الموضوع: معلش هاحرق دمكم

المشاركة الأصلية كتبت بواسطة wawoo

يا اخى اشربلك كوباية لمون واهدى كدة ....

هو الكلام بفلوس ...مافيش اسهل من الكلام ..يا سيدى اثيوبيا تقول اللى هيا عوزاة ..الكلام سهل ...
انما كل دة مفهوم من منطق استفزاز مصر و استفزاز المصريين " ومعاهم السودانيين كمان ضمنيا يعنى "

انما موازين القوى على ارض الواقع مختلفة ..لكن مصر مش حتستفز لاى عمل اهوج او خلافة لمجرد شخص مش عارف هو بيقول اية "تقريبا مش فاهم كويس " ودة متوقع يعنى من دولة متواضعة زى اثيوبيا ..

يعنى عاوز اقولك متخدش الكلام دة على اى محمل فية اى شىء من المنطق ..هو مجرد كلام زية زى غيرة ..فهمنتنى

اختلف مع حضرتك
الى بيقولوة دة مش مجرد كلام دى حقيقة وبدؤا فعلا فى استيراد الاسمنت من ايطاليا والى هينفذ المشروع شركة صينية
يعنى هما خلاص سابوا مرحلة الكلام وبدؤا فى مرحلة التنفيذ
لو كانوا شايفين مصر على المستوى الدبلوماسى والحكومة بتاخد موقف او بتهدد حتى مجرد تهديد كانوا فاكروا قبل مايتكلموا
انما هما عارفين اخرنا هنتحايل عليهم علشان يجوا شرم الشيخ وبعدن ناكلوهم جمبرى واستاكوزا ونتصورا معاهم وخلاص زى القمم العربية

للاسف مصر بقت بتخاف تتكلم

منسبقش الأحداث ..

عشان مندخلش فى حرب ملهاش لازمة حاليا ..

المشاركة الأصلية كتبت بواسطة seiffoz

منسبقش الأحداث ..

عشان مندخلش فى حرب ملهاش لازمة حاليا ..

احنا لازم ندبح القطة من دلوقتى
انما شغل سيبهم لضميرهم دة مش هيودينا سكة عدلة

المشاركة الأصلية كتبت بواسطة elassar2010

وبدؤا فعلا فى استيراد الاسمنت من ايطاليا

هو ايطاليا بتصنع اسمنت ؟!!!!

المشاركة الأصلية كتبت بواسطة amrbakly

و انت صدقتة ؟
طيب عمر البشير كان وقتها الراعي الرئيسي لعملية الإغتيال و اتكتب الكلام دة في الصحافة المصرية علني

مبعتوش لية بقي سلاح الطيران يرد علي البشير ؟

و لية النهاردة بنطبطب علي البشير السفاح اللي قاتل نص مليون مسلم في دارفور ؟

و لية احنا الدولة الوحيدة اللي استقبلتة رغم انة مطلوب محاكمة دولية؟


ولا حنقدر نعمل اي حاجة، للأسف النظام فاكر دول حوض النيل دية زي متظاهرين 6 ابريل يبعتلهم كام عسكري امن مركزي و الناس تجيب ورا

ميعرفش ان الخيبة ورا الخيبة في التعامل مع العمق الإستراتيجي بتاعك هي اللي وصلك للمرحلة دية و النهاردة بقيت تتكلم عن الأمن القومي و شوية عيال بسلاح علي الحدود مربينك و فاتحين انفاق في ارضك ولا انت عارف ترد بتلاتة نكلة

هو علي رأي صاحب الموضوع احنا مبقيناش عاملين رجالة إلا علي بتوع حماس و يا ريتنا نافعين كمان

أنا بتكلم عن حادث معين بتفاصيله وانا متأكد انو حصل لسبب واحد لما أكثر من شخص يبقى عندهم نفس المعلومه وبدون روايات مختلفه يبقى معتقدش أنو فيلم وخصوصا ان الموضوع دايما مصدره حد كان فى الجيش فى الوقت ده مش وسيله أعلام أو جريده عشان ندى أحتمال أنها متفبركه ولا متألفه
حاجه زى دى كانت أمن قومى ولو ليك حد فى المخابرات العسكريه والعامه ممكن تبقى تسأله عن الموضوع ده زى ما مثلا فى يوم من الأيام كلنا مكناش نعرف حاجه عن البريمه اللى كانو جايبنها الأسرائليين للتنقيب عن البترول فى سينا وأضربت وأتفرتكت فى المحيط الأطلنطى قبل ما توصل
بص أنا زى زي اى حد فى البلد دلوقتى مش عاجبه الحال اللى وصل ليه البلد ولونى مليش ميول سياسيه ولا بحب أشارك فى المواضيع اللى فيها سياسه بث عندى ثقه فى الله وفى الجيش المصرى
وفى المخابرات العامه والعسكريه اللى ليهم مواقف كتير واللى لا أنا ولا انت سمعنا ولا هنسمع عنها حاجه الا بعد سنين زى محصل فى رفعت الجمال وغيره وغيره من ملفات المخابرات العامه المصريه
وحاجه زى دى صدقنى مش هيتسكت عليها من القاده لسبب لأن المياه دى هى الروح لكل حاجه
ولما الناس تقوم الصبح ما تلاقيش الروح دى هيبقى مش فارق معاها حاجه وساعتها العواقب هتبقى مش سليمه كلو هيبقى بايع نفسه مهى كدا كدا ميتين ميتين فرد فعلهم اتجاه الناس دى هيبقى مش حلو
فالناس دى مش هتستنى لما الناس تثور عليهم وتشيلهم من مناصبهم وكراسيهم بأنقلاب
ممكن تقول عليا متفائل بس انا بنقلك الصوره اللى جوايه واللى هتحصل لو دا حصل ومفتكرش ان حد فينا يبقى مهدد علنى بالموت لسبب معلوم ومش هتحاربه وفى الأخر أقولك أراده ربنا فوق كل شئ

المشاركة الأصلية كتبت بواسطة hesham_tawfiq

هو ايطاليا بتصنع اسمنت ؟!!!!

دة الى اتكتب فى المصرى اليوم واليوم السابع