الموضوع: بعمل مشروعي الخاص ومحتاج دعواتكم وزيارتكم

ألف ألف مبروك يا كريم باشا
إن شاء الله يكون مشروع موفق و ناجح
انت دائما معودنا على خدماتك الرائعة لأعضاء المنتدى
و كمان دلوقتي بتزود خدمه جديدة اللي هى كار كير مجاني لأعضاء المنتدى

ألف مبروك يا أستاذ/ كريم و ربنا يكرمك أن شاء الله و يجعله وش السعد عليك
أن شاء الله اجي أزور حضرتك قريب بس بعد ما أشد حيلي و بالمرة أغسل العربية الغسلة الصيفية

مع خالص تحياتي
م/ سمير الشهاوي

الناس فهمت غلط يا استاذ كريم الحق اهرب

معلش ياستاذ كريم لازم تاخد موافقة الادارة قبل اى اعلان :)

بجد خطوة جريئة وربنا يوفقك فيها..وسؤالى بقى لو مشروعك كبر -وان شاء الله يكبر وينجح- هل ممكن تسيب شغلك علشانه؟

لان دى نقطة محيرانى جدا مابين انى نفسي يبقى ليا شغلى الخاص بيا اللى اديره بمزاجى وفى نفس الوقت الشغل العام وما يتبعه من مزايا وامان اكتر وخلافه ...خاصة فى حالة وجود اسرة

المشاركة الأصلية كتبت بواسطة karim_monir

شاكر ليكم بجد تفاعلكم ودعواتكم
دكتور بحري ان شاء الله هاتيجي ماتلاقيش رصيد تحطلنا من جيبك بعد ما نصعب عليك
اخي الحبيب احمد ابراهيم
والله انت جيت فعلا على هدفي
مش عايز اقولكم ان ثلاثة ارباع الدخل لصاحب البنزينة والربع لينا احنا التلاتة
شغل اصحاب بنزينات بقي
وان الدخل المتوقع لن يكافئ ابدا المجهود المبذول
لاني وافقت بعد الاستخارة لاني حسيت ان المكان ده هو اللي هايجمع شمل النايل موتوروازية بجد
مكان واسع وجميل وسهل الوصول اليه
وانا تقريبا ممكن كل يوم بعد 5 هاكون هناك
ولو في البيت او الشغل بين وبين المكان 5 دقائق
وان شاء الله جاري تخصيص رقم تليفون خاص بالمغسلة
واللي عايز يقعد ينورني طبعا حتى لو مش عايز يغسل عربيته بمزاجه(هاغسلهاله اجباري واما ينور في معتقل الموقوفين هاهاها)
بهزر طبعا انتو تنوروني
جاري ان شاء الله تظبيط خصم لاعضاء المنتدى فعلا وخصم خاص جدا بمناسبة الافتتاح
وتجهيز مكان لانتظار العملاء
واخر لانتظار سيدات وانسات المنتدى
وان شاء الله المكان يعجبكم جميعا
وليالي الصيف تجمعنا كلنا ان شاء الله
------------
بالمناسبة خبر تاني يبسطكم ان شاء الله
جاري تجهيز منتجات موتورز على قدم وساق
مجات استانلس حرارية للعربية والمكتب
ثلاثة انواع بثلاثة اسعار تلائم كافة المستويات
وجاري تطريز كابات نايل موتورز يارب تلحق المقابلة الجاي
وجاري تطريز تيشرتات المنتدى (امريكان استايل عدد محدود جدا جدا) ومقاس لارج واكس لارج فقط
اما فيما بعد سيكون تيشرت بولو بخامة رائعة وسعر مناسب
مع منتجات نايل موتورز
مش هاتقدر تفرمل عينيك
وان شاء الله يكون في فاترينة عرض ثابتة في المغسلة لشراء المنتجات مباشرة من هناك
وقريبا خدمة ادفع واشحن لكل انحاء الجمهورية
مع نايل موتورز وكريم منير
كل يوم جديد
عروض
خدمات
منتجات

استرها يا رب :-)

الف مبروك من وراء البحر الابيض المتوسط مدينة روما على وجهة التحديد
مراسلكم من نايل موتورز ينقلك لكم تهانى الجالية المصرية بجمهورية ايطاليا اللى هيا انا والعضو brown eyes
على المشروع دا وإن شاء الله تقدر تخدم بية اعضاء المنتدى
خللى بالك من العين يا استاذ كربم ناس كتيير باصللك فى المصحلة دى
انا بهزر طبعا .... فعلا اللهم وفقك وارزقك من حيث لاتدرى ولا تحتسب

بجد فرحان جداً
كان نفسي أحضر الافتتاح..بس عندي امتحانات
ربنا يوفقك و يبارك لك في رزقك