صيانة الـ 15 ألف

**bshndi** · 23-05-2010 10:54 AM

السلام عليكم ورحمة الله وبركاته
إخواني الكرام أود الإستفسار علي تكلفة صيانة الـ 15 ألف كيلو للشيفورليه عند أبو غالي ، وإيه إلي هايتعمل بالإضافة إلي تغيير الزيت ،( أنا كنت حاطط فيها زيت 10 ألاف آخر مرة ) .
إحترامات

**bshndi** · 23-05-2010 01:59 PM

متابع بإهتمام أي حد عمل صيانه الـ 15 ألف يا حضرات ، ولا عشان الإقبال علي المنتدي بتاعنا أكبر واحد علي نايل موتورز دلوقتي محدش فاضيلي (الله أكبر يعني مش بحسد) . مستني حد يرد عليا ولو حتي بكره :)

**hazemhassan** · 23-05-2010 03:25 PM

ايوة ياباشا لسة عاملها يوم الجمعة اللى فاتت
وكانت تكلفتها
160 مصنعيات
وتم تغير فلتر بنزين
وفلتر هواء
وتيل امامى
وكلة قطع 325
بعد الضريبة مع العلم ان التيل مش جى ام اصلى هوة تيل عملة منصورر لعربياتة

مع العلم انا مغيرتش زيت

**bshndi** · 24-05-2010 09:15 AM

حازم بيك
شاكر ليك سرعة الرد والإستجابة ......
هو حضرتك عملتها في منصور (ده إلي فهمته) ولا في أبو غالي (وهما بيستخدموا قطع غيار من منصور)؟ والكلام ده في أي فرع بالضبط ؟
شاكر ليك وآسف علي الإطاله .
سؤال تاني لخبراء التعامل مع رخامة التوكيل ؟
لو عملنا الحوارات دي بره هاتتكلف كام ، ومين ممكن يعملها في مدينة نصر ، وده هايطلع العربية من الضمان ولا إيه ؟
إحترامات

**hazemhassan** · 24-05-2010 11:30 AM

المشاركة الأصلية كتبت بواسطة bshndi

حازم بيك
شاكر ليك سرعة الرد والإستجابة ......
هو حضرتك عملتها في منصور (ده إلي فهمته) ولا في أبو غالي (وهما بيستخدموا قطع غيار من منصور)؟ والكلام ده في أي فرع بالضبط ؟

فرع فى الخلفاوى هتلاقية فى كتاب الضمان عنوانة وهما عندهم كل قطع الغيار الاصلى والمصرى

شاكر ليك وآسف علي الإطاله .

لا شكر على واجب

سؤال تاني لخبراء التعامل مع رخامة التوكيل ؟
لو عملنا الحوارات دي بره هاتتكلف كام ، ومين ممكن يعملها في مدينة نصر ، وده هايطلع العربية من الضمان ولا إيه ؟

هوة ارخص بكتيررررررر بس العربية لو حصل فيها عيوب صناعة مش هيعملوها وهيقولك انت عامل شغل برة ومش متابع الصيانة فى التوكيل
وحصل معايا وان بعمل الصيانة دى كان فى صوت من سير التكيف وقالى هيتغير فى الضمان والرجل اعد يقلب فى الضمان عشان يشوف اى صيانة مش معمولة ويتلكك بس مافيش لان دى 3 صيانة اعملها
إحترامات