إستفسار في نيو اكسنت

**ehabpop** · 24-05-2010 08:45 AM

السلام علي من اتبع الهدى
انا عربيتي عمله 4500 ك برجاء حد يرد علي اخونا حماده علشان انا كمان اعرف
وهل يمكن ان انا اطنش الصيانة دي و لا اخرج من الضمان
و هما بيعملو ايه في الصيانة بتاعت 5000ك

**ramyhits** · 24-05-2010 10:25 AM

هيربطوا عفشة وهيبص على كل الزيوت تقريبا ويعمل تشيك على العربية عموما وال 180 جنية دول شامل كل حاجة هتلاقيهم كلهم تقريبا مصنعية لانك مش هتغير حاجة الا لو اتطلب الامر انك تغير حاجة بس هتبقى تبع الضمان

بالنسبة لسؤال ايهاب بوب لو عديت اى صيانة وحصل حاجة فى العربية تتطلب انك تغيرها فى الضمان هيغلسوا عليك اوى بس حصل مع كذا واحد صحبى وهو كمان غلس معاهم وعملها تبع الضمان بس دفعهوه تمن الصيانات اللى معملهاش

**hamada007** · 24-05-2010 01:34 PM

المشاركة الأصلية كتبت بواسطة ramyhits

هيربطوا عفشة وهيبص على كل الزيوت تقريبا ويعمل تشيك على العربية عموما وال 180 جنية دول شامل كل حاجة هتلاقيهم كلهم تقريبا مصنعية لانك مش هتغير حاجة الا لو اتطلب الامر انك تغير حاجة بس هتبقى تبع الضمان

بالنسبة لسؤال ايهاب بوب لو عديت اى صيانة وحصل حاجة فى العربية تتطلب انك تغيرها فى الضمان هيغلسوا عليك اوى بس حصل مع كذا واحد صحبى وهو كمان غلس معاهم وعملها تبع الضمان بس دفعهوه تمن الصيانات اللى معملهاش

على العموم أنا شاكر جدا ليك يارامى

طيب دلوقتى لو في قطعة غيار غيرتها بيدينى عليها ضمان ولا لأ لإنى أسمع إن منصور بيدى ضمان على قطع غيار معينه

**ramyhits** · 24-05-2010 08:58 PM

يا باشا طول ما انت فى الضمان غير اى حاجة بايظة على حسابهم طبعا حتى لو هتغيرها مليون مرة دى مش مشكلتك انها بايظة

**hamada007** · 24-05-2010 10:39 PM

المشاركة الأصلية كتبت بواسطة ramyhits

يا باشا طول ما انت فى الضمان غير اى حاجة بايظة على حسابهم طبعا حتى لو هتغيرها مليون مرة دى مش مشكلتك انها بايظة

متشكر أوى يا رامى معلش أنا بفهم فى الانوس 99 إللى قعدت معايا 9 سنين بس دى لسه ما أخدتش عليها

**ramyhits** · 25-05-2010 10:51 AM

يا باشا انا تحت امرك فى اى حاجة وربنا يباركلك فيها

**hamada007** · 25-05-2010 11:16 AM

المشاركة الأصلية كتبت بواسطة ramyhits

يا باشا انا تحت امرك فى اى حاجة وربنا يباركلك فيها

بجد لو عايز أى حاجه انا ايميلى موجود في ملفي ابعتلى رساله وانا عيونى ليك

**AMIRELGOHARY** · 27-05-2010 02:43 PM

صيانة ال5000 سعرها 130 مصنعية +10% ضريبة مبيعات. (وطبقا لجدول الصيانة مفيش تربيط عفشة ولا فرامل الا اذا كنت بتشتكى من حاجة ليها علاقة بيهم
ومعظم مراكز الخدمة بتغسل الموتور بالفوم وتحاسبك فلو مش عاوزه لازم تأكد عليهم انهم مايغسلوهوش.

**ramyhits** · 28-05-2010 12:33 PM

المشاركة الأصلية كتبت بواسطة amirelgohary

صيانة ال5000 سعرها 130 مصنعية +10% ضريبة مبيعات. (وطبقا لجدول الصيانة مفيش تربيط عفشة ولا فرامل الا اذا كنت بتشتكى من حاجة ليها علاقة بيهم
ومعظم مراكز الخدمة بتغسل الموتور بالفوم وتحاسبك فلو مش عاوزه لازم تأكد عليهم انهم مايغسلوهوش.

طيب ما تقولنا يا باشا بيعملوا اية خلينا نستفيد وبياخدوا ال 130 جنية طالما مش بيربطوا عفشة ولا بيشدوا الفرامل ؟؟

**amgadtoma** · 30-05-2010 01:46 PM

وفقا لجدول الصيانه
هيغير زيت وفلتر، فحص وتنظيف فلتر الهواء، فحص دور التبريد، فحص دورة الوقود، شد السيور، فحص مبرد الزيت، فحص مواسير العادم، فحص وجود تسريبات فى الزبوت، وفحص الشكمان، الشييك على الفرامل من زيوت لبدال لخراطيم، الكشف على اداء التكييف والشحن، وهيبص على الانوار والمساحات، والعدادات والتابلوة، والدركسيون وزيت الباور
ولو انت ليك ملاحظات بقى غير ده كله قوله عليها
التكاليف بقى انا معرفهاش لانى لسه ما عملتهاش بس ممكن تكون زى ما الاخوة قالو من 130 الى 180 مادام مش هتغير زيت يعنى خلى معاك 250 جنيه احطياطى
ولو عملتها قولى بقى ايه الاخبار عشان اجهز نفسى انا كمان