السلام عليكم
انا انتقلت لفرع الشركه من الغردقه لشرم الشيخ - هي تعتبر نقله كويسه بس دي اول مره اروح شرم من 10 سنين ايام ما كنت بشتغل وانا في الكليه
وعايز اروح بعربيتي وانا اصلا من طنطا ومعرفشي الطريق واصلا انا مبعرفشي حاجه في القاهره انا لما بكون نازل القاهره مش باخد عربيتي انا بقضيها تاكسيات عشان ببساطه مبعرفشي اسوق في القاهره :( غير اني مبحبش اروح القاهره كتير عشان بكره الزحمه
ممكن حد يوصفلي بالتفصيل الممل الطريق من اول طنطا لشرم الشيخ ؟
وكنت حابب لو حد يديني فكره عن نظام السكن وتأجير الشقق والمعيشه - انا السكن والاكل علي حسابي واخوكم خاطب وعايز يتجوز واللي سمعته ان شرم نار يا حبيبي نار
فلو ممكن حد يعمل فيا الجميل ده ويكون دليلي في شرم الشيخ ؟؟؟؟
انا لي اصحاب في شرم بس مش كتير وكمان كلهم في فنادق يعني مش بيشيلو هم السكن والاكل
فيا ريت لو اتعرف علي حد هنا ويكون له خبره كويسه في شرم الشيخ والحياه هناك وده هيكون شرف ليا معرفته غير انه هيساعدني اكيد في اني اجيب من الاخر ويوفر علي التعب والمصاريف
انا مش عارف هل ده المكان الصح للموضوع ولا لاء !! بس لو له مكان أصح فشكرا لاداره المنتدي لو نقلته لمكانه بس ابقوا قلولي مكانه فين لحسن انا احسن واحد يتوه
اخوكم خالد
المفضلات