العنصرية شىء مقزز جداً بل هو مرض لابد أن نعرفه جيداً وللأسف مجتمعنا هو الأشد عنصرية مش فقط تجاه أى عرق أو دين مختلف بل أى شخص يفكر بشكل مختلف .. ماشيين بمبدأ انا واخويا على ابن عمى وانا وابن عمى على الغريب رغم انه يخالف صميم ديننا الإسلامى .. فتجد أن الأمر تحول لثقافة عامة بين الناس .. للأسف دى حقيقة .. المجتمع المصرى من اكثر المجتمعات عنصرية ودة سبب رئيسى فى توتر العلاقات بين المذاهب الدينية وبعضها.
أى فعل عنصرى لابد ان يواجه بالرفض وتوعية صاحبه والإزدراء منه لو عاود ممارسة عنصريته ولا يجوز بأى حال من الأحوال التهاون والتسامح فى شأن أمر خطير مثل هذا ، بث الكره والتحريض تجاه شخص معين لمجرد انه من دين أو عرق مختلف جريمة انسانية لا تغتفر.
لو خدت بالك تفسير الدكتور النفسانى لحالة العنصرية الغير مبررة طبعاً إلا انها شعور بالتهديد ... الناس دى احنا معاها فى حرب ... الشعور دة اتولد لديه نتيجة عوامل كتيرة منها العدوانية والكره تجاه المسلمين اللى بيشوفه فى الإعلام فأصبح ينبذ من كل ما هو مسلم ... شعور نفسى لا إرادى ... زى كدة بالظبط لما حد يغتاب حد قدامك انت عمرك ماتعاملت معاه لكن سمعت عنه حاجات كتير وحشة فاصبح الشخص دة منبوذ بالنسبة لك تقرف تتعامل معاه لله فى لله كدة رغم انك متعرفوش فعلياً ... ودة غلط.
من ناحية تانية الناس اللى اعترضوا على العنصرية الفجة دى رغم انهم مختلفين دينياً وعرقياً عن الشخص اللى بيتعرض للمضايقة إلا إن احساسهم بالظلم الواقع على الشخص يهدد نظام العدالة اللى هما عايشين فى ظله فكان لازم وقفة حادة ضد هذا العمل الشنيع.
لابد من توعية أطفالنا وأنفسنا من عدم الحكم على شخص لمجرد اختلاف دينه وجنسيته وأن نعى جيداً اضرار العنصرية على مجتمعنا.
المفضلات