معلش هاحرق دمكم

**mrwho1982** · 22-05-2010 03:09 AM

السلام عليكم اولا

ثانيا معلش هاحرق دمكم شوية بس الموضوع كده مايتسكتش عليه خالص

للدرجة دي احنا بقينا صغيرين للدرجة دي يطلع واحد يقول كده

فيييين الحكومة فين ابو الغيط ولا مابيتنططتش غير علي بتوع حماس

رئيس الوزراء الإثيوبي: مصر لن تستطيع منعنا من بناء سدود علي النيل

حسبي الله ونعم الوكيل وللعلم والله العظيم ربنا كبير جدا

وبكرة تشوفو ان ربك لبالمرصاد

بكره لما ابنك او ابن ابنك يكبر هايكون مكتوب في كتاب التاريخ اسوأ فترة حكم في مصر هي انه فترة وللاسف دي فعلا اسوا فتره اللي احنا فيها

مش هاكترفي الكلام علشان ماتوقفش وخالي الحقيقة في القلب لاحسن تطلع علي اللسان وتفضح

حسبي الله ونعم الوكيل

**A7MED_PHARMA** · 22-05-2010 03:12 AM

والله الراجل ماغلطش
إذا كان مصر ماقدرتش إنها تمنع السعودية إنها تجلد الأطباء المصريين
يبقا هتقدر تمنع أثيوبيا إلي مش لاقيين ياكلوا ..إنهم يموتونا من العطش

حسبي الله ونعم الوكيل

**M.Osman** · 22-05-2010 03:24 AM

مصر بقت فرفورة يا جدعان !!

**misoalex** · 22-05-2010 03:56 AM

المشاركة الأصلية كتبت بواسطة M.Osman

مصر بقت فرفورة يا جدعان !!

لاوبقى يتعلم عليها من العيال السيس كمان

**Hondawy_2008** · 22-05-2010 04:10 AM

لأ و في ال fm على 100.6 من يومين كان مذيع أهبل بيقول تعملوا ايه لو صحينا لقينا النيل مفهوش ولا نقطة و عمال يسأل الناس في التلفون يعني بيعمل تمهيد للي هيحصل ولا ايه !!! وبيتكلم عادي و لا كأن في رد فعل هيكون من ناحية مصر...مصر عجزت يا رجالة

**wawoo** · 22-05-2010 04:13 AM

المشاركة الأصلية كتبت بواسطة mrwho1982

مش هاكترفي الكلام علشان ماتوقفش وخالي الحقيقة في القلب لاحسن تطلع علي اللسان وتفضح

حسبي الله ونعم الوكيل

يا اخى اشربلك كوباية لمون واهدى كدة ....

هو الكلام بفلوس ...مافيش اسهل من الكلام ..يا سيدى اثيوبيا تقول اللى هيا عوزاة ..الكلام سهل ...
انما كل دة مفهوم من منطق استفزاز مصر و استفزاز المصريين " ومعاهم السودانيين كمان ضمنيا يعنى "

انما موازين القوى على ارض الواقع مختلفة ..لكن مصر مش حتستفز لاى عمل اهوج او خلافة لمجرد شخص مش عارف هو بيقول اية "تقريبا مش فاهم كويس " ودة متوقع يعنى من دولة متواضعة زى اثيوبيا ..

يعنى عاوز اقولك متخدش الكلام دة على اى محمل فية اى شىء من المنطق ..هو مجرد كلام زية زى غيرة ..فهمنتنى

**M.Mostafa80** · 22-05-2010 04:14 AM

زى محصل قبل كدا هيحصل تانى هيطلع سرب من سلاح الطيران يساوى السد بالأرض ويرجع مكانو تانى ومتقولوليش انت متفائل ولا جبت الكلام دا منين الكلام دا حصل فى السنه اللى الريس اتعرض فيها لمحاوله اغتيال هناك وتم التعتيم على الموضوع ده ومحدش عرف عنو حاجه وانا عن نفسى سمعتو من مصدر عسكرى

**amrbakly** · 22-05-2010 04:22 AM

في مسلسل جمعة الشوان كان أبو داود بيقول لجمعة ... الـ (............) المصرية دية قوية عليكم أنتم بس يا جمعة .... دلوقتي عرفت أن أبو داود كان عندة حق !

يعني مفيش داعي نفسر

**amrbakly** · 22-05-2010 04:31 AM

المشاركة الأصلية كتبت بواسطة m.mostafa80

زى محصل قبل كدا هيحصل تانى هيطلع سرب من سلاح الطيران يساوى السد بالأرض ويرجع مكانو تانى ومتقولوليش انت متفائل ولا جبت الكلام دا منين الكلام دا حصل فى السنه اللى الريس اتعرض فيها لمحاوله اغتيال هناك وتم التعتيم على الموضوع ده ومحدش عرف عنو حاجه وانا عن نفسى سمعتو من مصدر عسكرى

و انت صدقتة ؟
طيب عمر البشير كان وقتها الراعي الرئيسي لعملية الإغتيال و اتكتب الكلام دة في الصحافة المصرية علني

مبعتوش لية بقي سلاح الطيران يرد علي البشير ؟

و لية النهاردة بنطبطب علي البشير السفاح اللي قاتل نص مليون مسلم في دارفور ؟

و لية احنا الدولة الوحيدة اللي استقبلتة رغم انة مطلوب محاكمة دولية؟

ولا حنقدر نعمل اي حاجة، للأسف النظام فاكر دول حوض النيل دية زي متظاهرين 6 ابريل يبعتلهم كام عسكري امن مركزي و الناس تجيب ورا

ميعرفش ان الخيبة ورا الخيبة في التعامل مع العمق الإستراتيجي بتاعك هي اللي وصلك للمرحلة دية و النهاردة بقيت تتكلم عن الأمن القومي و شوية عيال بسلاح علي الحدود مربينك و فاتحين انفاق في ارضك ولا انت عارف ترد بتلاتة نكلة

هو علي رأي صاحب الموضوع احنا مبقيناش عاملين رجالة إلا علي بتوع حماس و يا ريتنا نافعين كمان

-

الموضوع: معلش هاحرق دمكم

LinkBack

أدوات الموضوع

عرض

معلش هاحرق دمكم - انشر الموضوع فى :

-

-

-

المواضيع المتشابهه

معلش لى سوالين

خدوا احرقوا دمكم اشمعني انا دمي بس اللي يتحرق

معلش بس احب افكركم

رغم انف جمهور الاسماعيلي الحاقد.... الأهلي عمكم وحابس دمكم...

الكلمات الدلالية لهذا الموضوع

المفضلات

المفضلات

ضوابط المشاركة