ان شاء الله قررت اجيب نيسان صني سوبر صالون تنصحوني اجيبها منين

السلام عليكم
بعد حيره طويله مع العربيات المستعمله والزيرو اللي اقل من 100 الف لقيت ان احسن حاجه بالنسبالي هيا نيسان صني
بس محتاره اجيبها منين ...
انا كلمت السبع وقالي عندهم كل الالوان وانه هيعملي تخفيض وكده بس هوا بعيد عني شويه عشان ف مصر الجديده
ولا اجيبها من اوتو ايجيبت ف المهندسين؟؟؟ بس مش عارفه هيعملي تخفيض ولا لأ بس هوا عنده كل الالوان
وكمان قريت في منتدى ان احد الاعضاء اشترى سوبر صالون من national union اللي في مدينة نصر ب 98الف وعملوله الترخيص ف نص ساعه بس بيتهيألي دا معرض مش موزع معتمد
تنصحوني اجيبها من فين؟؟؟ عشان انا عاوزه اجيبها من مكان مضمون ويخفضلي ف سعرها وياريت لو يساعدني في الرخصه

طلب اخير
ايه الحاجات اللي اتأكد منها لما استلم العربيه؟؟ قصدي ادور على خبطات واجرب التكييف والسماعات بس ولا اجيب ميكانيكي معايا عشان انا ماعنديش خبره في العربيات

السلام عليكم,

أرشح لحضرتك اوتو ايجبت مدينة نصر..شارع النادي الأهلي (حسن المأمون)....16666
ناس في قمة الذوق والاحترام.

اوتو ايجيبت المهندسين

اوتو ايجيبت افضل

وبالنسبه للحاجات اللى حضرتك تتأكدى منها عند استلام العربيه
1- دفتر الصيانة والضمان
2- 2 مفتاح + 1 ريموت فقط
3- العربية جديده مفيش داع لميكانيكى يكشف عليها خالص
4- وحضرتك بتستلمى العربيه بصى على كل حاجه فيها من بره وجوه

واتمنى ان حضرتك تواظبى على الصيانة الدورية للعربية حسب عدد الكيلومترات الوارده فى دفتر الصيانة وده عشان تضمنى ان العربيه تعيش مع حضرتك اطول وقت ممكن بحاله جيده

وألف مبروك مقدماً على العربيه واختيار موفق

خلاص ان شاء الله هروح اوتو ايجيبت
بس عاوزه اعرف هوا هينزل في سعرها زي باقي المعارض ولا اجيبها ب 100 وخلاص
ولو جبتها من اوتو ايجيبت ينفع اعمل الصيانه في السبع ولا هتكون الاولويه للي شاريين من عنده؟؟
شكرا

ينفع تعملى الصيانة فى أى مكان بس شوفى فروق الأسعار دى إنتى أولى بيها

اقتباس:

---

المشاركة الأصلية كتبت بواسطة pink_world

السلام عليكم
بعد حيره طويله مع العربيات المستعمله والزيرو اللي اقل من 100 الف لقيت ان احسن حاجه بالنسبالي هيا نيسان صني
بس محتاره اجيبها منين ...
انا كلمت السبع وقالي عندهم كل الالوان وانه هيعملي تخفيض وكده بس هوا بعيد عني شويه عشان ف مصر الجديده
ولا اجيبها من اوتو ايجيبت ف المهندسين؟؟؟ بس مش عارفه هيعملي تخفيض ولا لأ بس هوا عنده كل الالوان
وكمان قريت في منتدى ان احد الاعضاء اشترى سوبر صالون من national union اللي في مدينة نصر ب 98الف وعملوله الترخيص ف نص ساعه بس بيتهيألي دا معرض مش موزع معتمد
تنصحوني اجيبها من فين؟؟؟ عشان انا عاوزه اجيبها من مكان مضمون ويخفضلي ف سعرها وياريت لو يساعدني في الرخصه

طلب اخير
ايه الحاجات اللي اتأكد منها لما استلم العربيه؟؟ قصدي ادور على خبطات واجرب التكييف والسماعات بس ولا اجيب ميكانيكي معايا عشان انا ماعنديش خبره في العربيات

---

انا الي حضرتك بتتكلم علية
و نصيحة لو حضرتك من سكان مصر الجديدة او مدينة نصر
روح المعرض ناشونال يونايتد
بدون اي كلام كتير انا روحت يوم الجمعة شوفت العربية بس كانت سوداء
يوم السبت اتصل بية روحت الصبح قبل ماروح الشغل لقيت العربية موجودة بس متربة قولتلة اشوفها ازاي
و انا مروح عديت لقيت العربية مغسولة ومفيهاش اي مشكلة
يوم الاحد الصبح روحت بالفلوس اخذت العربية روحتها وبعدين لروحت الشغل
وانا مروح عديت علية اخزت الضمان وورق العربية
اعتقد مفيش حد يقدر يطلع ورق العربية بالسرعة دية في اي معرض
ثانياز هو موزع نيسان فقططططططططططططط والناس محترمة قوي
ثالثا (حماتي)عجبتها العربية فأتصلت بيهم وهي راحت و استلمت الون الرمادي (من الالوان الجديدة) في اسبوع فقط واخزت كل اوراق العربية تاني يوم
العربية معايا واشكر ربنا الاختيار كان موفق
واي استفسار انا تحت امرك:lovlie02[1]:

انا رحت النهارده معرض المصريه للسيارات اللي في المعادي ومالقيتش عندهم سوبر صالون وكان بيحاول يقنعني اشتري ex saloon وقالي ان الفرق بينهم مش مستاهل فرق السعر ده وكان سعرها 98,500 وقالي احنا عندنا ارخص اسعار
و كمان كان بيقتعني اشتري تيدا اعلى فئه (سيدان او هاتش باك) كان عليها خصم عاملين سعرها 122,500 كنت خلاص هجيب تيدا بس لما رحت اتو ايجيبت اللي في المهندسين كانت عندهم سوبر صالون بس كانت كحلي وال ex كان لونها الفيراني الجديد قالي ممكن يجيبلي سوبر صالون فيراني وفرشها بيج
انا رجعت احترت تاني
اجيب صني سودا ولا فيراني ولا اجيب تيدا هاتش باك ؟؟؟ حد عنده نصيحه؟؟

لو معاكى امكانية تجيب تيدا هاتش باك سواء اول فئة او تانى فئة يبقا توكلى على الله وهاتى التيدا , لان التيدا عربيات محترمة جدااا , وبعدين التيدا الهاتش باك حتريحك فعلا , وعربية يبانى بالكامل فى كل قطعة فيها سواء جوة الصالون او فى الماتور او العفشة او فى الكاوتش وتقفليها روعة , وسحبها قوى , وموفرة فى استهلاك البنزين , وكمان مش حتحتاجى معاها الا الصيانات الدورية فقط البسيطة , واى ميكانيكة فى العفشة حتكون بعد ال100 الف , يعنى حتى اقتصادية فى قطع الغيار المعمرة فيها
وكمان الهاتش باك على البنات شكلها حلو , وياريت تعملى تيست دريف فى اتو ايجيبت على النيسان صنى وعلى التيدا , وسعتها حتقدرى تحكمى براحتك وعن تجربة


ولو دماغك ميالة الى النيسان صنى وحابة توفرى الفرق , يبقا خاليكى فى النيسان صنى سوبر صالون ,

وبالنسبة الى الالوان ابعدى كل البعد عن اللون الاسود فى العربيات وخاليكى فى الفواتح او الالوان المتوسطة فى الغمقان , يعنى ممكن فرانى

بالنسبة الى النيسان صنى ارشحلك اللون الفيرانى الجديد , وبالنسبة الى التيدا ارشحلك اللون الاحمر تحفة فيها او الموف

بص هؤلك اشتري النيسان فقط و حصريا ً من الوكيل (مودرن او السبع او اي وكيل |) و اوعي اوعي اوعي اوعي تشتري من المعارض علشان عربياتهم مش بتبقي مضمونة خالص خالص
و اي خدمة

اقتباس:

---

المشاركة الأصلية كتبت بواسطة pink_world

انا رحت النهارده معرض المصريه للسيارات اللي في المعادي ومالقيتش عندهم سوبر صالون وكان بيحاول يقنعني اشتري ex saloon وقالي ان الفرق بينهم مش مستاهل فرق السعر ده وكان سعرها 98,500 وقالي احنا عندنا ارخص اسعار
و كمان كان بيقتعني اشتري تيدا اعلى فئه (سيدان او هاتش باك) كان عليها خصم عاملين سعرها 122,500 كنت خلاص هجيب تيدا بس لما رحت اتو ايجيبت اللي في المهندسين كانت عندهم سوبر صالون بس كانت كحلي وال ex كان لونها الفيراني الجديد قالي ممكن يجيبلي سوبر صالون فيراني وفرشها بيج
انا رجعت احترت تاني
اجيب صني سودا ولا فيراني ولا اجيب تيدا هاتش باك ؟؟؟ حد عنده نصيحه؟؟

---

نصيحة (1) بلاش المصرية...ابعدي عنهم بالمشوار
نصيحة (2) يمكنك الحصول علي التيدا من اوتو ايجبت بسعر 122 فقط لو اللون كحلي أو فضي مطعم بالموف أو نبيتي
نصيحة (3) التيدا أحسن من الصني

الكلام ده لو حضرتك خلصتي في العربية قبل اول يونيو عشان عرض نيسان بمناسبة مرور 5 سنوات علي تواجدهم بمصر..
يعني قبل الاسبوع مايخلص...
والله المستعان

اقتباس:

---

المشاركة الأصلية كتبت بواسطة pink_world

بعد حيره طويله مع العربيات المستعمله والزيرو اللي اقل من 100 الف لقيت ان احسن حاجه بالنسبالي هيا نيسان صني

انا كلمت السبع وقالي عندهم كل الالوان

---

نفس الحيرة بالظبط، العربيات فى مصر تحير اللى ما يتحيرش! هى الوان الصنى ايه؟ الجديدة و القديمة، و هل لون فرش الصالون مرتبط بلون العربية يعنى مثلا الاسود على طول معاه بيج ولا ملهاش علاقة؟

اقتباس:

---

المشاركة الأصلية كتبت بواسطة ahmed.tv

لو معاكى امكانية تجيب تيدا هاتش باك سواء اول فئة او تانى فئة يبقا توكلى على الله وهاتى التيدا (كل الناس بتقولي الجمله دي بس المشكله ان انا لسه بتعلم ومستحرمه اتعلم ف عربيه فوق ال 100 بس اهلي عاجباهم التيدا وان شاء الله لو جبتها هأمن عليها ), لان التيدا عربيات محترمة جدااا , وبعدين التيدا الهاتش باك حتريحك فعلا , وعربية يبانى بالكامل فى كل قطعة فيها سواء جوة الصالون او فى الماتور او العفشة او فى الكاوتش وتقفليها روعة , وسحبها قوى , وموفرة فى استهلاك البنزين , وكمان مش حتحتاجى معاها الا الصيانات الدورية فقط البسيطة , واى ميكانيكة فى العفشة حتكون بعد ال100 الف , يعنى حتى اقتصادية فى قطع الغيار المعمرة فيها

---

اقتباس:

---

المشاركة الأصلية كتبت بواسطة ahmed.tv

وكمان الهاتش باك على البنات شكلها حلو , وياريت تعملى تيست دريف فى اتو ايجيبت على النيسان صنى وعلى التيدا , وسعتها حتقدرى تحكمى براحتك وعن تجربة


ولو دماغك ميالة الى النيسان صنى وحابة توفرى الفرق ( ايوه فعلا بس خايفه تكون مش مريحه وخصوصا انها من جوا اديق من التيدا بكتير وناس كتير بتشتكي من كده ) , يبقا خاليكى فى النيسان صنى سوبر صالون ,

وبالنسبة الى الالوان ابعدى كل البعد عن اللون الاسود فى العربيات ( طيب ليه دا انا ناويه على الاسود فيسواء صني او تيدا ) وخاليكى فى الفواتح او الالوان المتوسطة فى الغمقان , يعنى ممكن فرانى

بالنسبة الى النيسان صنى ارشحلك اللون الفيرانى الجديد , وبالنسبة الى التيدا ارشحلك اللون الاحمر تحفة فيها او الموف (الالوان دي عاجباني فعلا بس هيا اختياري التاني بعد الاسود )

---

اقتباس:

---

المشاركة الأصلية كتبت بواسطة largeman

بص هؤلك اشتري النيسان فقط و حصريا ً من الوكيل (مودرن او السبع او اي وكيل |) و اوعي اوعي اوعي اوعي تشتري من المعارض علشان عربياتهم مش بتبقي مضمونة خالص خالص
و اي خدمة

---

يعني حتى المصريه للسيارات مش كويسه؟؟؟
انا كنت ناويه لو هجيب تيدا ان شاء الله كنت هجيبها من عندهم عشان منزلين سعرها 5000 جنيه و في اوتو ايجيبت قالي ممكن نخفضلك 2000 جنيه تبقى تقريبا 125 الف واكيد الفرق ده انا اولى بيه

اقتباس:

---

المشاركة الأصلية كتبت بواسطة sskarim

نصيحة (1) بلاش المصرية...ابعدي عنهم بالمشوار ( طيب ليه هوا في حد اشتكى منها؟؟؟؟ )
نصيحة (2) يمكنك الحصول علي التيدا من اوتو ايجبت بسعر 122 فقط لو اللون كحلي أو فضي مطعم بالموف أو نبيتي (طيب لو اسود؟؟؟ وليه الالوان دي اللي بالسعر ده اللي كانت معروضه كان لونها احمر قالي ممكن نعملك تخفيض تبقى ف حدود 125000 وماقالش 122 خالص عشان كده كنت ناويه اجيبها من المصريه عشان عندهم ب 122500 تقريبا )
نصيحة (3) التيدا أحسن من الصني

الكلام ده لو حضرتك خلصتي في العربية قبل اول يونيو عشان عرض نيسان بمناسبة مرور 5 سنوات علي تواجدهم بمصر.. ( انا سألته في عروض دلوقت قالي لأ و سألته عن عرض ال5 سنين ده بس بصراحه مش فاكره قال ايه بالزبط بس تقريبا قال دا خلص او حاجه كدا وقالي مع العربيه سنسور بارك وحاجه كمان وما قاليش على ال cash back بتاع التيدا وانا نسيت اسأله عليه )
يعني قبل الاسبوع مايخلص...
والله المستعان

---

بأكدلك انك لو قولتي ليهم انك لاقيتيها في المصرية بسعر ارخص . هتلاقيهم هينزلوا في سعرها لغاية المصرية
انا حصلي كده لما جيت اشتري عربيتي صنى من سنة كان مودرن موتورز بيقولي العربية عامله 91000 و بعدين روحت لوكيل تاني قام قالي هدهالك بـ 90000 قومت روحت لمودرن موتورز تاني و قولتلهم علي السعر الجديد قاموا ادوني العربية بـ 89000 جنيه و العربية كان عليها كاش باك يعني سعرها كان بـ 93000
شوفتي بقي يعني يعتبر اخدت كاش باك 4000 جنيه لما لاقوني روحت و سألت بره و اخيرا اشترتها بـ 89000 جنيه
معلش انتي هتلفي شوية لوكلاء معتمدين نيسان و انشالله هتجيبي اقل سعر بس هتتعبي شوية و بأكد اوعي مره تانيه تروحي تجيبي من اي معرض بره لأن ممكن في نقل العربيه يحصل ليها اي حادث و بعدين بيروحوا يصلحوها و بعدين يعرضوها
انما في الوكيل لا يمكن يحصل كده ابدا

اقتباس:

---

المشاركة الأصلية كتبت بواسطة houbaz

نفس الحيرة بالظبط، العربيات فى مصر تحير اللى ما يتحيرش! هى الوان الصنى ايه؟ الجديدة و القديمة
الالوان القديمه :
الاسود - الكحلي - النبيتي - الزيتي - الذهبي - الازرق السماوي - الفضي -الابيض

الالوان الجديده : (3)
الاحمر - الرمادي Grey - الموف الداكن purplish Grey ( هوا تقريبا فيراني )


، و هل لون فرش الصالون مرتبط بلون العربية يعنى مثلا الاسود على طول معاه بيج ولا ملهاش علاقة؟
هوا مش على طول في في الاغلب يعني مثلا الاسود والنبيتي والذهبي 85% الفرش بيج و 15% منهم الفرش رمادي والفيراني الجديد مثلا الفرش بتاعه رمادي بس لو حضرتك عاوزه بيج ومالقيتش ممكن يطلبوا من المصنع نيسان فيراني وفرشها بيج وتبقى جاهزه ف خلال اسبوع - 10 ايام تقريبا ( ده حسب كلامهم )

---

اقتباس:

---

المشاركة الأصلية كتبت بواسطة largeman

بأكدلك انك لو قولتي ليهم انك لاقيتيها في المصرية بسعر ارخص . هتلاقيهم هينزلوا في سعرها لغاية المصرية
انا حصلي كده لما جيت اشتري عربيتي صنى من سنة كان مودرن موتورز بيقولي العربية عامله 91000 و بعدين روحت لوكيل تاني قام قالي هدهالك بـ 90000 قومت روحت لمودرن موتورز تاني و قولتلهم علي السعر الجديد قاموا ادوني العربية بـ 89000 جنيه و العربية كان عليها كاش باك يعني سعرها كان بـ 93000
شوفتي بقي يعني يعتبر اخدت كاش باك 4000 جنيه لما لاقوني روحت و سألت بره و اخيرا اشترتها بـ 89000 جنيه
معلش انتي هتلفي شوية لوكلاء معتمدين نيسان و انشالله هتجيبي اقل سعر بس هتتعبي شوية و بأكد اوعي مره تانيه تروحي تجيبي من اي معرض بره لأن ممكن في نقل العربيه يحصل ليها اي حادث و بعدين بيروحوا يصلحوها و بعدين يعرضوها
انما في الوكيل لا يمكن يحصل كده ابدا

---

ان شاء الله لما اروح المره الجايه هتفاهم معاهم واقولهم على سعر المصريه يارب ينزلوا
لان انا مش عاوزه اشتري من المصريه عشان بجد كنت متغاظه من الراجل اللي في المصريه كان عاوز يبيعلي الصني ex باي طريقه وانا كنت عايزه سوبر صالون وهيا كانت مش عندهم وبيقولي الفرق مش مستاهل خالص انا لو مكانك هجيب ex عشان الحاجات دي لو اتركبت برا مش هتوصل للسعر دا
كان بيقولي الفرق بس في الابانوس والجنط السبور قلتله السوبر فيها 2 اير باج يقولي المهم انتي مش مهم اللي جنبك !!!! يعني انا اعيش واللي جنبي ف داهيه يقولي ربنا بيستر
قلتله السوبر فيها مسند في الكرسي اللي ورا قالي لأ مافيهاش قلتله انا متأكده سأل واحد تاني قالو تقريبا مافيش :N_no[1]: ( طبعا بيفتوا)
قلتله الفتيس جلد في السوبر قالي ال2 جلد ( مكتوب في الكتالوج ان السوبر بس هيا اللي الفتيس وعجلة القياده جلد طبيعي )
وطبعا ماقالش على المرايا الكهرباء او النيكل او مساند الرأس الخلفيه
اه وقلتله الفرامل بتاعة السوبر صالون abs , ebd with Break Assist يقولي هيا بس abs والحاجات التانيه مش بتنزل غير في العربيات الغاليه !!!!
طبعا الكلام ده كله اتعكس لما رحت اوتو ايجيبت قالي طبعا الفرق يستاهل ولو الحاجات دي اتركبت لوحدها تتكلف اكتر بكتير من 9000
يعني عشان السوبر صالون مش عنده يكرهني فيها؟؟؟!!!!! ولما لقاني رافضه تماما ex ومش مقتنعه بكلامه قالي على التيدا

اقتباس:

---

المشاركة الأصلية كتبت بواسطة ahmed.tv

بالنسبة الى النيسان صنى ارشحلك اللون الفيرانى الجديد , وبالنسبة الى التيدا ارشحلك اللون الاحمر تحفة فيها او الموف

---

هوا حضرتك تقصد الموف الغامق اللي زي الباتنجاني اللي موجود في صورة التوقيع بتاع حضرتك؟؟؟

انا مش شايفه اللون ده في الكاتالوج
هوا في لون اسمه فضي مطعم بالموف ولونه اقرب للفضي هوا ده اللي حضرتك تقصده ولا في موف تاني؟؟

بصى علشان حضرتك متعبيش وتلاقى نفسك دخلتى فى مقارنات كتير

حضرتك حددى انت عايزه ايه من العربيه يعنى شكل ثبات اعاده بيع قوه وسع توكيل كده يعنى

اصل حضرتك لو دخلتى بالفلوس وقولتى طيب هزود واجيب التيدا طيب لو زودات 5000 كمان ممكن اجيب رينو فلونس طيب لو زودت اكتر ممكن اجيب لحد ما توصلى لديره مقفوله وتلاقى نفسك فى اختيار صعب ومقارنات كتير

بالنسبه للتيدا والصنى العربيتن كويسين جدا ومفيش فيهم مشاكل الحمد لله مستوى الامان عالى فى العربيتن

لو حضرتك ممكن تزودى لحد 122 الف وتجيبى التيدا وده مياثرش على حاجه تانيه بالنسبه ليكى

يبقى توكلى على الله وهاتى التيدا عريبه كويسه جدا وهتديكى اكتر ما تتوقعى منها

فرق الفلوس هيبقى مشكله بالنسبه ليكى يبقى هاتى الصنى السوبر صالون بردوا عربيه رائعه عفشه ناعمه ثبات سعر اعاده بيع كويس قطع غيار ارخض عريبه اعتماديه القيمه مقابل الفلوس

بالنسبه للموزعين انا اتعملت مع السبع وكانوا كويسن جدا معايا الصراحه معرفش الباقى بس كل واحد من الاعضاء حكى تجربه مع الموزع اللى اشترى منه

وبالنسبه للصيانه حضرتك بتعملى الصيانه فى اى فرع من فروع نيسان وملهاش اى علاقه بالموزع اللى اشتريتى منه
وتوكيل نيسان توكيل محترم ان شاء الله مش هتبلقى مشاكل معاه

بالتوفيق ان شاء الله فى الاختيار

اللون اللى قصدى عليه الموف اللى موجود فى التوقيع بتاعى فعلا , بيكون على العربيات الهاتش باك حلو ,
وبالنسبة الى اللون الاسود , بقولك ابعدى عنه عشان بيحتاج عناية كبيرة جدا فى النظافة , ده غير ان الاسود اكثر الالوان فى امتصاص الحرارة

وبعدين بالنسبة الى التيدا او اى عربية حتجبيها طالما اتوماتيك يبقا سبيها على الله ومتخفيش من السواقة , لان سواقة الاتوماتيك سهلة , بس حتكونى محتاجة تركيز ,

وبالنسبة الى معرض المصرية , هل التخفضيات اللى بيعملها عنده على الموديلات ال2010 ام ال2009 , اذا كان على موديلات ال2009 , وكان معرض اتوايجيبت بيعمل تخفضيات على 2010 حتى لو اقل منه يبقا خاليكى مع اتو ايجيبت وفى الموديل الاحدث
اما لو المصريةال5000 دول بيعملوهم عى ال2010 يبقا خاليكى مع المصرية

إن شاء الله مبروك مقدما ومبروك علينا انضمامك لأسرة النيسان ، بس مش عارف كان لي إقتراح طالما حضرتك لسه هتتعلمي السواقة طيب ليه مفكرتيش في عربية صغيرة شوية زي الكيا بيكانتو أو الشيفورلية سبارك أنا مش عايز ألخبطك خاصة وانا عارف ان الواحد في التوقيت دا دماغه بيبقى مشغول في 100 حاجة بس متهيألي العربيات الصغيرة هتبقى اسهل في السواقة والركن خاصة في شوارعنا الحبيبة (طبعا كلنا عارفين وشايفين) وكمان سعرها هيكون معقول ، وبعد سنه أو اتنين تكوني حضرتك إحترفتي السواقة وبقيتي ند لعفاريت الاسفلت بعدها ممكن تغيري وتجيبي اللي انت عايزاه (مش أقل من مرسيدس) إن شاء الله

انا انصحك باوتو ايجبت
ولو امكانياتك تسمح هاتى تيدا هاتش باك لانها سياره ممتازه وتناسب حضرتك

اقتباس:

---

المشاركة الأصلية كتبت بواسطة aiman0173

إن شاء الله مبروك مقدما ومبروك علينا انضمامك لأسرة النيسان ، بس مش عارف كان لي إقتراح طالما حضرتك لسه هتتعلمي السواقة طيب ليه مفكرتيش في عربية صغيرة شوية زي الكيا بيكانتو أو الشيفورلية سبارك أنا مش عايز ألخبطك خاصة وانا عارف ان الواحد في التوقيت دا دماغه بيبقى مشغول في 100 حاجة بس متهيألي العربيات الصغيرة هتبقى اسهل في السواقة والركن خاصة في شوارعنا الحبيبة (طبعا كلنا عارفين وشايفين) وكمان سعرها هيكون معقول ، وبعد سنه أو اتنين تكوني حضرتك إحترفتي السواقة وبقيتي ند لعفاريت الاسفلت بعدها ممكن تغيري وتجيبي اللي انت عايزاه (مش أقل من مرسيدس) إن شاء الله

---

ده نفس الكلام اللي قاله مسئول المبيعات في اوتو ايجيبت بس انا محتاجه عربيه واسعه وثابته وامان و ان شاء الله هستخدمها فتره طويله ومش هسوقها غير لما اتعلم كويس ان شاء الله وهأمن عليها

اقتباس:

---

المشاركة الأصلية كتبت بواسطة ahmed.tv

اللون اللى قصدى عليه الموف اللى موجود فى التوقيع بتاعى فعلا , بيكون على العربيات الهاتش باك حلو ,
انا كلمت اوتو ايجيبت والسبع وسألتهم على اللون ده بس قالولي انه مش نازل في 2010 وفعلا مش موجود في الكاتالوج بتاع التيدا بس في لون تاني موجود اسمه فضي مطعم بالموف بس قريب اوي من الفضي
وبالنسبة الى اللون الاسود , بقولك ابعدى عنه عشان بيحتاج عناية كبيرة جدا فى النظافة , ده غير ان الاسود اكثر الالوان فى امتصاص الحرارة

وبعدين بالنسبة الى التيدا او اى عربية حتجبيها طالما اتوماتيك يبقا سبيها على الله ومتخفيش من السواقة , لان سواقة الاتوماتيك سهلة , بس حتكونى محتاجة تركيز ,

وبالنسبة الى معرض المصرية , هل التخفضيات اللى بيعملها عنده على الموديلات ال2010 ام ال2009 , اذا كان على موديلات ال2009 , وكان معرض اتوايجيبت بيعمل تخفضيات على 2010 حتى لو اقل منه يبقا خاليكى مع اتو ايجيبت وفى الموديل الاحدث
اما لو المصريةال5000 دول بيعملوهم عى ال2010 يبقا خاليكى مع المصرية

---

انا كلمت اوتو ايجيبت وطلبت منهم اني اشوف التيدا الهاتش باك السودا قالي مش موجوده دلوقت وهيطلبها مع الطلبيه الجديده وشكلها كده هتطول وقلتله لو الاسود ماعجبنيش وطلبت لون تاني قالي هيشوف لو موجود مع الطلبيه الجديده ولو مش موجود هيطلبه مع الطلبيه اللي بعدها ( الموضوع كده شكله هيطول ) وقلتله على اني شفتها في مكان تاني بـ 122 الف قالي هيا هنا ممكن اخفضها لـ 125 بس هسأل الاداره لو ممكن اخفضها اكتر وهرد عليكي ( المفروض كان يرد عليا امبارح ومردش) ......... وبالتالي كلمت المصريه وقلتله لو عاوزه اشوف السودا بكره قالي هجيبهالك وكمان اللون الفضي اللي على موف عنده وموديل 2010 وسعرها 122 الف او 122 ونص (مش فاكره ) ........
انا بقول اتوكل على الله واروح اجيبها من المصريه بكره ؟؟؟؟ ولا حد عنده رأي تاني؟؟؟

كذب (المصرية)ولو صدقوااااااااااااااااا

اقتباس:

---

المشاركة الأصلية كتبت بواسطة atefadel

كذب (المصرية)ولو صدقوااااااااااااااااا

---

طيب ليه حضرتك بتقول كده؟؟ سمعت عنهم حاجه وحشه؟؟

المصرية هيفضل يقنعك بالأقساط فلا ترضخي لهم

اقتباس:

---

المشاركة الأصلية كتبت بواسطة د.محمود صلاح

المصرية هيفضل يقنعك بالأقساط فلا ترضخي لهم

---

هوا فعلا كان بيقولي اجيب تيدا بالقسط عشان قلتله ان امكانياتي الصني بس بعد كدا قلنا احنا اولى بالفوايد بتاعتهم وان شاء الله هجيبها كاش .... وطالما الفلوس معايا جاهزه وقلتله هجيبها كاش هيقنعني بالقسط ازاي؟؟

اقتباس:

---

المشاركة الأصلية كتبت بواسطة د.محمود صلاح

المصرية هيفضل يقنعك بالأقساط فلا ترضخي لهم

---

+11111111111111111111111111111111111111111111111
11111111111111111111111111111111111111111111111111 111111111111111111111

في المصرية..لما بيلقيك مصر علي الشراء كاش..بيستجيب..وخصوصا لوقلت له باي باي انا ماشي...

فى مرة روحت المصرية وقولتلهم انا عاوز سيراتو كاش
قالى لا معنديش , قالى اللى عندى لو حتخدها قسط , قولتله ازاى , قالى لان المجموعة اللى بتيجى عندى وبنبيعها بيكون تقسيط , وصدمنى وخرجت ومشيت من عنده فورا لان طبعا كل المعارض بتكسب من ورا التقسيط

اما لو كان عنده تيدا 2010 واللون اللى انتى عاوزاه ومخفض توكلى على الله وهاتيها وربنا يباركلك فيها ويوفقك