يا جماعه انا شفت العربيه انهارضه

**saeed85** · 22-05-2010 04:29 AM

يا جماعه انا شفت العربيه انهارضه و جربتها بس في صوت كده نحيه الي جنب السواق بالظبط عند حزام الامان كده زي صوت تزييقه الحاجه الوحيده الي لفتت نظري لما سمعتها بس العربيه كلها ماشاء الله فابريكه و عامله 80000 كم بس صاحبها ماسك في 67000 جنيه و موافق علي اني ارفعها في التوكيل و لو فيها اي حاجه يعملهالي هو بيتعامل مع الميكانيكيون العرب هو ده معتمد ولا ايه ؟ قولولي علي مكان ارفعها فيه مضمون و الكشف ده بكام ؟ و سعرها كده ايه نظامو
و الكصدام من قدام فاكك سنه من اللمين بيقولي دي كلبسات بتركب فيه و الرفف الي جنبه مقطوع قطعه كده من تحت !
قولولي اعمل ايه ؟ معلش متقل عليكوا بس انتوا راكبين الميجان فعارفينها

**blazer** · 22-05-2010 07:03 AM

لازم تقول معلومات زى موديل العربيه وانهى فئه

**abasse** · 22-05-2010 09:26 AM

بص ياباشا
أول حاجة الكشف فى التوكيل مهم جدا أنا عربيتى كنت كاشف عليها فى الميكانيكيون لان الراجل كان بيعمل الصيانات هناك وهما قولولى على حاجات فيها بس مطلعش كل حاجه فاهم حاجة الكشف فى التوكيل
فى الميكانكيون كشف البيع و الشراء ب 150 ج ميكانيكا وكهربا و150 سمكرة ودهان من سنة كده
فى التوكيل الكشف ب 500 ج شامل كل حاجة وبياخد يوم كامل تقربيا بس أهو أهون من أنك تدفع فلوسك فى حاجة مش كويسة
خلى بالك ساعات التوكيل يقول على حاجات لازم تتغير وممكن تكون شغال 60 % منها زى مساعدين طنابير
فخلى يقولك على حالتها كام فى المية عشان تعرف تقدرها

ولو طلع فيها حاجة صغيرة يبقى خلى الراجل يعملهالك زى ما بتقو ل حتى لو فى الميكانيكيون
أهم حاجة الحاجات الأساسية الماتور الفتيس ( هى مش 2006 ) العربية مش عاملة حادثة جامدة الكهربة ما أتلعبش فيها وطبعا لو قدرت وده مهم تعدى على الميكانيكيون تاخد منهم ورقة أو تعرف الرجل عامل صيانات أية وعمل فيها أية زى صيانة ال60 ودية صيانة مهمة عمل فيها أية فى كتالوج الصيانة مع العربية أتشك منه الراجل عمل أيه منه لو ورق الصيانات مع الرجل بيقى أحسن شوف الرجل غير قبل كده كويلات مغير بطارية أمتى

أما بالنسة لموضوع الصوت الى جاى من الباب ده صوت عادى بيقى من التراب الى بيلزق على الأقفال بيروح لما ترش عليه أى سيلكون أ سبرى أو w40

بالنسبة للسعر ده د هيبقى شغال عليها لو هى كويسة و 2006 بانوراما مريات ضم و جنوط

بس الخلاصة العربية ديه حلوة فعلا
أنا كنت هبعتلك نمرتى على الخاص بس أنت لاغى أستقبال الرسائل
على العموم أهى
0127138907

**marwan_147** · 22-05-2010 12:10 PM

بالتوفيق ان شاء الله ربنا يتملك على خير

**saeed85** · 22-05-2010 06:37 PM

هي موديل 2006 بانوراما استبترونيك و جنوط 80000 كم حمراء اول يد و ان شاء الله هكلمك انهارضه ياباشا عشان استفسر منك اكتر

**elassar2010** · 22-05-2010 06:52 PM

بالتوفيق ان شاء الله

**saeed85** · 23-05-2010 12:54 PM

يا جماعه بالنسبه للرفرف هو مكسور كسره كده من تحت من نحيه العتب هو ده ايه الحل بتاعوا لازم هرش و اعمل الرفرف عند بتاع الفيبر و لا اشتريه و ارشوا ولا استيراد ولا ايه ؟

**د.محمود صلاح** · 23-05-2010 05:57 PM

هتشتريه وترشه بحوالي 800 - 1000 ج ..

**saeed85** · 24-05-2010 02:16 PM

هحاول يا باشا اصورلك العربيه بالكامل بس بالنسبه للصوت الي جاي من نحيه حزام الامان الي جنب السواق صوت زي تزييق جده عندكوا ولا ايه حله ده ؟ صوت رخم صراحه يحسسك ان العربيه قديمه مع ان كل حاجه فيها مريحه و البانوراما و القعده و كده