الموضوع: قالولي روح للعصابة

المشاركة الأصلية كتبت بواسطة shouib

طناني باشا

انا قرات مشاركات ليك كتير وعارف انك ركيب اوبل وليك خبرة كبيرة معاك

انا بركب اوبل من سنة 98 يعني بقالي 12 سنة حتي ال cdx فهمت العربيات دية كويس وغيرت فيهم كتير ومعرفش اركب عربية فيها غلطة

الفكرة اني معايا عربية تانية بتحرك بيها جو البلد لأن الأوبل تقيل جوة البلد في الزحمة بس معرفش اسافر غير في عربية اوبل

علشان الأمان والثبات والسرعة و............... وانا بسافر بالليل يعني مش فارق معايا التكيف قوي

العربية دية كانت بتاعة واحد صاحبي وكان مسافر وكان رافعها 6 سنوات ولما رجع من السفر من حوالي 4

شهور اخذتها منة وجددتها بالكامل وانت عارف مصاريف الأوبل خصوصا لو الراكب مبيلصمش وشكاك وعايز الحاجة علي

ابوها gm بس طبعا دي موديل 97 فيها بعض الرتوش الصغيرة يعني مهما كانت اي عربية حالتها شاذة مش هتبقي حتي

2007

خلصتها من حوالي شهر والعربية ما شاء الله عليها انا لسة مركبتهاش يدوبك سافرت بيها 4 مرات عملت حوالي 4000 ك

سفر - المهم رحت كشفت علي التكيف بعد ما خلصت الكلام كالأتي شجرة وبعدين يكبس ويجرب ضغط الكباس

الموضوع عبيط بس انا مش فاضي وربنا كرمني وعايز اجيب bm 316

عموماا خلينا نتفق ان العربية سليمة ولا شيلة معجون ولا نيلة والتتكيف كلة علي بعضة بتاع اي اوبل شجرة جديدة بالعزل 350 جنية +2 سوتش 400 جنية + كباس -800 جنية + ثلاجة داخلية 600 جنية + شحن ومصنعية 500 جنية يعني

التكلفة كلها حوالي 2500 جنية

ودية مش فلوس في عربيات اوبل كان موديل 97 دة من سنتين بيعد 65 ألف جنية بتكييف او من غير

والكابتن عندة ضمان سنة وفي واحد في فيصل في كفر تهرمس مبيشتغلش غير في الألماني بيدي نفس الضمان

انا بعتزر اني طولت بس حبيت اشرحلك الموضوع بالكامل لآني بحترم خبرتك وحبك للعربيات الأوبل

الف شكر يا باشا
و انا باعتز برأى حضرتك فى شخصى المتواضع

دى شكلها عربية كويسه بالرغم ان ليها سمعه انها بتضرب كنترول فتيس