الموضوع: تيل الفرامل الامامي بالتوكيل غير اصلي

المشاركة الأصلية كتبت بواسطة reamoz

ياجماعة الطنابير البريمبو مش شرط إنها تكون رياضية بريمبو دي شركة متخصصة في المنتجات الخاصة بنظام الفرامل زي التيل والطنابير والدشم والبساتم
لكن موضوع رياضية ده بيكون قصة تانية طنبورة أكبر وبتكون متشرطة العرض علشان تدي قوة إحتكاك أكبر للتيل مع الطنابير ودة طبعا بيخلي التيل يخلص أسرع والطنابير تسخن جامد وعلشان كدة بتكون متخرمة كمان علشان تساعد على التبريد ولازم طمان بستم أقوى ولقمة تيل أكبر وسيرفو أشد وليلة تانية ومش شرط تكون بريمبو كمان في شركات كتير جدا بيتعمل فرامل رياضية

انا الطنابير اللي في عربيتي بريمبو معنى كده إن الفرامل بقت رياضية؟ لأ طبعا بس هي شركة محترمة وليها إسم كبير فقط

بس أدائها ايه نظامه عندك ؟

السلام عليكم و رحمة الله

يا جماعة انا عندي نفس المشكلة، انا عربيتي Gen 2 2008 في صيانة العشرين المهنجس سألني انت غيرت تيل قولتلو لأ ، راح قالي لازم نغير تيل، و بعد ما كشفوا عليه قالي يتغير دا التيل الامامي قالي الخلفي كويس، بعد ما ركبت التيل اللعين ده الفرامل قعدت تصفر مش صفاره عاديه دي فضيحه والله كنت بتكسف في الزحمه من الصوت، المهم كلمت التوكيل عشان اودي العربيه يشوفلها حل، فوجئت بالانسة اللي بتاخد تفاصيل العربيه لما بقولها الفرامل بتصفر و ان لسه مغير تيل عندكوا قالتلي ايو يا فندم احنا عارفين انو بيصفر ، قولتلها نعم قالتلي اه عادي ال BMW 5 series تيلها بيصفر بالذمة دا كلام، المهم انهم ظبطوه معرفش ازاي والصفاره اختفت و بعدين رجعت تاني، دلوقتي اتا عامل اربعين الف و قالولي نفس الكلام تغير التيل و تخرط الطنابير واضح ان موضوع الخرط دا عندهم عادي، اصلا لما بقول لحدطده بيقولي انت عامل كام الف و مبيصدقش اني هاخر\ بعد 40 الف بس ، انا محتار يا جماعه ومش عاوز اغير التيل تاني في الضمان، انا كده كده هاخرج كمان شهرين(هو الضمان سنتين او ستين الف صح ولا غلط) انا بفكر اشتري التيل من بره و اغيره انا ولا اعمل ايه شوروا عليا، وحكاية الخرط دي برضوا مش عارف اعمل ايه، بحد التوكيل بيعمل حاجات غريبه و بحس ان همهم انك تدفع فلوس و خلاص مش همهم العربيه كويسه معاك و لا لأ

اسف للاطالة بس بعيد عنكوا مرارتي انفجرت منهم

لا المهندس اخر مره لما قولتلو كده قالي الحاجات اللي فيها استخدام مش في الضمان زي التكيف، الفرامل (التيل) المهم هو قالي ممكن نخرطهالك علي حسابنا عشان دي اول مره، بس الفكرة ان عشان يخرطوها علي حسابهم لازم اشتري التيل من عندهم وادفع مصنعيته، انا اصلا مش عاجبني التيل بتاعهم مش عارف هل اشتريه انا مع نفسي و اروح لاي حد يركبهولي ، ولا اكمل معاهم، وهل في نوع تيل كويس اشتريه احسن من بتاع التوكيل، بجد حاجه تحير