تيل الفرامل الامامي بالتوكيل غير اصلي

**powerofhelll** · 22-05-2010 06:24 PM

مشكله التيل دي مشكله عامه علي كده

**M.almaghraby** · 22-05-2010 07:26 PM

الحل في تيل ebc محترم للجين....

ربنا يسهل

**RedBull_30** · 22-05-2010 10:03 PM

المشاركة الأصلية كتبت بواسطة dr.almaghraby

الحل في تيل ebc محترم للجين....

ربنا يسهل

طب يا ريت تقول على مواصفات التيل ده وممكن اجيبه منين وبكام .. وربنا يجزيك خير

**MohabSaeed** · 22-05-2010 10:28 PM

المشاركة الأصلية كتبت بواسطة redbull_30

ايوة هو التيل ده .. انا مش عارف ايه موضوع المادة المسرطنه دي .. دي اشتغالة كبيرة بجد للناس .. وبعدين التيل ادائه مش اد كده لانه بيتمدد من كتر المعادن الرديئة فيه وبيعمل اصوات غريبة ويا ريت الصوت بيبقى فقط على سفارة ده بيبقى صوت تزييق كبير.. يا جماعه والله التيل ده رديء للغاية وما هو الا مكسب سريع للتوكيل مع عدم الاخذ في الاعتبار بسلامة السيارة وصاحبها

المشاركة الأصلية كتبت بواسطة redbull_30

شكرا يا استاذ مهاب على الصورة وبالفعل انا اقصد التيل ده بعلبته وبطريقة تغليفه

العفو يا باشا , عاوز بس اكدلك نقطه ... التيل ده اصلى فعلا ... مش مضروب ولا حاجه ... الصوره ديه لتيل فرامل واحد صاحبى اشتراه من ماليزيا من شهر " من مركز قطع غيار بروتون الاصليه " و هو هو نفس الى موجود فى التوكيل مافيش اى اختلاف .
بروتون ماليزيا بتنزل الجين2 من المصنع بالتيل البوش ... و فى مراكز الخدمه عندهم فى ماليزيا بيبيعو نفس التيل الى بيتباع هنا فى التوكيل .

حاجه كمان نفس نوع التيل ده انا مركبه فى عربيتى " واجا " و ماشى بيه 18 الف كيلو لغايه دلوقتى و شغال معايا كويس جدا ... هو فعلا في صوت صفاره بس بسيط و بيطلع لما بتدوس فرامل بنسبه 30 : 50 % .... قبل كده مافيش صوت و بعد كده مافيش صوت .

انا فاهم قصدك بالنسبه لموضوع البودره السوده الى بتتراكم على الجنط ....بس الموضوع ده ملوش علاقه بان التيل اصلى او مضروب ...التيل التركى بتاع الفيات 131 و الشاهين .. ابو 30 جنيه بتركبه برده بيعمل البودره ديه و بيتغير كل تلات او اربع شهور , ده مش مقياس ان التيل اصلى او مضروب .

الفكره ان فى انواع من التيول ... تيل طرى و ده الى بيخلص بسرعه و مش بيصفر و بيعمل البودره السوده الى قولت عليها , و تيل ناشف بيصفر مع الفرامل نتيجه لوجود براده النحاس بتركيبته و بيقعد فتره اكتر .... و انواع تانيه غاليه جدا مصنعه من السراميك و ديه للعربيات الرياضيه و مش متوافره للعربيات العاديه .

**M.almaghraby** · 23-05-2010 12:17 AM

و انواع تانيه غاليه جدا مصنعه من السراميك و ديه للعربيات الرياضيه و مش متوافره للعربيات العاديه .

التيل ال ebc سيراميك و احتمال يكون موجود منه للجين 2

حسال و ابقي اقولكوا

**MohabSaeed** · 25-05-2010 03:54 AM

المشاركة الأصلية كتبت بواسطة DR.almaghraby

التيل ال ebc سيراميك و احتمال يكون موجود منه للجين 2

حسال و ابقي اقولكوا

تمام يا مُحب , انا كمان من فتره شوفت اقراص فرامل اماميه بريمبو للجين2 كانت بتتباع فى شارع دمشق الاتنين كانو ب600 او 700 جنيه تقريبا .
كده يبقى معاك فرامل رياضيه

**reamoz** · 25-05-2010 01:58 PM

التيل الكويس المفروض ولا يصفر ولا يعمل البودرة السوداء اللي على الجنوط دي
التيل اللي بيصفر ده بيكون ناشف جداً نتيجة لزيادة نسبة النحاس فيه ودة بيبوظ الطنابير
والتيل اللي بيعمل بودرة سوداء بتكون نسبة الألومنيوم فيه كتيرة وده بردة مش كويس
ومع الأسف التيل كله في مصر دلوتي زي الزفت علشان في الجمارك بقو يمنعو دخول التيل اللي فيه إسبستوس
الإسبستوس دس المادة اللي بتضاف للخلطة اللي بيتعمل منها التيل علشان تخلية ماسك نفسه وفي نفس الوقت مايكنش ناشف زيادة عن اللزوم
والمضر في الماده دي هو إستنشاق الغبار أو البخار بتاعها لما بتكون في مرحلة التصنيع مش لما بتكون في التيل
وللعلم المادة دي كان بيتعمل منها مواسير المياه والصرف الصحي العمومية زمان وبطلو يستخدموها لما إكتشفو الضرر اللي بيحصل للعمال في مصنع المواسير دي لما بيتعرضو للماده دي فترات طويلة أثناء مرحلة التصنيع.
بس السوق بردة فيه تيل فيه إسبستوس ومكتوب عليه إنه مفيهوش إسبستوس وكله بيعدي من الجمارك وده انا شفته بعيني
دلوقتي المصانع في الصين تعملك أي منتج وتكتب عليه الماركة اللي إنت عايزها والمواصفات اللي إنت عايزها وكلة ماشي وإنت وحظك في اللي بتشتريه

**Raul_7** · 25-05-2010 03:16 PM

المشاركة الأصلية كتبت بواسطة MohabSaeed

تمام يا مُحب , انا كمان من فتره شوفت اقراص فرامل اماميه بريمبو للجين2 كانت بتتباع فى شارع دمشق الاتنين كانو ب600 او 700 جنيه تقريبا .
كده يبقى معاك فرامل رياضيه

بجد والله!! أهِه ده فرامل تستاهل فلوسها بجد!

**M.almaghraby** · 27-05-2010 08:27 PM

المشاركة الأصلية كتبت بواسطة mohabsaeed

تمام يا مُحب , انا كمان من فتره شوفت اقراص فرامل اماميه بريمبو للجين2 كانت بتتباع فى شارع دمشق الاتنين كانو ب600 او 700 جنيه تقريبا .
كده يبقى معاك فرامل رياضيه

دا بجد يا مهاب؟؟؟؟؟؟

فين دول؟؟؟

**reamoz** · 29-05-2010 06:24 PM

ياجماعة الطنابير البريمبو مش شرط إنها تكون رياضية بريمبو دي شركة متخصصة في المنتجات الخاصة بنظام الفرامل زي التيل والطنابير والدشم والبساتم
لكن موضوع رياضية ده بيكون قصة تانية طنبورة أكبر وبتكون متشرطة العرض علشان تدي قوة إحتكاك أكبر للتيل مع الطنابير ودة طبعا بيخلي التيل يخلص أسرع والطنابير تسخن جامد وعلشان كدة بتكون متخرمة كمان علشان تساعد على التبريد ولازم طمان بستم أقوى ولقمة تيل أكبر وسيرفو أشد وليلة تانية ومش شرط تكون بريمبو كمان في شركات كتير جدا بيتعمل فرامل رياضية

انا الطنابير اللي في عربيتي بريمبو معنى كده إن الفرامل بقت رياضية؟ لأ طبعا بس هي شركة محترمة وليها إسم كبير فقط

الموضوع: تيل الفرامل الامامي بالتوكيل غير اصلي

LinkBack

أدوات الموضوع

عرض

-

-

-

-

-

-

المواضيع المتشابهه

تيل الفرامل الامامي

تيل الفرامل الامامي في صني 2010

مشكله في الفرامل بعد تغير التيل الامامي

تيل الفرامل الامامي بتاع ال 405

تيل الفرامل الامامي

الكلمات الدلالية لهذا الموضوع

المفضلات

المفضلات

ضوابط المشاركة