مشكلة بماكينة الجين 2 ، أرجو المساعدة ؛

إخوانى بالمنتدى
السلام عليكم ورحمه الله وبركاته ،،،
أنا عندي مشكلة بماكينة الجين 2 موديل 2007
السيارة عاملة حوالي 83000 كيلو متر
(( كانت مشكلتى إنها بتاكل بنزين كثير ولم أجد لها حلا فعلا حقيقيا ، بس إتعودت ))
لكن إن الماكينة تاكل زيت ده فعلا كده حاجة تزعل
أنا كان لى موضوع سابق اسمه ( حكايتى مع بروتون جين 2 )
وكنت كتبت عن مشكلة الزيت وإنه إكتشفت حل لها ..... بس طلع حل مؤقت ولم يستمر

أرجو من السادة إل عندهم فكرة أو خبرة عن مشكلتى يفيدنى بحل لهذا الأمر

لأنه كل الناس إل إتكلمت معاهم عن هذة المشكلة كان حلهم إني أغير الماكينة بالكامل
أو إن أنا بالبلدي (( أعمر الماكينة )

وإذا كانت السيارات الجديدة بنعمر ليها ماكينة يبأى حال السيارات القديمة إيه ؟

طبعا الماكينة عبارة عن ماكينة ميتسوبيشى لانسر ماعدا الكارتيرة
وماكينة البروتون إستيراد تعمل 7000 جنية من الحرفيين .... وطبعا على التجربة

ولا أعرف بالتوكيل تعمل كام لأني لم أسأل بعد .


ـــــــــــــــــــــــــ ـــــــــــــــــــــــــ ـــــــ
أسعار بعض قطع الغيار

بالحرفيين جديد
فانوس الشبورة : 250 جنيه
فلتر هواء : 100 جنيه
مقص شمال : 600 جنيه

بالحرفيين استيراد
فانوس شبورة بالخوص : 550 جنيه
فلتر تكييف : 50 جنيه


ـــــــــــــــــــــــــ ـــــــــــــــــــــــــ ــــــ
وشكراً

طب حضرتك روحت التوكيل ؟؟؟

وهل حضرتك عامل صيانات العربيه فى التوكيل ؟؟؟

اقتباس:

---

المشاركة الأصلية كتبت بواسطة ayman_52

طب حضرتك روحت التوكيل ؟؟؟

وهل حضرتك عامل صيانات العربيه فى التوكيل ؟؟؟

---

+111
لان ممكن يكون لى حق فى الضمان مع الوكيل :3_3_102[1]:
شكرااا للاسعار :36_1_1[1]:
ربنا يوفق

ياريت حضرتك تقولي فلتر التكييف الاقيه فين بالسعر ده

اقتباس:

---

المشاركة الأصلية كتبت بواسطة أبومريم

ياريت حضرتك تقولي فلتر التكييف الاقيه فين بالسعر ده

---

فلتر تكييف إستيراد بـ 50 جنية بالحرفيين ( إستيراد ) من محل إسمه الراعى
عنوانه : بلوك ( 4 ) مدخل حي الزهور

_______________________

كنت أتمنى أن أجد حلا لمشكلة نقص الزيت بماكينة الجين 2
بس فى التوكيل مش عارفين إيه السبب ، وخاصة إن السيارة مفهاش ترشيح أو أى آثار للترشيح
بخلاف إنها لا تدخن

والحل إل عند التوكيل تغيير الماكينة

ممكن يكون في تسريب من احد الخراطيم لأسفل السيارة خاصة انها مش متصفحة من تحت..........
لو بتاكل زيت كان لازم يكون في دخان ده اللي اعرفه والله اعلم.........
عالعموم متابع معاك....

يا ريت حضرتك تروح اي بنزينه كبيره او مركز خدمه وتخليهم يقيسوا كبس الموتور كمان لو في اي تاكل في الشنابر او الاويل سيلات بتاعت الصبابات ودول الي ممكن يكونوا السبب في نقص الزيت بيصاحب معاهم دخانه زرقاء مائله للابيض من الشكمان

السلام عليكم
أنا كنت متابع مواضيعك من فترة من ساعة موضوع قطع الغيار لأن بلدياتك بس عايش فالقاهرة المهم لو العملية محتاجة تظبيط بساتم وشمايز وكلام من دا أنا سمعت عن مركز في أكتوبر بجهاز يتوصل على بيوت البساتم بيعمل ملئ للأماكن التالفة المهم هحاول أوصلك لرقم المركز دا بس أديني شوية وقت
الفكرة بتاعت الموضوع دا هيا
في مادة أسمها سيرمايزر(أن بصراحة مش عارف أية معنا الكلمة) بس المهم أن أنها مادة ألمانية سائلة بيحطوا زيت جديد تماما فالمتور ويضيف المادة اللي قولت عليها ويخلي الماتور داير نصف يوم و بعدها يبطل ويغير الويت بزيت تاني جديد
التفاصيل هي أن المادة دي لما بتضاف على الزيت مع الحرارة وتشغيل الماتور تتقوم بملئ الفراغات اللي تأكلت من بيت البستم وعلى حد كلامهم أن العنلية دي جيدة لدرجة أنهم بيقولوا أن ممكن العربية اللي تخوظ العملية دي ممكن تمشي 60 ألف كم من غير نقطة زيت زيادة تأكيد لجودة العملية وهحاول أجبلكوا تفاصيل أكتر عن الموضوع

مستني التفاصيل ياباشا.......

أشكركم يا جماعة على مروركم الكريم ومحاولاتكم فى إفادتى

ومستنى يا بلدياتى إنك تتوصل لرقم المركز ده يمكن يكون سبب فى تظبيط الماكينة

طيب ايه خلى الماكينه تاكل الزيت في الوقت القليل ده

برجااء الافاده في استخدامك لنوع الزيت وكنت بتغيره كل قد ايه ؟

وهل كنت بتابع الصيانات الدوريه ؟

تحياتي

مشكورين يا جماعة على مروركم الكريم وتفاعلكم مع الموضوع

بالنسبة لموضوع الزيت أنا ملتزم جدا بتغيير الزيت فى ميعاده
يعنى إذا كان الزيت 5000 بغيره قبل ميعاده تقريبا بقليل

بس بصراحة إيه السبب معنديش علم بالضبط ، ولكن مجرد تخمينات

وهناك أكثر من حالة بتعانى من نقص الزيت بماكينة الجين 2 ، وميعرفوش السبب ايه
بس فى مهندس قالى زيت التوتال زيت نظيف بس الـ 5000 ميستحملش 5000 نهائيا لأنك
لو مسافر من المنيا لإسكندرية فى طريق صحراوى ممكن تاخد من 4 : 6 ساعات حسب سرعتك

وممكن تكون فى شارع فى وسط البلد طوله 5 كيلو تاخد المسافة ده فى 4 ساعات حسب السير

فهنا تكمن المشكلة لأنه معظم الناس بتحسب المسافة واستهلاك الزيت بعدد الكيلو متر ولا تضيف عليه مده تشغيل الماكينة
فده بيأثر على عمر الزيت داخل الماكينة

وسألت المهندس طب لون الزيت ولزوجته لهم علاقة بمدة تشغيل الماكينة قالى طبعا

المفروض إنه يوميا كل صباح تشوف مقاس الزيت ، تشوف لونه ولزوجته
لو لونه أسود أو بدأ فى فقدان اللزوجة الأفضل إنك تغير الزيت ، لكى تنظف الماكينة من الرايش أول بأول
ولكى يطول عمر الماكينة نفسها
وقالى متنساش إن الجو فى بلدنا صعب شوية ( حرارة ، أتربة كثيرة بتدخل مع غيار الزيت ، زحام وخنقة ، عدم إعطاء فرصة للسيارة إنها ترتاح من المشوار المخنوق أو المشوار لمسافة كبيرة متواصلة ) كل ده له تأثير على الزيت وبالتالى على عمر الماكينة