ارجوكم ساعدوني في شارك

**drzezo0o** · 23-05-2010 02:25 AM

السلام عليكم ورحمه الله وبركاته
اولا انا عندي سؤال ليه الشارك مش منتشر في مصر
ثانيا انا بعت عربيتي نيسان صني 2008 علشان اركب الشارك وليه حوالي 3 شهور مش لاقي لانسر شارك خالص مستعمله في حدود 90 الف جنيه
رابعا كل ماروح معرض بيع سيارت مستعمله يقولي مفيش يافندي حد بيسال عن العربيه ديه خالص دي عربيه فاشله (طيب ليه؟؟؟) وايه السبب
والله بسال صاحب المعرض قالي لانسر ايه قولتلو لانسر قرش الشكل الجديد قالي دي يابني محدش بيرضي يشتريها انا جبت واحده قعدت عندي اكتر من 3 شهور وفي الاخر بعتها قسط بالخساره ايه السبب ياجدعان؟؟؟؟؟؟
انا عن نفسي مش بسمع كلام حد في البلد ديه وهل الكلام ده فعلا صحيح ولا غلط؟؟؟
النهارده قررت خلاص على لانسر شارك بس للاسف مش لاقيها ابدا مستعمله في حدود المبلغ اللي معايه
همووووووووت واركب العربيه ديه ولو لفه صغيره سااااااااااااعدوني ياشركاويييييييييييه
معليش تعبتكم معايه ارجو الرد بسرعععه كبيره جدا

**M!SHO** · 23-05-2010 03:37 AM

اولا" هى مش فاشله بالعكس عربيه جميله جدا واللى قالك فاشله بيقول اى حاجه وخلاص
ثانيا" العربيه مش منتشره عشان سعرها عالى شويه بس انا شايف سعرها معقول جدا ورخص عن الاول بكتير ...

كمجمل العربيه تمام ولا يعيبها حاجه بس سعر اعادة البيع هو اللى مشكله شويه ودى ميزه لحضرتك لانك هتجيبها مستعمله
حضرتك ممكن تدور على النت وهتلاقى ان شاء الله حاجه معقوله ...

**ahmad--ezzat** · 23-05-2010 03:48 AM

اللى يقلك فاشله ياما...
1-مش قادر يجيبها فقلك اجيب البوما ارخص
2-مركبهاش وفاكر ان ال 1500 مش كويس عليها,,,مع انه جيد جدا
3-ياما بقا سمع الناس بتقول عربيه وحشه فقال وحشه

الانسر الشارك ممتازه فى الشكل والنعومه والعمر الافتراضى وعربيه مفهاش غلطه تقفيل ومعموله صح,,,بالنسبه للموتور ال 1500 فهو مش ضعيف زى ما معظم الناس بتقول,,,العربيه ساحبتها كويسه انا جربتها كانت متاجره :)

توكل على الله,,,

**kemoelord** · 23-05-2010 01:33 PM

لو عاوز تتعرف اكتر على العربيه وتعرف هي ليه مش منتشرة ادخل على اللينك ده :_

http://www.nilemotors.net/Nile/144793-a.html

**explorist** · 23-05-2010 07:47 PM

الشارك سيارة اكثر من ممتازة , سيبك من العبط اللى بيتقال على العربية , موتور الشارك قوى ,صالون واسع وفخم , الشكل الخارجى تخفة ,ارتفاع السيارة عن الارض مناسب لشوارع المحروسة ,عفشة قوية تتناسب مع جنوط العربية مقاس 16 , العيب الوحيد من وجهة نظرى هو ضغر حجم الشنطة ,انا معايا واحدة مانيول ومبسوط بها جدا ( انا كان معايا قبل كدة عربية بومة 1600 ,هوندا si , بورا ) توكل على الله واشتريها

**mimohsen** · 23-05-2010 09:26 PM

انا معايا شارك اوتوماتيك وبقولك اركب شارك وانت مطمئن ... عربية زي الفل ...

**M.Akef** · 23-05-2010 09:55 PM

فشله ايه بس العربيه ممتازه عبها الوحيد بس ان موتورها تسارعه ضعيف شويه عشان وزن العربيه تقيل عليه غير كدا مفهاش عيوب
سيبك من كلام المعارض انا بسمع منهم البدع
و الناس غريبه جدا الحقيقه 90% من الناس مش بتجري يبو زعلنين اوي من الشارك له و بيقولو جريها مش حول!
و كمان رحله نجاح البومه و استمراريه اصدارها قتل الشارك

**DrMax** · 23-05-2010 10:53 PM

المشاركة الأصلية كتبت بواسطة explorist

الشارك سيارة اكثر من ممتازة , سيبك من العبط اللى بيتقال على العربية , موتور الشارك قوى ,صالون واسع وفخم , الشكل الخارجى تخفة ,ارتفاع السيارة عن الارض مناسب لشوارع المحروسة ,عفشة قوية تتناسب مع جنوط العربية مقاس 16 , العيب الوحيد من وجهة نظرى هو ضغر حجم الشنطة ,انا معايا واحدة مانيول ومبسوط بها جدا ( انا كان معايا قبل كدة عربية بومة 1600 ,هوندا si , بورا ) توكل على الله واشتريها

+111111111111

العربية ممتازة ومفيهاش غلطة
ومادام هتجبها مستعملة يبقى مش هيفرق معاك سعر اعادة البيع
توكل على الله وهاتها وربنا يكرمك بواحدة كويسه

**king1974** · 24-05-2010 01:06 AM

المشاركة الأصلية كتبت بواسطة drzezo0o

السلام عليكم ورحمه الله وبركاته
اولا انا عندي سؤال ليه الشارك مش منتشر في مصر
ثانيا انا بعت عربيتي نيسان صني 2008 علشان اركب الشارك وليه حوالي 3 شهور مش لاقي لانسر شارك خالص مستعمله في حدود 90 الف جنيه
رابعا كل ماروح معرض بيع سيارت مستعمله يقولي مفيش يافندي حد بيسال عن العربيه ديه خالص دي عربيه فاشله (طيب ليه؟؟؟) وايه السبب
والله بسال صاحب المعرض قالي لانسر ايه قولتلو لانسر قرش الشكل الجديد قالي دي يابني محدش بيرضي يشتريها انا جبت واحده قعدت عندي اكتر من 3 شهور وفي الاخر بعتها قسط بالخساره ايه السبب ياجدعان؟؟؟؟؟؟
انا عن نفسي مش بسمع كلام حد في البلد ديه وهل الكلام ده فعلا صحيح ولا غلط؟؟؟
النهارده قررت خلاص على لانسر شارك بس للاسف مش لاقيها ابدا مستعمله في حدود المبلغ اللي معايه

همووووووووت واركب العربيه ديه ولو لفه صغيره سااااااااااااعدوني ياشركاويييييييييييه
معليش تعبتكم معايه ارجو الرد بسرعععه كبيره جدا

بص يامعلم كل الكلام اللى حضرتك سمعته عن السيارة ده كلام ناس جهلة معندهمش ضمير ليه لأن مشكلة سوق السيارات فى مصر هى ان الناس بتشترى على السمع ( انا سمعت ان فلان وفلان وفلان اشتروا كرولا تبقى الكرولا دى 100 100 و سمعت ان فلان وفلان وفلان اشتروا البوما تبقى البوما 100 100 .... الخ الخ )

بصراحة وعن تجربة شخصية اللانسر الشارك مظلومة فى مصر ومطلعين عليها فى المعارض سمعه زى الزفت وانا قولت وباقول وسأظل اقول ان شركة ميتسوبيشى هى السبب الأول لأنها مازالت بتنتج البوما مع الشارك وده أكبر غلط لأن الناس اللى بتشترى على السمع هتروح تشترى البومة بدون تفكير انا معايا شارك 2010 gls 1500cc high line خليجى اتوماتيك والسيارة بسم الله ماشاء الله صالون واسع وامكانيات فوق الممتازة ده غير الثبات بتعها وانا عن نفسى باكون مطمئن على مراتى لما بتسوقها . متصدقش اللى بيقولك ان المكينة ال 1500 ضعيفة اشتريها ومش هتندمممممممممممممم

**mohamed1979** · 24-05-2010 10:12 AM

انتو عارفين ليه بتوع المعارض بيقولو عليها عربيه فاشله
علشان اعاده بيعها بسبب ثقافه الشعب المصرى وحشه علشان هى 1500
يعنى بتوع المعارض قالوا عليها موتوها ضعيف فكل الناس مش مهتمه بيها و كده الأقبال عليها ضعيف
فمبتعملش مصالح مع التجار علشان تقيله فى بعها يعنى العربيه ممكن تقعد مع التاجر فتره فى حين انه ممكن يبع 3 او اربع عربيات بوما و ميقدرش يبع عربيه شارك فى المقابل
بس بصراحه عربيه فوق الممتازه