الموضوع: كمبيوتر قنبلة

متابع.................

ازيك يا باشا انا عندى محل كمبيوتر وممكن اقولك الى انت عاوزو بس الاول عاوز اسالك شويه اساله الاولانى انت ليه عايز باور سبلاى 500 وات ؟ التانى انت هتستخدم الجهاز ده فايه طبيعه شغلك عليه هتبقى ازاى عشان اقولك تجيب ايه وتزود فانى كومبوننت اصل مش مهم اوى ان كل حاجه بقى عاليه اوى وانت موش هتستخدمها المهم . عموما لو انت هتستخدم الجهاز فشغل موش فيه جرافيك عالى اوى زى الناس بتوع الاتوكاد والماكس انا عندى ليك اقتراح كويس هيوفر معاك فلوس فالاول وهو انك تجيب مازر بورد جيجا بايت g41 الى هيا ddr3
دى ممتازه جدا وبحوالى 360 جنيه فيها كارت شاشه واحد جيجا لما تحط فيها رامات اتنين جيجا وتجيبلك معاها رامتين كينجستون كل واحده جيجا وتجيب عليهم بروسيسور انتل 2.6 كاش 2 mega ديوال كور ده بيضرب نفسو فاتنين لانو ثنائى النوايه فبيبقى شغال الضعف وممكن تجيب كيسه نضيفه فحدود 220 جنيه مش مثلا نوعها دولفن وطبعا انت قولت انك عندك الهارد والدى فى دى كده هيبقى معاك جهاز ممتاز جدا ومع الوقت لو احتجت كارت شاشاه ممكن تشترى وتركبو لان البورده فييها مكان لكارت خارجى لو احتجتو ده بالنسبه للكيسه الشاشاه بقى نصيحه هاتلك شاشه 19 ويد اسكرين جديده سامسونج او ال جى الى هما فيهم ضمان تلت سنين هتبقة بحوالى 730 او اقل شويه بس ده مبدئيا جهاز حلو جدا بس ياريت لو تبقى تقولى طبيعه استخدامك وانا اقولك حاجه تانيه لو انت محتاج .

التأكيد على توافر الشروط الآتية مهما كان سعرها :-

ياريت حضرتك تحدد رينج السعر لانو علي اساسو هنفقدرنقولك افضل مكونات في حدود السعر دا

يا فندم العفو تحت امرك
بالنسبه للباور سبلاى الى انت بتسال عنو ده عمرك مهتحتاجو او هو ده الى بيحتاجو اجهزه غير بتاعتنا دى خالص يعنى بيكون فيها كروت شاشاه كبيره وبروسيسور عالى اوى ومازر بورد بردو كبيره فدول بيحتاجو باور عالى اوى ويكون فعلى مش مكتوب عليه وخلاص عشان يقدر يشغلهم كويس وكروت الشاشه دى بتحتاج وصله من الباور نافسو عشان كده لازم يبقى الوات بتاعو عالى
فى بس نقطه احب اوضحهالك ان مفيش حاجه اسمها بنتيم فايف اخر بنتيم نزل 4 بس فى ناس بتقول الى المواصفات العاليه بنتيم 5 وده غير موجود
بالنسبه لكارت الشاشاه الى فالبرده نفسها بيبقى 512 ولكن لما بتحط فالبرده رامات 2 جيجا او اعلى بيبقى 1024 يعنى واحد جيجا
وانا كنت اقصد انك لو هتجيب رامات 2 جيجا هات رمتين كل وحده جيجا او لو عايز 4 جيجا هات رامتين كل واحده 2 جيجا عشان البورده بتشتغل بكفائه احسن لما بيبقى فى رامتين زى بعض بتبتح حاجه اسمها الديوال اتشانل بتاع الرمات فبتضربو فاتنين
بص يا باشا زمان البروسيسورات كانت زى الى عندك كده سرعه 2.8 وكان بيبقبى فيه نوايه وحده بمعنى انك طول الوقت بتبقى شغال بال 2.8 يعنى كان بيسمحلك تشتغل على تطبيق واحد بس بكل سرعتك دى ويبدا يتقل الجهز معانا لما نفتح اكتر من حاجه فوقت واحد
بعد كده عملو حاجه اسمها هايبرثريدنج تكنولوجى دى خلو البورسيسور ثنائى النوايا يعنى لو انت عندك السرعه 2.8 بتبشى شغال بالظبط كان معاك اتنين بروسيسور كل واحد فيهم 1.4 وده كان بيديلك مساحه انك تشغل تطبيقين فنفس الوقت بدون متحس بتقل فالجهاز الجديد بقى اسمو دوال كور بيبقى ثنائى النوايا كل واحده فيهم ليها نفس السرعه يعنى لو جبت 2.6 يبقى كانك ايب اتنين بروسيسور كل واحد 2.6 وفى طبعا اعلى من كده فى بيضرب نفسو فاتين وفى بيضرب نفسو فاربعه وهكذا بالظبط نفس فكره العربيات الى فيها اتنين كامه والى فيها تربو انك بعد سرعه معينه بيفتح كامه تانيه تخلى الباور بتاعها يبقى اعلى .
بالنسبه لكارت الشاشاه الى فالبررده ده بيبقى موجود فيها وموش بيتشال ولا ينفع تزودو يعنى لو هو جيجا هيفضل جيجا بس هيا فيها مكان لكارت شاشاه خارجى لو انت عاوز تشتريه فاى وقت يعنى انت ممكن تجيب الجهاز وهتلاقيه شغال معاك كويس بعد سنتين لز حسيت ان الكارت الى عندك موش بيشغل الحاجا ت فالفتره دى ممكن تشترى كارت جديد ساعتها وتركبو
انت عاوز تجيب كيسه جاما هيا بصراحه ممتازه بس فى حاجا تارخص وبنفس الجوده وشغاله مع الناس من اكتر من اربع سنين بدون مشاكل وتوفر معاك حوالى من 150 ل 200 جنيه تجيب بيهم حاجه تاينه انا عايز اقولك الفكره غالبا مش فالفلوس بس الكمبيوتر بالزات ممكن تفضل تعلى فالامكانيات بصوره فظيعه بس فالحقيقه انت مش هتحتاجو فليه تدفه فلوس فحاجه انت عمرك مهتحتاجها ولا هتستخدمها انا معاك هات حاجه كويسه بمواصفات عاليه وتكنولوجيا حديثه اعمل قاعده كويسه بحيث بعد فتره لو حبيت تعلى حاجه معينه تلائيك هتغير قطعه او تزود قطعه موش محتاج تغير الدنيا كلها بس
كنت سالت على كروت الشاشه احسن الانواع xfx , gigabyte هتلاقى دول الكارت الواحد جيجا بيور فحدود 430 .