الموضوع: ايه اغرب افتكاسه سمعتها من صنايعى

المشاركة الأصلية كتبت بواسطة ahmed_lol2007

مرة كنت فى الحرفيين وكنت بسأل على مرايات ضم للفيكترا
راح الراجل مطلع لى مرايات تيجرا فأنا بقولو دول مش بتوع فيكترا قالى لا بتوع فيكترا (اللى يحرق الدم إن هوا معاه فيكترا ومش عارف شكل مرايتها)
المهم أقوله يا عم دى بتاعت تيجرا راح قالى إنت هتعرف أكتر منى يا عم دى شغلتى قولتله طب فين باقية المرايا قالى يعنى إيه
قولتله مرايا الفيكترا حتتين واحدة صغيرة (اللى مع الكبوت) وواحدة كبيرة (اللى فيها المرايا)
قالى لا دى مش محتاجة الحتة الصغيرة طبعا أنا ماسك نفسى من الضحك بيقولى هه إيه رأيك تأخدها قلتله لا مش عايز
قالى يا باشا مش هتلاقى زيها قلتله معلش أصل مش معايا فلوس دلوقتى المهم قالى إنت شكلك مش مقتنع قلتله مش شكلى لا أنا بالفعل مش مقتنع قالى طب تعالى نجربها على العربية عندك لو طلعت نفس الشكل يبقى إيه الحل (قلتله هديك أد تمنهم مرتين ) وكلمت كلامى وقلتله طب ولو مش نفس الشكل قالى يبقى أنا مش بفهم حاجة المهم خدته ورحت عند العربية بقولو إيه رأيك قالى عندك حق هه إقتنعت قالى يس ممكن تعديل وتركب وتبقى زى الفل (رحت سايبه وماشى)
وقبليها عايز يبيع لى تابلوة عدادت 260 يمين ومش مقتنع إنه مش هيركب عندى بقوله هيركب إزاى يقولى زى الناس اقولو دة يمين يقولى يا بيه مش هتفرق فى العدادات إذا كانت يمين أو شمال اللى يفرق علبة الدركسيون بس
(بقيت أقول فى بالى موافقين حمار وعامل فيها مستر أوبل ذات نفسه)ومرضيتش أخد من عنده أى حاجة

طبعا دة ميجيش حاجة من الى بشوفه من الميكانيكيه

بس على فكرة تقريبااا العدادات تركب عادى جدا على الشمال عادى