محتار في الاسترا

**toot70** · 24-05-2010 04:57 PM

المشاركة الأصلية كتبت بواسطة n.a.j.d

مين قال انه كورسا بتقب وفراملها خفيفه زمفيش قواعد للماتور
!!!!!!!!!!!!!

الميكانيكي الي بصلح عنده
حضرتك عندك رد علي ده
انا بتكلم مش علي الهاتش بالك علي الكورسا البرازيلي

يعني لو فيه قواعد موتور بكام مثلا
وانه فعلا فراملها مش وحشة و
وانه فعلا مبتقلبش علي السرعات العالية اصل انا بجري بالكورسا الهاتش باك علي 160 وفوقهم شوية فلو جات دي وبيقولوا بتقلب يبقي اكيد هتحصل مشكلة

انا عاوز عربية اثق فيها مش ابقي قلقان منها

**toot70** · 24-05-2010 05:03 PM

المشاركة الأصلية كتبت بواسطة atef saleh

ده نورك يا نجد باشا

زى ما سبق و قلت لسيادتك موضوع المقارنات مش بيوصل لحاجه لأن جزئيه العزه و الشموخ العربى بيكون مسيطر على صاحب العربيه و عمره مابيقول عيوبها علشان كده مفيش استفاده حقيقيه فى الموضوع ده يعنى انا لما حد بيسأل عن الاسترا باقول العيوب اللى واجهتنى و المتمثله فى نقص قطع الغيار عدم وجود قطع غيار استيراد لها ده طبعا مش فى كل قطع الغيار بس فى الحاجات الخاصه بيها لكن الحاجات المشتركه بينها و بين باقى الموديلات متوفره و رخيصه كمان لكن الحاجات الخاصه بيها بس بتكون غاليه و ناقصه شويه الثبات الناس بتقول انها ثابته لكن بما انى مش بتاع جرى و سرعات عاليه مش هاقدر اتكلم التكييف كويس جداً لما يكون مظبوط تمام الحراره كويسه جداً جداً يعنى مش بتسخن زى مالناس بتقول ( عمرها ما عدت التسعين ) ده بالنسبه لعربيتى الفتيس انا غيرته من اول اسبوع اشترتها و ركبت فتيس ايزى ترونيك ( واحد صاحبى اللى نصحنى بيه و هو اللى باعهولى ب 1600 جنيه و شغال من سنه زى الفل ) الفرامل بتاعه العربيه اسطوريه غير كده السحب كويس جداً بالنسبه لعربيه اوتوماتيك مفيش حاجه تانيه اتعرضتلها علشان انا استهلاكى للعربيه قليل شويه ( حوالى 20 كيلومتر كل يوم ) و ده يخلينى ماقدرش افيد اللى بيسأل كويس علشان كده انا كنت ساكت .

انا محترم راي وصراحة حضرتك جدا وشكرا ليك
بس يا تري لو هجيب الاسترا 2005 ايه قطع الغيار اللي متوفرة وماشية مع موديلات تاني واسعارها اذا قدرت
وايه قطع الغيار اللي مش متوفرة

وكمان هل بجد فيه مشاكل كنترول ؟ ولو مفيش ليه الرعب اللي الراجل عملهولي علي العربية دي بالذات مع اني مشفتش منها كتير عنده
هو راجل محترم ومش هيبيعلي حاجة وانا زبونه من 6 سنين وحبيبي يعني مش كلام

بس بجد مش فاهم ليه كل ده

انا عاوز لما اجدد اجدد من كله اللي معايا كورسا 99 وقلت اعلي في الفئة والموتور والشكل وكل حاجة ومتخبطتش جامد في الفرق

معلش انا غلس شويتين بس بجد من قلبي بشكرك ومحتاج اجابة وتفسير مش مجرد رد معلش كمان مرة وانت شجعتني بصراحتك

**N.a.j.d** · 24-05-2010 06:36 PM

المشاركة الأصلية كتبت بواسطة toot70

الميكانيكي الي بصلح عنده
حضرتك عندك رد علي ده
انا بتكلم مش علي الهاتش بالك علي الكورسا البرازيلي

يعني لو فيه قواعد موتور بكام مثلا
وانه فعلا فراملها مش وحشة و
وانه فعلا مبتقلبش علي السرعات العالية اصل انا بجري بالكورسا الهاتش باك علي 160 وفوقهم شوية فلو جات دي وبيقولوا بتقلب يبقي اكيد هتحصل مشكلة

انا عاوز عربية اثق فيها مش ابقي قلقان منها

يبقى دي ملناش دعوا فيها ومتجبش البرازيلي عشان دا مش عربيه الاوبل اللى احنا بنعرفها
عايز تركب الاوبل اركب الماني وبس زي اللهاتش باك

حضرتك الاسترا 2005 حلوه اوي ومفيش مشاكل دا كلام عك بس الناس بتعك بمزاجها عشان مصلحه ما
قطعها اكيد موجوده واستنى ملاك العربيه دي وهما بيفيدك اكتر عن تجربه وربنا يوفقك ياباشا

**nab!l** · 24-05-2010 11:43 PM

المشاركة الأصلية كتبت بواسطة n.a.j.d

تمااام يا باشا كلام سليم
ربنا يباركلك فيها
انا طبعا عربيتك زي عربيتي فعلا العربيه دي حكايه وماشاء الله عليها

لا مش زيها
راعى فروق التوقيت

**N.a.j.d** · 24-05-2010 11:47 PM

انا عارف يا نبيل دي سيدان واللى معايا هاتش باك

**nab!l** · 25-05-2010 08:49 AM

المشاركة الأصلية كتبت بواسطة n.a.j.d

انا عارف يا نبيل دي سيدان واللى معايا هاتش باك

لا
ده موديل وده مودديل تانى
الشكل اللى معاك زى اللى معايا بدا فى مصر من 2000 ل2002
هو معاه 2003 الشكل اللى هو اساسا شيفروليه بدا فى مصر من 2003ل2006

**N.a.j.d** · 25-05-2010 11:59 AM

طب انا هاتش باك وهوا سيدان انا اللى اعرفه الفرق دا بس في فروق تانيه؟؟يعني زي اييه متلا

**nab!l** · 25-05-2010 10:17 PM

لا
بصراحة معرفش الروق بين الهتشباك والسيدان
لان الهاتشباك تكاد تكون معدومه فى مصر

**N.a.j.d** · 25-05-2010 11:37 PM

المشاركة الأصلية كتبت بواسطة nab!l

لا
بصراحة معرفش الروق بين الهتشباك والسيدان
لان الهاتشباك تكاد تكون معدومه فى مصر

انا ح قولك الفرق
ولا حاجه قطع وحده بس يختلف شكل الخلفي انما كا قظع قظع زي بعض

**mexmarine** · 26-05-2010 12:23 AM

انا كنت فى مثل موقفك و كان امامى كورسا 2005 عامله 35 الف كيلو و كانت معروضه على 54 و لكن اللى قلقنى انها مع انها جديده جدا لقيت بارومه فى السقف و ده عيب ما هو غير المانى .. فى نفس الوقت لقيت استرا 2000 1200 سى سى تخلص نهائى بـ 48 الف فإشتريتها و بسم الله ما شاء الله احمد الله انى اشتريتها .. الكورسا فيها عيب و الاسترا فيها عيب اولا الكورسا طلمبة البنزين بتتغير بعد 30 الف كيلو فى كثير من السيارات و الاسترا فيها اير ماس فلو و مالوش عمر محدد( العربيه اللى معايا غيرته فيها اول ما اشتريتها و كان بإتفاق مع المالك خصم 2000 جنيه من الثمن و اشتريته بـ 1250 .. بس له علاج ان تحافظ على فلتر الهواء و تغييره فى الوقت المناسب ..و ما تفكرش ان الاسترا ضعيفه لان تنافسها مع ال1600 سى سى و لا تنظر الى ال1300 سى سى حتى كناحية تنافس .. بالتوفيق

الموضوع: محتار في الاسترا

LinkBack

أدوات الموضوع

عرض

-

-

-

-

-

-

-

-

-

-

المواضيع المتشابهه

محتار بين يوكاهاما وميشلان t ايهم افضل دلوقتي انا محتار بين نوعين من الكاوتشات 185/6

محتار فى الاسترا بشتريها

محتار جدا يا جماعة في الاسترا

محتار بين الاسترا والانسر

محتار والله محتار وعاوز نصيحه بجد ولوجه الله وما تبخلوش بالردود

الكلمات الدلالية لهذا الموضوع

المفضلات

المفضلات

ضوابط المشاركة