الاكسنت قولتله لا طبعا الاكسنت افضل وبرضو كانت ان الانوس عفشتها انعم من النيو اكسنت
شوف انا بالنسبالي العفشه الناشفه مبلوعه انما التنطيط ده هما من الاخر موتوا بيه العربيه وهنرجع ونقول برضو العربيه دي المفروض تبقى ارخص من كدا كتير وهي اساسا معملوه للاستخدام اليومي
وانا عن نفسي محستش فرق الثبات والراحه الا لما ركبت عربيات تانيه ومش مستوى عالي لا عادي جدا
انا اديت مثل بالنوبيرا مع اني مش شاريها بس ركبتها كزا مره عربيه مع انها مالهاش لازمه الا انها مبترزعش في المطبات ومش بتتنطط وثباتها حلو على الطرق المستقميه ثباتها حلو متقرفكش الا في الغرز والملفات النيو اكسنت العكس ممكن في الغرز تسعفك شويه عشان صغيره انما سرعات عاليه انسى
على فكره يا استاذ عزت انا مش بشكر في نفسي ولا حاجه بس انا عشان مرضاش اشتري عربيه متبهدله بسعر عالي
انا بعت عربيتي بالرخيص جدا وقولت للراجل على كل حاجه وانا بايعها عفشتها مكانشي فيها اي حاجه خالص غير ان الباور بايز وغالي وقولتله انه غالي وهوه جابه استيراد ب 1500 جنيه وانا اساسا بعت العربيه ب 46 الف
ومعايا دلوقتي النترا الشيب القديم وبرقبه النيو اكسنت وشاريها غاليه برضو ومحتاجه شغل بس عشان شاريها من حد مضمون انه حتى ملبسش بيها مطب قبل كده وبامانه افضل من النيو اكسنت في كل شيء عفشه وسع ثبات راحه كل حاجه
الا الماتور النيو اكسنت افضل بكتيييييييييييييييير خاصه وانها كانت مانيوال والي معايا دلوقتي اوتو
وشكرا على المباركه ليه وياااااارب يرزقك من الحلال وتجيب الي احسن من الاكسنت بمليون مره
شكرا يا باشا على توضيح وجهة نظرك
بس انا من واقع تجربتى العربية ثباتها لغاية 140 زى الفل
و موضوع التنطيط دة بحسة فعلا بس مش علطول .. سرعة عالية وطريق وحش او فية مفصلات عالية .. و بردة مش لدرجة مزعجة تخلينى اكره العربية .
و بالنسبة للسعر هترخص تبقى بكام .. دة الفرق بينها و بين الفيرنا و اللانوس 8000 جنية هتبقى ارخص منهم مثلا ؟؟؟
و كفاية ان العربية قعدت معاك 160 الف مغيرتش فيها الا حاجات بسيطة .
النوبيرا طبعا لازم تكون اثبت لانها عرض قاعدة العجل اكبر و العربية اوطى من الاكسنت و عفشتها ناعمة عشان كدة هتديك ثبات اكتر و راحة اكبر بس فى المقابل واطية و دة مشكلة مع المطبات و عفشتها بتتبهدل بسرعة عكس الاكسنت دة غير فرق الموتور و التقفيل و الاعتمادية .
حد عنجه معلومة عن علبة الدركسيون فى النيواكسنت ... ايه مشاكلها ... لانى اشترى العربية خلال ايام... هل اشتريها ام لا؟
وشكرا
و الله يا شباب مش عارف أقول ايه
مشاركات فعالة جدا و نقاش مفيد جدا جدا
من الطبيعي جدا ان يكون في خلاف علي أي عربية ... و خصوصا في الفئة دي اللي هي التطور الطبيعي لعناء المواصلات و حلم اقتناء سيارة
أنا كل هدفي ن الموضوع اننا (أنا و كل اللي بيفكر يشتري الاكسنت و متردد) نوصل لرد مريح
هل العربية دي مشاكلها كتير و لا محدودة؟
هل المشاكل دي رئيسية و لا فرعية؟
هل تمنها فيها (بغض النظر عن أسعار السيارات في مصر و المبالغ فيها جدا جدا خصوصا بعد ما التوكيل بيشيل كل حاجة باعتبارها اوبشن)
و في الأخر هل العربية تستحق الاقتناء و لا لأ؟
ربنا يبارك لكل من شارك برأية عشان يفيد غيره
و يا ريت مشاركات أكتر يا شباب ... المناقشة دي مفيدة لكل اللي عايزين يشتروها
ليه مفيش حد عايز يرد عليا؟