حصلت السيارة دايهاتسو تريوس على جائزة افضل سيارة اقتصداية متعددة الاستخدامات فى السوق المصرى فى استفتاء مجلة عربيتى لعام 2009
الف مبروك لملاك السيارة
الانسة مى بعتت ليا صورة من نتيجة الاستفتاء اللى شارك فيه اكتر من 90 الف, بس مش عارف ارفقها هنا فى الموضوع, هى بصيغة ال pdf
السلام عليكم يا د./ معاذ كيف الحال :)
أنا ليا بس تعليق على موضوع إقتصادية ده هل المقصود به السعر و لا الإستهلاكات زى الصيانة و إستهلاك الوقود و ...
اكيد استهلاك الوقود بس
لان غير كدا
قطع غيار غاليه و صيانات اغلى
ايدين الصنايعيه هناك ملفوفه بحرير ياباني فى مجرد عرض العربيه عليه بتدفع 220 جنيه ولو مش مصدق ابعتلك صوره من فاتورتي
اما جملة متعدده الاستخدامات فا دي حاجه تشهد لها
انا معايا سيريون الصغيره ناقص اركبلها اجنحه و اطير بيها (ربنا يخليلنا عربياتنا و يحفظها من كل سوء)
الف مبروك لملاك العربية
هي عربية الكل يشهدلها لكن فعلا موضوع قطع الغيار ده والصيانه هو اللي مخلي فئه كبيرة تبعد عنها
فعلا السيارة و عن تجربة لمدة 14 شهر و 25 الف كيلو تاخد تقدير جيد جدا مرتفع كمان :C_laugh[1]:
اما بخصوص انها اقتصادية فى الصيانة و قطع الغيار..... هديكو مثل صغير..... واحد زميلى فى الشغل معاه موديل 2007 و عمل صيانة ال 40 الف فى شهر ديسمبر اللى فات..... كلفته 1700 جنيه.... و طبعا التكلفة العالية دى بسبب تغيير سير المجموعة و خلافه.....
فى نفس الشهر حمايا عمل صيانة ال 40 الف برضه لعربية نوبيرا تمنها نص تمن التيريوس الهاى لاين..... تفتكروا صيانة ال 40 الف للنوبيرا اتكلفت كام عند ابو الفتوح؟ 1450 جنيه.... يعنى بفرق 250 جنيه فقط عن التيريوس..... اذن الصيانات و قطع الغيار حراقة فى كل التوكيلات مش التيريوس او الدايهاتسو عموما بس.....
النقطة اللى فعلا مستفزة هى وصول الهاى لاين من التيريوس الى 150 الف و ده انا شايف انه فى مبالغة اوى..... بس طبعا ده ليه اسبابه التى ليس هنا المجال لمناقشتها..... لكن قطع الغيار و الصيانة..... انا شايف صيانات و قطع غيار التيريوس زيها زى بقية السوق..... حراقة جدا
على فكرة التيريوس اقتضادية فعلا فى الوقود لانه فى الطوالى الاستهلاك بيدور حوالين متوسط 8 لتر لل 100 كم و داخل البلد 10 لتر لل 100كم بالتكييف و الارقام دى من على كمبيوتر السيارة
عفوا النوبيرا والله اعلم صياناتها كل 10000 اما الديهاتسو كل 5000
يعني اللى دفع 1450 مش هايدفع حاجه تاني لل 50000 اما اللى دفع 1700 هايدفع كمان عند ال 45000
الصيانات اللى بتبقى كل 10.000 دى بتبقى صيانات رئيسية..... اما الصيانات اللى كل 5.000 الاف دى بتبقى صيانات وقائية و اللى عايز ميعملهاش ممكن ميعملهاش و يخلى صياناته كل 10.000..... و ده بيطبق على كل العربيات مش بس دايهاتسو..... و على فكرة حمايا كان بيعمل صيانة النوبيرا فى التوكيل كل 5.000 يعنى كان بيعمل الوقائية و الرئيسيةاقتباس:
المشاركة الأصلية كتبت بواسطة rockana
تستاهل الجائزة بالفعل ... ( سيارة اقتصادية متعددة الاستخدامات )
يا شباب التريوس ايه أخبار التريوس 2013 هل عربية تستاهل ولا لأ
عاوز اشتريها من السعودية وانزل بيها لمصر
ما اخبار التوكيل وما اخبار قطع الغيار
دمتم بكل خير
برجاء الرد عاجلاً لو سمحتم
لا جديد - ممتازة كما هي والوكيل برده ماشاء الله