ليه فولفو مش بتدخل فى مقارنه خااااااااااااالص

**Dr.Ahmed_Taha** · 22-05-2010 04:02 AM

السلام عليكم ورحمه الله وبركاته
اولا ازيكم جميعا يارب دايما بصحه وخير وسلام
انا حبيت اسال هو ليه فولفو مش بتدخل فى مقارنه خااااااااااااالص
مع انها سعرا قريبه من عربيات كتير
فممكن لو فرضنا ان فى فولفو 1600 تيبترونك
هل ينفع تتقارن بالجيتا والفانتازيا
ياريت حد يقولنا مميزات الفولفو ولو اتقارنت يبقى ايه النتيجه
وسؤال لاى حد معاه تمن الفولفو
انت ليه اشتريت غيرها وسيبتها او حتى مش فكرت فيها
ياجماعه انا عارف ان العربيه جميله جدا
ونفسى حد ياكد كلامى
ياريت نشارك وننصف العربيات المهضوم حقها دى
جزاكم الله خيرا

**shouk_1987** · 22-05-2010 04:19 AM

عشان بكل بساطة يا عزيزى "أنت فى مصر"
ياعنى و لا توكيل ولا قطع غيار ولا إعادة بيع
مع إنها عربية تحفة بجميع المقاييس

**NoRmAl** · 22-05-2010 04:21 AM

المشاركة الأصلية كتبت بواسطة shouk_1987

عشان بكل بساطة يا عزيزى "أنت فى مصر"
ياعنى و لا توكيل ولا قطع غيار ولا إعادة بيع
مع إنها عربية تحفة بجميع المقاييس

+ سعر خرافى

**Dr.Ahmed_Taha** · 22-05-2010 04:25 AM

شكرا ياجماعه على السرعه
بس اكيد لها توكيل
وعلى فكره ال s40
سعرها متقارب مع الاوكتافيا والجيتا الهاى لاين لو اعتبرناها اتوماتيك
فياريت نحاول نفكر تانى
انا بحب العربيه ومش هاشتريها علشان مفيش حد يفكرنى متحيز ولا حاجه

**NoRmAl** · 22-05-2010 04:32 AM

المشاركة الأصلية كتبت بواسطة Dr.Ahmed_Taha

شكرا ياجماعه على السرعه
بس اكيد لها توكيل
وعلى فكره ال s40
سعرها متقارب مع الاوكتافيا والجيتا الهاى لاين لو اعتبرناها اتوماتيك
فياريت نحاول نفكر تانى
انا بحب العربيه ومش هاشتريها علشان مفيش حد يفكرنى متحيز ولا حاجه

يا باشا محدش ركب العربيه دى إلا لما حلم بأقتنائها وأنا واحد منهم
لكن خليك واقعى
المشكله مش فى كل عنصر من الى اتقالوا فرادى
المشكله فى التركيبه كلها مع بعضها
يعنى أجيب جيتا هاى لاين منتشره وتوكيلها معروف ومجربه ولما أفكر أبيعها ألاقى ميت مشترى
ولا أجيب الs40 الى العكس فى كل دا ويمكن لما أجى أبيعها الراجل يقلى دى نزلت أمتى دى!!!!
أنا معاك انها تشارمينج ومن الفضاء لكن شرائها مجازفه مقدرش أخدها "قال يعنى معايا سعرها :)"

**Dr.Ahmed_Taha** · 22-05-2010 04:42 AM

ربنا يرزقنا ويرزقك ياباشا
بس حتى على الاقل يبقى عندنا فكره عنها
انا عمرى ما لقيت موضوع بيقول مواصفاتها فى مصر
ولا مدى كفائه محركها مثلا ولا سرعه ولا عيوب غير عدم انتشارها والخوف من اعاده بيها
بس لو احنا معانا فلوسها هانفضل نخاف انا وحضرتك وغيرنا حتى لو هيا كويسه
وهانروح للاتجاه الخاطئ
باعتبار تفوقها فغيرها يعتبر اختيار غير موفق بالنسبه لها

**Hosam_Optrawy** · 22-05-2010 05:19 AM

بص انا برضه معنديش معلومات كفايه عنها

بس هانفترض انها منتشره وقطع غيارها موجوده واعادة بيعها كويسه وليها توكيل والحياه جميله

ايه السبب اللى يخلينى أدفع 220 الف جنيه فى عربيه 1600 سى سى 100 حصان وكمان مانيوال ؟؟؟

وتقريبا كمان مفيش منها 2010 أخر موديل نزل 2009

بإختصار اى عربيه تانيه بسعرها أو أرخص منها تتفوق عليها من رأيى

**الصيداح** · 22-05-2010 05:44 AM

حتى لو مانيوال فهو أيضا له عشاقه

بصراحة أنا من عشاق هذه السيارة لدرجة الجنون لكن أين ثمنها
صدقوني لو معي ثمنها وأي توكيل يوفر فقط قطع الغيار فلن أتوانى عن شرائها حتى لو مانيوال
هي حقا تحفة فنية رااااااااائعة
ربنا ييسر لعز العرب ويعمل حاجة في فولفو

http://www.nilemotors.net/Nile/137601-s40.html

**Hosam_Optrawy** · 22-05-2010 05:51 AM

المشاركة الأصلية كتبت بواسطة Dr.Ahmed_Taha

الف شكر ياباشا على الرد
بس انا قولت هانفترض انها اتوماتيك
ومنها 2010 على كونتاكت كارز
فلو شيلنا كلمه مانيوال من الرد بتاع حضرتك يبقى ايه الوضع بقى ؟؟؟؟؟؟؟؟؟؟؟؟؟؟؟؟

الوضع كالتالى

فى باسات ب 215 الف و Bmw 316 ب 215 الف وفى جيتا كامله وفانتازيا كامله

ولو عايز هاتش باك فى ليون وجولف

وفى أرخص من كدا كمان فورد فوكس كامله فى حدود 150 الف

الفولفو تتفوق على دول بإيه عشان اختارها ؟

انا مش لاقى اى ميزه او سبب بصراحه ان الواحد يجيبها

-

الموضوع: ليه فولفو مش بتدخل فى مقارنه خااااااااااااالص

LinkBack

أدوات الموضوع

عرض

ليه فولفو مش بتدخل فى مقارنه خااااااااااااالص - انشر الموضوع فى :

-

-

-

-

-

-

المواضيع المتشابهه

بتدخل المنتدى كتير ؟

نستله ....... بتدخل لحم الخنزير في منتجاتها

الميا بتدخل حوة العربية لما بغسلها؟

العرسه بتدخل العربيه

مقارنه بين اقوى السيارات البيك اب فى العالم(مقارنه الجبابره)

الكلمات الدلالية لهذا الموضوع

المفضلات

المفضلات

ضوابط المشاركة