الموضوع: عاوز عناوين تجار قطع غيار اوبل فى بور سعيد يا جماعه

على
لادا
بنكالاسكان

هنزل مشوار وأرجع ارد عليك ,,,خليك متابع

بص ,,,,هما كتير بس هلمهملك في منطقتين بحيث إنك تروح المنطقه الفلانيه تسأل عالمحلات اللى في المنطقه دي وهتلاقيهم جنب بعض
أولا قطع غيار الجديد :
الألمانيه -(حرفيين الزهور ) في منطقه إسمها ال 5000 ,,,اسمها كده خمستالاف
أبو جاموس -(نفس المنطقه ,,,في ظهر الألمانيه كده )
الوليد- (نفس المنطقه برده ) -ده عنده كل حاجه ده لعربيات كتير اوى

دول الأساس غير كام محل هتلاقي فيهم قطع غيار أوبل في نفس المنطقه برده (حرفيين الزهور) ,,بس مش تخصص أوبل
نكمل
بيت الجولف (في وسط البلد عند حديقه فريال ,,,إسأل هناك عليه )

ثانيا قطع غيار المستعمل (الإستيراد - الشونه )
الشيخ محمد (بنك الإسكان )
رحيمه (بنك الإسكان امام فرن العيش ) وده تليفون الشاب اللي شغال عنده ممكن تكلمه تسأله
إسمه العربي 0127586620
علي لآدا (بنك الإسكان ) وده سيبه للأخر لأن اسعاره والعه نار
علي فكره إبقي إسأل العربي ده علي أي حد تاني هيدلك لو ملقتش عنده اللى انت عايزه

بالنسبه للجنوط
بص انت خدلك لفه في بنك الإسكان علي جنوط إستيراد وهتبقي أرخص من الجديد بكتير وفي الغالب فابريكه
انا عن نفسي لو هجيب جنط هستحرم أجيب جديد
بالنسبه للجنوط الجديد ,,,,,فيه ناس كتير اوى بس هقولك علي شارع فيه أكتر من واحد بيبيع جنوط جديده
شارع 23 يوليو ,,,,,إسأل حد علي محلات الإكسسوارات العربيات والجنوط اللى هناك
شارع طرح البحر وانت بتتمشي فيه هتلاقي واحد برده راصص جنوط كتير في الباترينه

وان شاء الله تلاقي طلباتك
وفي الأخر

بورسعيد ترحب بكم :)))))))))))))

المشاركة الأصلية كتبت بواسطة mexmarine

يا أخى ربنا يكرمك .. ده انت تعبت نفسك و الله .. ألف الف شكر على المجهود و احب اقول فعلا بور سعيد مظلومه لانها من اجمل محافظات مصر و ناسها احسن ناس و لك جزيل الشكر يا باشا و انا عملت برنت للورقه و هتكون معايا لما انزل بورسعيد و شكرا مره تانيه :))))

ههههههههههههه الله يخليك ياباشا بس مظلومه ليه ؟؟؟
وعموما ياباشا إحنا بحراويه زي بعض يعني فيه حاجات مشتركه كتير
وتجيلنا بالسلامه ان شاء الله وتنور بلدك هنا ,,,,,ولو إحتجت أي حاجه مني هنا كلمني عالخاص وانا تحت أمرك