-
المهم انتى تقدرى على ايه؟
هل حتقدرى تبقى مذيعة؟
لو مش شايفة نفسك مذيعة خليكى فى الصحافة احسن بس محتاجة اجتهاد جامد لان دى مش وظيفة اد مهى موهبة ومحتاجة تتصقل بالتدريب والممارسة
لو مش شايفة نفسك فى الاتنين دول (اومال دخلتى اعلام ليه ؟...بهزر :) ) بس كل اللى يجيبه ربنا كويس وحتى العلاقات العامة بقت من المجالات المهمة جدا فى اى مؤسسة ومش لازم صورتها زى متكونى فاكرة انها سيئة علشان دول بتوع العلاقات العامة
-
السلام عليكم ورحمة الله وبركاته
لا خاب من إستشار ، قد تجدين ميولك ناحية أحد الأقسام ويكون أقلها نشاطاً في الشغل بعد كده وقد لا تميلين إلي أحد الأقسام ويكون هو إلي الشغل محتاجه بعد كده ، فإسألي من هم أكبر منك سناً في الكلية وبلاش تقعي في أخطاء وقعت فيها في الكلية وإلتحقت بأحد الأقسام لمجرد إسمه وبعد كده إكتشفت إنه صعب جداً ألاقي شغل في هذا المجال :) ، لذا إسألي الأساتذه (الذين يحترمون عقلية الطلبة ومستعدين لبذل النصيحة ) أو زملاء مخلصين وأكرر مخلصين .
تحياتي وإحتراماتي
-
انا فى نفس الحيره بس فى تخصصات هندسه مدنى مش اعلام
و هقولك على حاجه
لازم تختارى قسم تكونى حباه و حاسه انك هتعرفى تنجحى فيه و بتقدير كمان
حاجه مهمه جدا لو فى قسم معين فى دكاتره معقدين و هوايه عندهم يسقطوا الطلبه زى عندنا كده يبقى لازم تبعدى عنه و تختارى قسم الدكاتره فيه محترمين و كويسين عشان صدقينى النقطه دى بتفرق جداااااا ( نفسيا على الاقل )و لازم برده تفكرى فى اكتر قسم له شغل مستقبلا كل دى عوامل لازم تحطيها فى دماغك و انتى بتختارى القسم
و بعد ما تستقرى و تختارى لا تنســــــــــــــــــــــ ـــــــى الاستخاره
-
اهلا بالزميله الاعلاميه المستقبليه
مبدأيا انت بتحبى ايه اكتر (اذاعه ولا صحافه ولا علاقات عامه )
العلاقات العامه اسهل قسم علشان مش عليه طلب او عليه اقبال زى الاذاعه والصحافه فلذلك كل الناس اللى مش بتحب تذاكر بتدخل القسم ده .. بالنسبه للاذاعه طبعا فيه شغل كتير ومشروعات تخرج وشغلانه وايضا الصحافه هاتعملوا مشروعات تجريبيه عن مجلات وجرائد وتنفذوها من الالف الى الياء وشغلها كتير هيا كمان ...
بس انا عندى ليكى مفاجأه جميله وهى ان مهما كان القسم اللى هاتدخليه فشغلك مضمون فى اى مجال من مجالات الاعلام لانهم غالبا مابيبصوش على القسم اللى انتى اتخرجتى منه اهم حاجه انك خريجه الكليه نفسها :)... اه نسيت اقولك على اهم حاجه فى مجال الاعلام (لازم يكون عندك واسطه علشان تشتغلى فى مكان محترم )
-
اسراء انا رايي لو انتي بتفضلي حاجه معينه من الاقسام دول يبقى هي على طول
لكن طالما انتي محتاره يبقى مش فارقين بالنسبالك في الوضع ده انا شايف انك متبصيش على فرص العمل دلوقتي بصي بعد 10 سنين مثلا
انا رايي ان الأذاعه هي اللي هتكون طاغيه قدام شويه في مجال الأعلام
-
ali.mahmoud ميرسى جدا انا ناوية اعمل كدا فعلا
ahmed_nubira انا كنت فى اول السنة اى حد يسألنى ناوية على اية اقوله طبعا صحافة انما دلوقتى صرفت نظر شوية عنها
د.محمود صلاح انا فعلا سألتهم بس كل واحدة بترشحلى القسم اللى هيا فية وتقولى انه احسن قسم ... ميرسى جدا يا دكتور
mrwho1982 ميرسى جدا
dolly13 ربنا يوفقنا كلنا يارب ميرسى جدا
cyborg_ift ميرسى جدا انا نويت اجرب الاذاعة وربنا يسهل ....
seiffoz انا مخلية الاعلان اختيارى التانى بعد الاذاعة
MaZaGAngeE ميرسى جدا لحضرتك
ahmed4000 هههه انا شايفانى شوية فى الاذاعة
bshndi ميرسى اوى لحضرتك هو فعلا الاذاعة ليه اسمة فى الكلية بس انا مش بفكر فية علشان كدا انا بس لانى حبه انى اشتغل فى الجرافيكس والمونتاج والتصوير والحاجات دى
eng/muhamad ان شاء الله تختارالقسم المناسب وربنا معانا كلنا ..انا شوية حابة الاذاعة والدكاترة فية كويسين ..
mada121977 انا اول مرة اعرف ان القسم مش بيفرق بس دا شئ كويس اوى والله طمنتنى ميرسى جدا ...هو حضرتك كنت فى اعلام؟
EZABYانا بردة حاسة ان الاذاعة ليها مستقبل
بجد والله ميرسى جدا على ارائكم الجميلة
انا مبدئيا كدا هدخل الانترفيو بتاع الاذاعة و هاجرب لو منجحتش يبقى هدخل العلاقات والاعلان ان شاء الله
وشكرا جدا مرة تانية
-
المهم تقوليلنا عملتي ايه وتطمنينا عليكي
-
اة طبعا ان شاء الله اكيييييد
وربنا يوفقنا كلنا يارب
-
ربنا معاكى و بالتوفيق و بالمناسبه دى انا النتيجه بتاعتى ظهرت النهارده و الحمد لله نجحت صاااااافى كان تيرم كئيب الحمد لله عدى على خير
-
الف الف مليووووون مبروك يا بشمهندس :shine[1]::s1[1]:
Content Relevant URLs by
vBSEO 3.6.0 PL2