زيت كاسترول المرشح الفولكس له وكيل الآن

**meladadel** · 24-05-2010 01:57 AM

بصو ياجماعة ال5000 نصف تخليقى مش معدنى وال10000 ده تخليقى والعلبة ذهبى زى ما كريم قال وبالنسبة للأسعار هتأكد وارد عليكو الخميس ان شاء الله وعلى فكرة فيسكو اللى ب72 جم ده اماراتى مش مصرى بس الاصلى اصلى ياجماعة ومش هتناصح على فولكس

ويا استاذ شربينى بالنسبة للتوصيل انا مش عارف بصراحة هسال وارد عليك ومعاك برضه التليفون حاول تظبط معاهم والشاب اللى مسيطر هناك اسمه عبد العزيز

**M.Mostafa80** · 24-05-2010 03:07 AM

الله ينور ياميلاد شدو حيلكو يارجاله الفولكس عايزين مواضيع بنأه كده
وفيها فايده زى موضوع ميلاد كدا

**mesho_kimi** · 24-05-2010 12:49 PM

طالما 5 الاف يبقى 90 % معدني اعتقد ال ب 180 هوه اللي نصف تخليقي ، على العموم انا حجرب كاسترول المره الجايه واديلوه فرصته مع أنى شبه متأكد أن كاسترول هو فيسكو مع إختلاف المسمي

**mshamy** · 24-05-2010 09:45 PM

طبقا للكلام الموجود في الموضوع ده
وكلاء كاسترول هم محطات طاقة...
يمكن الراجل اللي في الحرفيين بيشتري منهم؟
مش عارف فين الصح وفين الغلط؟
ياريت مزيد من التوضيح لو أمكن
وفي إقتراح: ولو طلع فعلا الراجل ده عنده الزيت الأصلي الخاص بكاسترول
ممكن حد من السادة المسؤلين في المنتدى يعمل معاه إتفاقية و يجيب خصم لأعضاء المنتدى لو أمكن

**zidaneza** · 24-05-2010 11:05 PM

يا جماعة بعد اذنكوا انا معايا بولو 98 لسة شاريها ,,,,,, احطلها زيت اية ؟ و زيت فتيس اية ؟؟؟؟؟

برجاء الردددددددددددددددددددددد

**elshrpeny** · 25-05-2010 09:54 PM

المشاركة الأصلية كتبت بواسطة mesho_kimi

طيب ما في فيسكو ال 3000 و بـ 110 وبيقعد 15 الف كيلو وتعبئه اماراتي ومن بي بي نفس شركه كاسترول وتعبئه أماراتي وفى فيسكو 5000 ب 210 وده 25 الف كيلو :))

بس مهما كان برده هتلائيه فارق عن كاسترول عندى إحساس بكدا .
بالذات مع العربيات الفولكس
لان برده ميغركش عدد الكيلوات الجامده الى بيقطعها دى لان انا كنت سمعت هنا فى المنتدى من ناس تقريبا فاهمه فى موضوع الزيوت دا كانوا بيقولوا ان أرقام الزيوت دى شكليه يعنى ممكن تعد أكتر من الى محديدينه بكتير والله أعلم
فممكن بقى فى فيسكو مكترين الكيلوات على أساس إنك تجيب أخره

**elshrpeny** · 25-05-2010 10:05 PM

المشاركة الأصلية كتبت بواسطة meladadel

بصو ياجماعة ال5000 نصف تخليقى مش معدنى وال10000 ده تخليقى والعلبة ذهبى زى ما كريم قال وبالنسبة للأسعار هتأكد وارد عليكو الخميس ان شاء الله وعلى فكرة فيسكو اللى ب72 جم ده اماراتى مش مصرى بس الاصلى اصلى ياجماعة ومش هتناصح على فولكس

ويا استاذ شربينى بالنسبة للتوصيل انا مش عارف بصراحة هسال وارد عليك ومعاك برضه التليفون حاول تظبط معاهم والشاب اللى مسيطر هناك اسمه عبد العزيز

طيب بالنسبه للكاسترول ال 5000 إلى ب 105 جم أنه نصف تخليقى دى معلومه اكيده ولا ايه يا عم ميلاد ؟ لانه لو كدا يبقى برده أرخص نصف تخليقى فى مصر وبالطريقه دى أشك فى الزيت دا بصراحه !!!
اما بالنسبه للـــ 10000 فهو لو نوع واحد تخليقى وعلبة دهبى وسعره زى ما يكون فدا تعارض لكلام كريم لان كريم بيقول ان الـــــ 10000 دا منه نوعين :
- نوع نصف تخليقى بـــ 180 جم
- ونوع تخليقى بـــ 250 جم إلى علبته دهبى
ايه النظام بقى لحسن دماغى لفت يا جدعان

خلاص اوك يا أستاذ ميلاد هبقى أحاول أتصل بيهم يا باشا و تشكر يا باشا على تعبك معانا

**elshrpeny** · 25-05-2010 10:08 PM

المشاركة الأصلية كتبت بواسطة m.mostafa80

الله ينور ياميلاد شدو حيلكو يارجاله الفولكس عايزين مواضيع بنأه كده
وفيها فايده زى موضوع ميلاد كدا

إن شاء الله يا حج محمد
إيدك معانا يالااااا هيلاااااا هوووووووب هههههههههههههههههههه

**meladadel** · 25-05-2010 10:17 PM

انا رايح عند المكانيكى بتاعى يوم الخميس وهجيب الأكيد فى كل اللى اتقال ده وانا ياجماعة زى ويكو بجرب وبتعلم بس اهم حاجة ان الواحد يشارك تجاربه فى عربيته علشان الناس تتعلم من بعض وتستفيد زده برضة يعتبر خير الواحد بيعمله لما يوصل لواحد معلومة ممكن الواحد يستفيد بيها حتى ولو بعد سنة والسلام عليكم

**elshrpeny** · 25-05-2010 10:19 PM

المشاركة الأصلية كتبت بواسطة zidaneza

يا جماعة بعد اذنكوا انا معايا بولو 98 لسة شاريها ,,,,,, احطلها زيت اية ؟ و زيت فتيس اية ؟؟؟؟؟

برجاء الردددددددددددددددددددددد

بالنسبه للزيت
لو لقيت كاسترول يبقى ميه ميه وتمام التمام وهو دا الزيت الى شركة فولكس فاجن نفسها موصية بيه لسيارتها
بعد كدا يأتى الفيسكو لانه من نفس الشركه المصنعه لكاسترول
بعد كدا يأتى شيل تقريبا
بعد كدا ياتى كالتكس لانه نظيف برده ناس هنا فى المنتدى شكرت فيه
بعد كدا مفيش ( أوعى تجيب موبيل super xhp إلى ب 100 جم دا تقريبا )

اما بالنسبه لزيت الفتيس فمعنديش فكره الاعضاء هنا تفيدك أكتر