ريجاتا نوفا موديل 90 لاعلى سعر

**amro1965** · 22-05-2010 10:21 AM

السلام عليكم ورحمه الله وبركاته
مواصفات سيارتى
السيارة موديل 1990 اخر انتاج الريجاتا
رخصه حتى مايو 2011
مرور القاهرة
الحاله العامة جيدة جدا
الدواخل فبريكة اتحدى اى شخص لو وجد بارومه فى الدواخل
الطابلوه جيد جدا
شاشة الاعطال شغالة كويس جدا
انذار وسنتر
الشكل الخارجى جيد جدا اللون ابيض
التكيف شغال لكن لا ياتى بهواء بارد محتاج صيانه
متغير لها قريبا جدا طقم كهرباء كامل وسير كاتينه جداد وفلتر زيت وهواء وبنزين اساسيات السيارة ممتازة
انشاء الله سوف اوافيكم بصورها من جميع الاجناب
اى سؤال انا جاهز للرد على موبيل 0110311370 0127680484
انشاء الله ان واضع سعر لها 28000 جنيه
اتمنى من الاخوة الاعضاء عند وضع سعرهم للعربيه ان يفهموا شيئا واحد عن السيارة
السيارة هى امتداد للسيارة فيات 131 التى انتهى انتاجها حتى سنه 1982 والريجاتا العادية بدات منذ 1983 وانتهت عند سنه 1986 وبدات ريجاتا نوفا 1987 حتى سنه 1990 وخلفتها الفيات التمبرا منذ 1991
يكفى ان اقول لحضراتكم ان قطع غيارها رخيصه جدا

**ragab** · 22-05-2010 05:28 PM

السعر عالى جدا انا لسه نسيبى شارى واحدة فبركية برة وجوة ب19 الف موديل86 وصرف عليها الف جنية بقت عروسة

**amro1965** · 22-05-2010 05:52 PM

مبروك على نسيبك السيارة وانشاء الله ربك يكرمك انتى كمان

**almosecar** · 23-05-2010 03:16 AM

هو فعلا السعر عالى جدا ومحدش ينكر ان الريجاتا كان سعرها زمان فى اواخر العشرينات ولكن دلوقتى السعر اختلف خالص لان المبلغ 28 الف دلوقتى ممكن يجيبوا عربيات افضل بكثير من ريجاتا مثل : فيات اونو- سيات ابيزا- تمبرا - وكلهم موديل فى التسعينات واسأل لتتأكد من كلامى وربنا يكرمك فى بيعها

**ALSHaRKAWY** · 23-05-2010 03:23 AM

السلام عليكم : اذا كان يناسب حضرتك 24 الف وبعد المعاينة وعلى فكرة لا يهم المشترى اذا كانت ريجاتا او نوفا ريجاتا المهم حالة العربية

**mxz911** · 23-05-2010 03:50 AM

ربنا يوفقك بس السعر ده يجيب العربيه اللى بعدها وهيه التمبرا موديل 91 مثلا ..

**amro1965** · 23-05-2010 08:36 AM

انا اسف لجميع الاعضاء
وشكرا لردودكم لغيت فكرة البيع للاسباب الاتية
قارنت بعض السيارات بسيارتى وجدت اونو اصبحت تقارن بالريجاتا سيارة صغيرة موتورها 900 سىسى بسيارة 1500 سىسى عالية عن الارض يكفى صاج الريجاتا اقوى واشد من السيارات الحالية
بالاضاف ان اقل سيارة تمبرا حالتها مثل حالة سيارتى بيتكلم فى 35 الف والسوق بينى وبينكم
بالنسبه للشاهين والدوجان النظيف منها لا يقل عن 32 الف
الهيونداى برضه نظيف وبدون كماليات برضه لا يقل 32 الف
اتمنى من الاخوه اصحاب الردود زيارة واحده لسوق السيارات ليكتشف اهوال
شكرا لردود حضراتكم

**MohamedGafar** · 23-05-2010 10:59 AM

تقنياً الريجاتا مختلفة تماما عن ال 131 ! على الأقل ال 131 شاسيه قطعة واحدة وجر خلفي بعكس الريجاتا.

ممكن تقول إنها خليفة ال 131 لنفس الفئة وليست إمتداد.

تحياتي

**amro1965** · 23-05-2010 11:39 AM

بالنسبه للفيات 131 نعم جر خلفى على كرونه والريجاتا جر امامى
احسب الكرونه بكام واحسب قطع غيار الجر الامامى كام وشوف الفرق الشاسع
السحب واحد والثبات واحد والصالون واحد شنطه السيارة الريجاتا اكبر بكثير من الفيات 131

**amro1965** · 23-05-2010 12:40 PM

الريجاتا نوفا خليفه الفيات 131 ولكن الريجاتا تتفوق على الفيات 131 بالاتى
الريجاتا نوفا نازله بالمواصفات الاتيه التى نعطى انطباعا افضل
1 - سنتر
2 - انذار
3 - زجاج كهرباء
4 - تكيف
5 - شاشة اعطال
6 - شنطة اوسع
كل ذلك موديل الريجاتا نوفا نازل معه وليست اضافات على السيارة
وامتداد الريجاتا نوفا التمبرا واكيد برضه توجد بالتمبرا امتيازات افضل من الريجاتا نوفا
شكرا لجميع الاعضاء