كأس العالم 2010

**night_whisper** · 29-06-2010 11:23 PM

اسبانيا تفوز 1 - 0 على البرتغال

**abou_ruqi** · 29-06-2010 11:30 PM

بصراحة ثبت إن اسبانيا عبارة عن ديفيد فيا و بعديه راموس

إنما إنيستا زبالة و توريس ازبل

اسبانيا حتكسب بارجواي ومش حتكسب تاني , مفيش فرقة بتاخد كأس عالم معتمدة على لعيب واحد بس

أما بقه كريستيانو رينالدو المفروض يطردوه من المنتخب علشان خايف على نفسه ومعندوش روح خالص في الملعب

**Terrible_DaRsH** · 30-06-2010 12:00 AM

المشاركة الأصلية كتبت بواسطة abou_ruqi

أما بقه كريستيانو رينالدو المفروض يطردوه من المنتخب علشان خايف على نفسه ومعندوش روح خالص في الملعب

حقه بصراحة , و لولا ان ميسي معاه فريق نشيط كان هيبقي زى كريستيانو و رونى .

**SkyBird** · 30-06-2010 12:43 AM

فابريجاس ملعبش ليه ؟
انا بشجع اسبانيا علشان هذا الموهوب
بس مش فاهم وجهة نظر المدير الفني لاسبانيا

**AhmedGen2** · 30-06-2010 02:35 AM

أسبانيا كانت ماسكة الماتش كله من أوله لآخره الصراحة ... نسبة استحواذ كبيرة جدا من أسبانيا ..

مشكلتها من رأيى الدفاع والتهديف ، الدفاع ساعات بحسه دربكة ومحدش عارف يعمل ايه ، والتهديف برضه مشكلة تانية ، فرص كتير ضايعة.

تورس مش فى الفورمة خالص البطولة دى ، وفابريجاس مش عارف ليه قاعد برة! لما بينزل كمان بينزل فى الدقيقة 75 مثلاً مش من أول الماتش ، نافاس برده كان قاعد برة !! وبيدرو نازل فى الدقيقة 88 يعمل ايه؟؟!

مش فاهم المدير الفنى دة بيفكر ازاى الصراحة!

**kemoelord** · 30-06-2010 01:05 PM

يا جماعه كل الي بيشكك في قدرات اسبانيا انا مش عارف بيشككوا فيها ازاي مع احترامي الكبير ليهم يعني فريق تقريبا متكامل من حارس المرمى حتى الهجوم ولو يعني دققنا اوي ممكن ننقد خط الهجوم على اعتبار انه ناقص ومفش فيه غير لاعب واحد فقط وهو ديفيد فيا لان توريس تقريبا لسه ما جيه المونديال , اما انيستا فهو اساسا بيلعب وهو مش سليم 100% , اما فابريجاس فانا سالت نفسي السؤال امبارح خلال المباراة وانا اساسا بعشقه لاني متابعه في الارسنال لكن خلينا واقعيين هيلعب مكان مين ؟!!!!!!

**Terrible_DaRsH** · 30-06-2010 08:54 PM

و الله العظيم احلى خبر سمعته من بداية المونديال ..

قال مستشار يوم الاربعاء ان الرئيس النيجيري جودلاك جوناثان قرر إيقاف منتخب بلاده لكرة القدم عن المشاركات الدولية في العامين المقبلين بعد الاداء السيء أثناء كأس العالم.
وقال ايما نيبورو وهو مستشار خاص للرئيس جوناثان "أصدر الرئيس تعليمات بانسحاب نيجيريا من كافة المشاركات الدولية على مدار العامين المقبلين كي تستطيع إعادة تنظيم كرة القدم."
واضاف "هذا القرار لا غنى عنه بعد الأداء السيء في كأس العالم."
وخرجت نيجيريا من الدور الاول بالنهائيات التي تستضيفها جنوب افريقيا.

**hesham_tawfiq** · 30-06-2010 09:23 PM

وهو اصلا ضامن يفضل فى نتصبه سنتين كمان
دى نيجيريا ... يعنى اصل الانقلابات والصراعات المسلحه :-)))
وبعدين ازاى لعيبته هياخدوا خبرةالاحتكاك لو مش هيشاركو فى بطوله

**Terrible_DaRsH** · 30-06-2010 09:39 PM

المشاركة الأصلية كتبت بواسطة hesham_tawfiq

وهو اصلا ضامن يفضل فى نتصبه سنتين كمان
دى نيجيريا ... يعنى اصل الانقلابات والصراعات المسلحه :-)))
وبعدين ازاى لعيبته هياخدوا خبرةالاحتكاك لو مش هيشاركو فى بطوله

بلا خبرة بلا لعب من اساسه .

كفاية حرقة الدم اللى سببوها لمشجعين افريقيا كلهم , انا لو بايدى الغى نشاط كرة القدم كله فى نيجيريا .

كرتين تجيلهم و المرمي فاضي تـــمـــامـــا و يحطوا الكرة بره ! لو عيل صغير هيحطها , احسن انهم بطلوا كرة سنتين .