ايه نوع الخشب لصندوق السماعات

**wasta** · 25-05-2010 02:40 PM

المشاركة الأصلية كتبت بواسطة sasa3

هى الكوبسته ده الى هيا الحته الى ورا الى بتتحط فيها السماعات ورا الى ورا الكنبه الى تحت الزجاج الورانى ولا انهى

و لو كده هفل لو انا مثلا عاوز اعمل تصميم كده معين يعنى اجيب لوح خشب منه و احفرله مكان 4 سماعات ماشى
بس ان معنديش غير حفرين فى الصاج و صغيرين كمان
فانا كنت بقول هل من الممكن انى اعمل لوح الخشب ده واقف شويه يعنى يكون جاى بميل من على الزجاج الورانى لحد نساند الراس الى فى الكنبه عشان تخفى طلوع السماعات الكبيره ؟؟

حد فاهمنى ؟؟؟؟؟؟

أه الكوبسته ديه اللى ورا فى العربيه بس إن عملت موضوع الصندوق ده فى العربيه هيبقى شكله بايخ مووت
الأحسن انك تقص الصاج أو تركب علايات للسماعه بس أى نعم شكلها بايخ بردوه بس نص العمى

**SASA3** · 25-05-2010 03:47 PM

طب و قص الصاج ده بيتعمل ازاى و فين
انا المشكله الرئيسيه عندى ان فى الشنطه محطوط اسطوانة غاز طبيعى

الى مدايقنى ان فيه تاكسيات عندهم غاز و برضه تلاقيهم حطين سماعتين و اربعه مش غير علايات ولا حاجه

**wasta** · 25-05-2010 04:02 PM

قص الصاج بيتعمل عند أى سمكرى وبيعملها باللمبه يعنى بالنار وطبعا إنت عندك إسطوانة غاز فى الشنطه فطبعا غلط أى نعم السمكرى بيعملها بطريقه فنيه لاكن الإحتياط واجب أنا كنت عاملها فى عربيتى القديمه بمنشار كهربائى والصراحه ده أحسن وأنضف لآن النار بتسيب أثار مكانها أى نعم الكوبسته بتداريها لاكن لما بتتشال بيبقى شكلها واضحه قوى

**SASA3** · 25-05-2010 04:13 PM

شكلى هقضيها علايات و خلاص
بس انا شوفت علايات كاوتش ؟؟ سمعت عنها ده قبل كده؟

طب متعرفش العلايات ده عموله ولا جاهزه و تتباع؟

**engahmedsamy** · 25-05-2010 04:25 PM

mdf احسن حاجة و انا كمان عملتها بنفسي

**wasta** · 25-05-2010 04:31 PM

المشاركة الأصلية كتبت بواسطة sasa3

شكلى هقضيها علايات و خلاص
بس انا شوفت علايات كاوتش ؟؟ سمعت عنها ده قبل كده؟

طب متعرفش العلايات ده عموله ولا جاهزه و تتباع؟

لا مسمعتش عن الكاوتش ديه قبل كده بس الكاوتش بيكتم الصوت مش هيخليه حلو

وبالنسبه للعلايات بتتباع فى التوفيقيه الواحده ب 3 جنيه وممكن تنزل معاه فى السعر

**engahmedsamy** · 25-05-2010 04:46 PM

العلايات دي بكل انواعها تييييييييييييييييييت انا كان عندي علايات زمان و كان الصوت تعبااان اوي

**amruzo** · 25-05-2010 07:28 PM

المشاركة الأصلية كتبت بواسطة wasta

أه الكوبسته ديه اللى ورا فى العربيه بس إن عملت موضوع الصندوق ده فى العربيه هيبقى شكله بايخ مووت
الأحسن انك تقص الصاج أو تركب علايات للسماعه بس أى نعم شكلها بايخ بردوه بس نص العمى

+1111111111111111111

**SASA3** · 25-05-2010 11:02 PM

نص العمى ولا العمى كله
:)))

الف شكر للجميع

**amruzo** · 28-05-2010 12:56 AM

انا جبت الخشب mdf الحمد لله بس 12مم مالقتش ال16 عموما انا مش محتاج الصوت يبقى قوى زياده عن اللازم انا بعملها مضطر وشكر للاخوه على الردود اه انا قطعت الخشب بس لسه معملتش الصندوق