مطلوب مساعده من كل مهندسين مدنى و ياريت الاعضاء يشاركو

**korkor** · 23-05-2010 08:50 PM

المشاركة الأصلية كتبت بواسطة eng/muhamad

يعنى عاوز اعمل مشروح صحيه كامل من تصميمات و روسمات و كل حاجه و فى نفس الوقت احسب التكاليف و المده الزمنيه للمشروع و الحاجات الخاصه باداره مشروعات لمشروع هندسه صحيه
مش عارف حضرتك فاهمنى و لا لأ

بص الكلام اللى انت بتقول ده صعب فى المشروع اوى يعنى الوقت بيكون مكفى مشروع واحد تقوم انت تعمل مشروعين وكمان تبتدى البرامج الزمنيه واداره المشاريع بمشروع هندسه صحيه انت كده ممكن تتعقد فى عيشتك ولا تخلص الصحيه ولا تخلص اداره الاعمال دوس فى الاسهل بالنسبه ليك واللى يخليك تتخرج بتقدير كويس وبعدين موضوع الشغل ده بيبقى نصيب انا شخصيا ارشحلك الصحيه مشروع سهل وبيقى كوبى وبيست من مشاريع قديمه بالنسبه لوحات التتنقيه المختلفه الحاجه اللى ممكن تستفيدها انك تتعلم تصميم شبكات وحساب معدلات استهلاك المياه والتنبؤ بمعدلات السكان حاجات ظريفه ومفيده برده .

**ghazy12** · 23-05-2010 09:02 PM

نصيحه اخويه يا هندسه, و بجد المشاريع المحترمه و المميزه...

- تخطيط و ادارة مشروعات هندسيه و برامج زمنيه (بره مصر, و جوه مصر)

- Steel (منشات معدنيه) و ده بقى مميز جداا و ممتاز خصوصا انهم بيتخطفوا في الخليج والله

انا شخصيا مشروعي كان تصميم أساسات و خرسانات, لكن الأساسي كان اساسات و دراسة تربه
و لو اني طلع عين*#$&%#^& لأني شغال بنفسي... مش مكاتب و مهندسين اشتغلولي مشروعي..
بس جبت امتياز الحمد لله بردو في المشروع, و كل فكره و ميللي في المشروع من مجهودي...

مع اني كنت من عشاق مواد العقود و البرامج الزمنيه و ادارة المشروعات الهندسيه و كنت
بجيب في مواد الدكتور ده, و المواد دي امتيييييياز... و ما كونتش بشمه في مواد تانيه و لله الحمد

بجد اللي قلتلك عليهم دول ممتازين جدا جدا جدا, و اسأل بنفسك مهندسين اتخرجوا غيري...

ربنا يوفقك للخير ان شاء الله و تتخرج بتقدير يا باشا...

**factorialx** · 23-05-2010 09:30 PM

انا في هندسة القاهرة و الكلية عملت فينا حركة زباله السنادي و دخلتني مشروع مش عايزه خااااااااالص ( المصري اليوم كتبت عن الموضوع ده )

الواحد مقروووف و زهقان بس هعمل إيه قالك عشان أدخل صحية لازم أجيب جيد ( طيب أنا و الله حصلتني السنة اللي فاتت ظروف قاهره بجد و الحمد لله إني نجحت أساسا )

أنا مشروع مواني مشروع لا يمت للشغل بصله دكاترة عفى عليهم الزمان بس هقول إيه نصييييييييييب

**eng/muhamad** · 23-05-2010 09:31 PM

لكن تعرف كتير عن الصحيه
عن الرى
عن الكبارى
تعرف تصمم مينا

كل ده درسناه و عرفناه و اكيد الخرسانه درسناها بتوسع اكتر بس فى مشكله
ان انا اعرف اصمم حاجه من الحاجات دى كاااااامله مش هتيجى الا بالشغل مش معقول اكون لسه فى الكليه و اقدر اصمم كل ده و كل دى مشاريع متاحه بالنسبه ليا

- تخطيط و ادارة مشروعات هندسيه و برامج زمنيه (بره مصر, و جوه مصر)

- steel (منشات معدنيه) و ده بقى مميز جداا و ممتاز خصوصا انهم بيتخطفوا في الخليج والله

حضرتك قولت فعلا على افضل تخصصين
بس بالنسبه للمنشآت المعدنيه انا مستبعدها خااااااالص عشان انا مش عارف فى المواد بتاعتها حاجه بعديها كده ببركه دعاء الوالدين فبصراحه هيكون صعب اوى اخد مشروع
لكن اداراه مشروعات و عقود و مواصفات فالمواد دى عندى الحمد لله بعديها كويس اوى و فاهمها كويس

**TAG_Turbo0** · 23-05-2010 10:12 PM

انا مهندس معماري
رأي انك تاخد إدارة مشروعات المجال جديد ومفيش متخصصين فيه كتير
ويا سلام لو تاخدلك كورس بريمافيرا
يبأي انت كده تمام
بس أكتر تخصص طبعا مطلوب الخرسانة

على العموم المكاتب والشركات الصغيرة فى السوق مبتبصش على مشروع التخرج
لكن لو هتشتغل فى شركة كبيرة محترمة أكيد مشروع التخرج هيفرأ لأن الشركات دي بتهتم بالتخصص جدا

وربنا يوفأك

**otefa** · 23-05-2010 10:36 PM

المشاركة الأصلية كتبت بواسطة otefa

شوف أسهلهم وتوكل علي الله فيه وهات تقدير عالي ................وبعد التخرج كمل كورسات في ادارة الاعمال مجالها ممتاز في العالم مش مصر بس..........وتبقي مسكت العصاية من النص تقدير عالي وتخصص حلو

:b4_611: أدارة المشاريع

مشاهدة نتائج الإستطلاع: افضل مشروع تخرج من وجهه نظرك؟؟

الموضوع: مطلوب مساعده من كل مهندسين مدنى و ياريت الاعضاء يشاركو

LinkBack

أدوات الموضوع

عرض

-

-

-

-

-

المواضيع المتشابهه

مهندسين مدنى

مطلوب مهندسين مدنى

مطلوب مساعده من مهندسين مدنى فى شركات المقاولات

مطلوب مساعده من مهندسين مدنى (هندسه الموانى و المنشأت البحريه)

مطلوب مهندسين مدنى ومراقب معمارى

الكلمات الدلالية لهذا الموضوع

المفضلات

المفضلات

ضوابط المشاركة