ليه فولفو مش بتدخل فى مقارنه خااااااااااااالص

**Hosam_Optrawy** · 22-05-2010 06:47 AM

المشاركة الأصلية كتبت بواسطة Dr.Ahmed_Taha

معاك طبعا ياباشا فى كل كلمه
بس لو بصيت بره بالذات فى امريكا ليه دايما تلاقى فولفو منتشره وبشده
بالرغم من وجود مركات تانيه كتيره وممتازه
وكمان كل من فانتازيا وجيتا اللى هما نفس الفئه تقريبا واخدين 4 نجوم فى اختبارات الامان
وطبعا فانتازيا يعيبها البلوف او الفالف كما قال احد مهندسين التوكيل فى منتدى سكودا
والجيتا منخفضه جدا جدا
هل فولفو تتوفق فى النقط دى مع تساويها فى باقى النقاط
اعتقد لو تفوقت فيهم تبقى افضل
ومش هاعلق على بى ام لان اسعارها اغلى واكيد اوبشن اقل بالذات اول الفئه التالته

طيب بص بلاش نقارنها بدول

ايه رأيك نقارنها بحاجه أرخص ؟

فورد فوكس

مش عارف حضرتك عندك المعلومه دى ولا لأ بس عموما هاقولك

شركة فولفو شركه سويديه واتباعت سنه 99 لفورد , ومؤخرا اتباعت لجيلى الصينيه

والفورد فوكس نفس شاسيه الفولفو S40 ونفس الموتور

ومعدياها فى اختبارات الامان EuroNcap

صحيح الاتنين واخدين 5 نجوم لكن الفورد فوكس واخده تقييم ونقط أعلى وأكتر

وسعرها فل أوبشنز اوتوماتيك ب 148 الف

ايه رأى حضرتك ؟

**pro_samir** · 22-05-2010 08:22 AM

والله علي مواصفاتها اللي في تقرير الأخ الصيداح و بـ220 بس تبقي افضل من الفئة التالتة مليون مرة

بس عندنا الناس بتجيب البي ام لمجرد ان عليها علامة البي إم حتي لو فاضية

أظن ليها توكيل بالفعل علي ما اذكر اسمة شركة الكويت والدول العربية أو حاجة زي كدة مش دة وكيل وعندهم صيانة برضو ولا اية نظامهم ؟

عموما اللي يفكر يشتريها يبقي مش ناوي علي بيع بس يشوفلة منتدي تاني لأن ملهاش قسم هنا هههه

كان عندنا فولفو زمان وهي أول عربية خدت منها خبرة سواقة في بداية سواقتي وبصراحة عربية تحفة وجت في اواخر سنينها كان بيركبها سواقين في مشاوير الشغل وكانت بتعمل حوادث مفيش عربية تستحملها يعني اللي ينام ويدخل في اتوبيس راكن واللي يدخل الملف طوالي فا ينزل يرشق في الحجارة المبطنة للترعة من الناحية التانية واللي يدخل في تريلا بجد مش فاكر الحوادث اللي اتعملت بيها من كترهم لو عربية تانية كانت اترمت خردة

بالمناسبة شوفو التريلات الفولفو كمان عاملة ازاي عند غبور

ولا الأتوبيسات بس تقريبا مش موجودة جديدة هنا

**2faster** · 22-05-2010 02:51 PM

التوكيل بتاعها في شارع 45 الاسكندرية

وكل ما اعدي عليه معندوش غير عريتين وتقريبا هما هما

**M.almaghraby** · 22-05-2010 03:05 PM

العربية دي جامدة اوي

و علي فكرة هوا تمنها هنا مغالي فيه اوي اوي .........

انا فاكر اول ما نزلت كانت ب 170 تقريبا..

لكنها ليها هيبة فظيعة عالطريق

**SeiffoZ** · 22-05-2010 03:55 PM

تجهيزات الفولفو أعلى بكتير ...

جودة الفولفو أعلى ....

**الصيداح** · 22-05-2010 08:02 PM

بصرااااااااحة هي أفضل من أول طرح في الفئة الثالثة للبي إم بكثير
البي إم فارغة وبحوالي ربع مليون
لكن المشتري لن يقدر الفولفو طالما سيجدها بنفس الفئة السعرية للبي إم
لكن لو إنخفضت سعر الفولفو إس 40 ليبدأ من 170 ألف حتى سيكون هناك إختلافا عظيما

**M.Akef** · 22-05-2010 09:14 PM

انا كنت من ملاكي فولفو و كنت مهتم بكل سياراتها لفتره طويله و عارف كل مصمار في الs40 تقريبا
بص يا مان فولفو من الاخر ليها زبونها زيها زي الفا روميو كدا
فمتسألشي ليه مش منتشره لان مش اي حد بيركبها
و في رايي بعض الناس انها عشان منيول و ب220 الف و حالان ب200 بس و مفهاش كماليات كتير و كدا لكن هي زي ما انت عارف سياره امان من الدرجه الاولي و تحمل محركات جباره و معمره جدا و ثبات رائعه و فخامه و تكنولوجيا رائعه و شكل خرافي
بس زي ما بقول العربيه دي ليها زبونها
علي فكره قطع الغيار زيها زي البي ام و المرسيدس مش نار يعني زي الافا روميو مثلا و الاند لوفر و التوكيل بتعها ناس محترمه اوي و فهمين هما بيعملو ايه

**M.Akef** · 22-05-2010 09:17 PM

المشاركة الأصلية كتبت بواسطة الصيداح

بصرااااااااحة هي أفضل من أول طرح في الفئة الثالثة للبي إم بكثير
البي إم فارغة وبحوالي ربع مليون
لكن المشتري لن يقدر الفولفو طالما سيجدها بنفس الفئة السعرية للبي إم
لكن لو إنخفضت سعر الفولفو إس 40 ليبدأ من 170 ألف حتى سيكون هناك إختلافا عظيما

بس علي فكره يا مان فولفو سياره ثبات و امان اولي و اعلي من اي شركه في العالم في الحته دي
يعني عربيه عائليه جدا و تطمن و انت ركبها يعني هي حتي مش فولكس باسات عشان نقول نفضل بي ام عنها لا دي اكبر شكره في العالم من حيث الامان

-

-

الموضوع: ليه فولفو مش بتدخل فى مقارنه خااااااااااااالص

LinkBack

أدوات الموضوع

عرض

-

-

-

-

-

المواضيع المتشابهه

بتدخل المنتدى كتير ؟

نستله ....... بتدخل لحم الخنزير في منتجاتها

الميا بتدخل حوة العربية لما بغسلها؟

العرسه بتدخل العربيه

مقارنه بين اقوى السيارات البيك اب فى العالم(مقارنه الجبابره)

الكلمات الدلالية لهذا الموضوع

المفضلات

المفضلات

ضوابط المشاركة