الموضوع: منوم

حضرتك مضايق وعايز تنام ومش عايز تصحى عشان بتمر بمشاكل : Reactive depression

حضرتك عندك افكار انتحارية ودي معناها ان الاكتئاب دخل من المرحلة الاولى للمرحلة الثانية

شخصيا لا افضل ال xanax او المنومات عموما
لانها وعلى الرغم من قوتها في علاج القلق والتوتر عن طريق تهدئة الجسم, فاعليتها في الاكتئاب وحشة لانها ممكن تزوده

انصح بأخد Lustral 50 mg قرص صباحا يوميا علما بأنه يبدأ في العمل بعد حوالي 3 أيام والذهاب فورا لطبيب نفسي

مش عيب
على رأي د. احمد خالد توفيق : النفس لها تروس تصدأ مع الوقت وتحتاج إلى إعادة تلميع مثل أي جزء في الجسم

المشاركة الأصلية كتبت بواسطة aif

لو بتتكلم بجد ....
انصحك تروح معهد الاورام او مستشفى اورام الاطفال
هناك ح تشوف انك في نعمة يجب ان تشكر الله عليها واعتقد ان فكرة الانتحار دي ح تتلاشى تماما من ذهنك
لو اعصابك ما تتحملش انزل امشي في الدويقة او اسطبل عنتر او عزبة الهجانة او عزبة ابو حشيش
ح ترجع تحمد ربنا على اي شيء كنت بتشتكي منه ......
اتوضأ وصلي ركعتين قيام ليل واقرأ ما تيسر
وربنا يهيأ لك الخير

واللى أصعب من معهد الأورام ، قسم الحوادث ، وقسم الحريق أو الحرائق، حاول تروح بس هناك وأبقى أحكي على الإكتئاب و الدنيا أخبارهم أيه ..... .

الأخ العزيز (aif) الإشارة الى المناطق التي ذكرتها مثل الدويقة او اسطبل عنتر او عزبة الهجانة او عزبة ابو حشيش ممكن يجرح شعور بعض الناس ممن يعيشون هناك أو من لهم أقارب ( هذه همسة في الأذن يعني بينا وبين بعض)

المشاركة الأصلية كتبت بواسطة factorialx

بلاش الأدوية اللي بتلعب في الجهاز العصبي
بلاش منومات بلاش مهدئات
أنا برضه مش عارف أنام بس من وجع في رجلي و هتجنن عشان ورايا إمتحان بكره

مينفعش نستخدم القاعدة دي قاعدة عامة خصوصا لو فيها ضرر احنا مش حاسبينه

مفيش حاجه اسمها مفيش لعب في الجهاز العصبي

لو كده

يبقى مفيش اسبرين ولا مسكنات ولا مضادات للالتهاب, مش معقولة نسيب العيان يصرخ عشان الادوية بتشتغل على مركز الالم

يبقى مفيش ادوية كحة جافة ماهي بتشتغل على مركز السعال في المخ , مش معقولة نسيب العيانين يكحوا ويفجروا حويصلات الهواء الشعبية لانها بتنفجر في الكحة الجافة الشديدة وتخسر كذا مليون شعب alveoli

يبقى مفيش ادوية ترجيع ماهي بتشتغل على مركز القيء في المخ, مش معقولة نسيب العيانين عندهم قيء والقيء بالمناسبة قاتل لو متوقفش

يبقى مفيش ادوية مخفضات للحرارة للأطفال لما يسخنوا عشان بيشتغل على مركز ضبط الحرارة (الترموستات) في منطقة مهاد المخ ونسيبهم يتسلقوا وأظن مفيش حد اعز علينا من ولادنا

النفس جزء من الجسم فيه خمسمية حاجه ممكن تضايقة وتلخبط الكيمياء الدقيقة بداخلة
ومفيش اي ضرر من الذهاب الى طبيب متخصص