اسئلة عن جولف 2

**islam1800** · 22-05-2010 02:17 PM

يا جماعة عايز اعرف اسعار جولف 2 علشان عايز اشتريها واعرف انواع المواتير علشان سمعت انواع كتير ومش عارف الفرق بينهم واسعار قطع الغيار ومتأسف طولت عليكم

**M.Mostafa80** · 22-05-2010 03:09 PM

الجولف 2 من العربيات الممتازه وربنا يوفقك فى انك تلاقى عربيه بحاله كويسه دواخل وخوارج العربيه سعرها بيتراوح من 25 الى 33 حسب الموديل والحاله
العربيه كانت نازله أستوك بموتور 1300 سى سى
وبيتسقط فيها المواتير اللى هقولها دلوقتى
1600 سى سى 1800pbتربو وفى بردو موتور 2000سى سى e2ودا بردو من المواتير الجباره فى الجولف وطبعا فى 2400 وفى 3200 سى سى بس اللى غالب فى السوق ال 1800البى بى وال 2000 ال e2
قطع الغيار متوفره وبوفره سواء جديد أو أستعمال ورخيصه مش غاليه
لكن أسعار ليها بالظبط ممكن حد من ملاك الجولف 2 يقولنا على الأسعار أو لو دورت فى أهم المواضيع فى القسم هتلاقى أسعار قطع غيار كتير
ربنا يوفقك للى فيه الخير ونصيحه حاول تجيب واحده أستوك وعدلها انت بمزاجك زى ما انت عايز
بالتوفيق ان شاء الله

**islam1800** · 22-05-2010 03:55 PM

الف شكر يامان انا بصراحه اتفرجت على جولف كتير بس المعظم حالتهم تعبانه عند حضرتك فكره لو نزلت بورسعيد ممكن القيها هناك سليمة

**elshrpeny** · 23-05-2010 08:53 PM

المشاركة الأصلية كتبت بواسطة islam1800

الف شكر يامان انا بصراحه اتفرجت على جولف كتير بس المعظم حالتهم تعبانه عند حضرتك فكره لو نزلت بورسعيد ممكن القيها هناك سليمة

+ 1

متابع

**ah12121981** · 31-05-2010 03:31 PM

بص أنا الى أقدر أفيدك فيه إن الجولف 2 من العربيات الممتازة قطع غيارها فى كل حتا وى رخيصة وى بالنسبه للمواتير ف إل 1800pb وى ال 20002e من أحلى المواتير فيها وى 1800 هيعمل تقريبا 3500 وى ال 2000 هيعمل 4500 تقريبا

**Abody1985** · 04-06-2010 02:29 AM

انا نزلت السوق يوم الاحد اللي فات ولاقيت كذا عربية بس الناس بتستعبط في الاسعار وعربيات مغيرة لون وبيتكلم في 35 الف والعربية من جوه عاوزه مصروف زي فرش البيبان والارضية وعصاية الفتيس والشبكة الامامية
وواحد تاني معاه واحده 92 موتور 1300 بيتكلم بمنتهى التناكة في 38500 ومرضيش ينزل جنيه العربية متروشنة ترويش ميكروباصات