مطلوب مساعده من كل مهندسين مدنى و ياريت الاعضاء يشاركو

**م.محمد علاء** · 23-05-2010 06:01 PM

المشاركة الأصلية كتبت بواسطة korkor

بص ياهندسه مشروع التخرج ده مايفرقش معاك فى اى حاجه انا كنت مشروع هندسه صحيه وشغال دلوقتى Planner

+1

**Ralliart** · 23-05-2010 06:04 PM

حاول تاخد حاجه ليها سعر في السوق
يعني الخرسانه كل الناس بتشتغل فيها وبقى ملهاش لازمه
عندك ادارة المشروعات بقت حلوه جداً ونسبة استفادتك منها عاليه
وكمان المساحه حلوه لو ليك دماغ في تصحيح الاخطاء والحاجات دي ومتشغلش بالك بالحر لان اساساً شغل المساحه الصح مبيتعملش في الحر (يبدأ من العصر) لان الاجهزه بتتأثر جامد بالشمس والـtotal station الجديد بقى ليه سوفت وير خلت العمليه سهله جداً جداً بس عايزه شوية تركيز وانك متغلطش في نقطه ولا حاجه وعايزه تبقى فاهم الجهاز كويس

**eng/muhamad** · 23-05-2010 06:05 PM

ان انا فكرت اعمل مشروعين فى وقت واحد مشروع صحيه و فى نفس الوقت ادخل معاه اداره مشروعات

يعنى عاوز اعمل مشروح صحيه كامل من تصميمات و روسمات و كل حاجه و فى نفس الوقت احسب التكاليف و المده الزمنيه للمشروع و الحاجات الخاصه باداره مشروعات لمشروع هندسه صحيه
مش عارف حضرتك فاهمنى و لا لأ

**eng/muhamad** · 23-05-2010 06:09 PM

وكمان المساحه حلوه لو ليك دماغ في تصحيح الاخطاء والحاجات دي ومتشغلش بالك بالحر لان اساساً شغل المساحه الصح مبيتعملش في الحر (يبدأ من العصر) لان الاجهزه بتتأثر جامد بالشمس والـtotal station الجديد بقى ليه سوفت وير خلت العمليه سهله جداً جداً بس عايزه شوية تركيز وانك متغلطش في نقطه ولا حاجه وعايزه تبقى فاهم الجهاز كويس

متفق مع حضرتك بس بصراحه اللى اعرفه ان مساحه شغلها قليل و انا اتعاملت مع الاجهزه دى فى الكليه و اشتغلنا عليها و بعرف اتعامل معاها دلوقتى الجهاز بقى فيه كل حاجه تقريبا و تاتش و حاجه دلع يعنى غير الاول بس المشروع بتاعها متعب جدا و شغلها برده
و بصراحه انا نفسى اشتغل شغل فى مكتب مش عاوز مواقع
الصحه مش ببلاش شغل المواقع متعب جدا و مقرف لكن شغل المكتب
قاعد فى التكييف جنبك النسكافيه بتاعك و محافظ على صحتك

**NoRmAl** · 23-05-2010 06:09 PM

متفكرش فى الشغل من دلوقتى
والموضوع دا رزق وقليل الى بيشتغل بالى أتعلمه
رأيي تاخد يا خرسانه يا مساحه
فكك من المشروعات بالطبع
حاجه تانيه
مشروع الصحيه قد يكون كويس بردو
بص
أنت دلوقتى 3 مدنى
يعنى خدت التصميم كويس جدا
وتقدر دلوقتى تصمم بلاطات وكمرات وأعمده
ناقصك أساسات هتخدها فى باكلريوس
رأيي أنك تاخد حاجه بعيده عن المجال دا علشان تبقى ملم بكل حاجه
يعنى لو أخدت خرسانه مش هتعرف حاجه عن الصحيه وتصميماتها
فى الاخر كلكم بتتطلعوا "مهندس مدنى"
مبيتكتبش ديزينر ولا تنفيذى ولا أشغال ولا إنشاءات
كلكم مدنى
والمدنى الوحيد الى يعرف يشتغل فى أى تصميم
تعرف تشتغل فى أستيل وخرسانه ورى وكل حاجه
فشوف أنت معلوماتك ناقصه فى أيه وكملها
ومتفكرش فى الشغل مطلقا دا نصيب
ربنا معاك

**eng/muhamad** · 23-05-2010 06:14 PM

اولا شكرا لرد حضرتك بس انا حاسس ان الكلام عكس بعضه شويه يعنى حضرتك فى الاول قولت

رأيي تاخد يا خرسانه يا مساحه

و بعدين قولت

أنت دلوقتى 3 مدنى
يعنى خدت التصميم كويس جدا
وتقدر دلوقتى تصمم بلاطات وكمرات وأعمده
ناقصك أساسات هتخدها فى باكلريوس
رأيي أنك تاخد حاجه بعيده عن المجال دا علشان تيقى ملم بكل حاجه
يعنى لو أخدت خرسانه مش هتعرف حاجه عن الصحيه وتصميماتها

انا كده اتلخبط

ناقصك أساسات هتخدها فى باكلريوس

انا درست اساسات و خلصتها

**Ralliart** · 23-05-2010 06:15 PM

المشاركة الأصلية كتبت بواسطة eng/muhamad

متفق مع حضرتك بس بصراحه اللى اعرفه ان مساحه شغلها قليل و انا اتعاملت مع الاجهزه دى فى الكليه و اشتغلنا عليها و بعرف اتعامل معاها دلوقتى الجهاز بقى فيه كل حاجه تقريبا و تاتش و حاجه دلع يعنى غير الاول بس المشروع بتاعها متعب جدا و شغلها برده
و بصراحه انا نفسى اشتغل شغل فى مكتب مش عاوز مواقع
الصحه مش ببلاش شغل المواقع متعب جدا و مقرف لكن شغل المكتب
قاعد فى التكييف جنبك النسكافيه بتاعك و محافظ على صحتك

شغلها ممكن يكون قليل بس سعره غالي
وبعدين المشروع مش هيكون ليه علاقه بالشغل يعني ممكن تشتغل في حاجه غير المشروع وبعد كده اللي بيفرق خبرتك في انهي مجال
ولو شايف انك هتتعب في المساحه اوعى تاخدها لانك لازم تحب اللي هتعمله في المشروع لانك لو كرهته مش هتشتغل كويس وهتحس انك تعبان ،ولو بتعمل حاجه يتحبها ومقتنع بيها هيبقى تعبها راحه

**otefa** · 23-05-2010 06:25 PM

شوف أسهلهم وتوكل علي الله فيه وهات تقدير عالي ................وبعد التخرج كمل كورسات في ادارة الاعمال مجالها ممتاز في العالم مش مصر بس..........وتبقي مسكت العصاية من النص تقدير عالي وتخصص حلو

**NoRmAl** · 23-05-2010 06:27 PM

طيب فعلا أنا لغبطتك
أنت أولا هندسه أيه؟؟
ثانيا
ببساطه الى عايز أوصلهملك الفرق بره بين مهندس ومهندس
أولا ميزه المدنى أنى زى مقلتلك المفروض لما يتقله صمم منشأ مينفعش تقول لأ
سواء كان منشأ حديدي أو خرسانى أو منشأ مائي
تعرف تصمم عماره وكبارى وهدارات و قناطر
المفروض دا الى يحصل
بره بقى لما يتعرف أن فى مهندس أسمه كذا بيعرف يصمم كل حاجه بيبقى دا الى مطلوب فى كل حته
علشان توصل لكده لازم تشوف أيه الى ناقصك وتكمله
هو المشروع أيه
دا أبليكاشن لكن كبير شويه
بنقلك ورينا بقى أتعلمت أيه من السنين دى كلها وصمملنا حاجه من الالف للياء
فأنت كده كده عارف تصميمات الخرسانه "والى هى على فكره مش معجزه كله moment و c1 و j ومع السلامه :))"
لكن تعرف كتير عن الصحيه
عن الرى
عن الكبارى
تعرف تصمم مينا
لو لأ نمى الحاجات دى بقى
من الاخر بقلك أختار الى متعرفوش
ومش مع الاستسهال بتاع أختار الاسهل والى تعرفه
لما تختارالى تعرفه طيب والى متعرفوش
أنا مش عايز أقلك المنظر لما تقف ويتقلك تعرف تصمم كوبرى على مجرى مائى تقله لأ :))
والتقدير كله بيجيب أمتياز يا عم
داالى بينقل بياخد جيد جدا
وكده كده إن شاء الله أمتياز
نصيحه لله
نمى من قدراتك هتبقى أحسن مهندس
أنما تستسهل كله هينقص منك فى الاخر
وحاول من دلوقتى تتعلم سوفت ويرز كتيره
ساب وأوتوكاد مثلا المفروض أستخدامهم يكون زى الاله الحاسبه
الاكسل والسولفر بتاعه والاكسل شيتس
وبرامج كتيره حاول تعرف قشور منها
أنا عارف أنى بضغط عليك لكن صدقنى كلامى ليك بس علشان لما تطلع بره يتخانقوا عليك
ربنا معاك

**إبراهيم.صادق** · 23-05-2010 07:37 PM

اختار المشروع اللي انت ميال له أكتر، شايف من كلامك انك ميال للصحية، إدارة المشروعات هاتيجي بعد كده مع الشغل

لما كنت في مكانك -من حوالي 8 سنين- اخترت الحاجة اللي انا حبيتها وكان نفسي اشتغلها ... مساحة

صحيح طلع عيني فيه وكل اصحابي كانوا بيقولوا ايه اللي انت عملتوا في نفسك ده وصحيح ما اشتغلتش فيها بعد كده

بس استفدت من المشروع واستمتعت بيه جداً ومش حاسس انه كان قرار غلط

مشاهدة نتائج الإستطلاع: افضل مشروع تخرج من وجهه نظرك؟؟

الموضوع: مطلوب مساعده من كل مهندسين مدنى و ياريت الاعضاء يشاركو

LinkBack

أدوات الموضوع

عرض

-

-

-

-

-

-

-

-

المواضيع المتشابهه

مهندسين مدنى

مطلوب مهندسين مدنى

مطلوب مساعده من مهندسين مدنى فى شركات المقاولات

مطلوب مساعده من مهندسين مدنى (هندسه الموانى و المنشأت البحريه)

مطلوب مهندسين مدنى ومراقب معمارى

الكلمات الدلالية لهذا الموضوع

المفضلات

المفضلات

ضوابط المشاركة