ابعت لنك الوضوع ده لأبن صاحب الشركة
وخليه يشوف رد فعل الناس بيبقى عامل ازاى
رقم العضوية : 36084
تاريخ التسجيل : 20Mar2009
المشاركات : 45
النوع : ذكر
الاقامة : cairo
السيارة: brilins
السيارة[2]: byd
الحالة :
السلام عليكم و رحمة الله و بركاته
فى البداية مش عايز حد يحبط او يزعل او يفتكر انى بتجنى على حد لان كل كلمة معايا بأوراق و فى قضية
البداية
اولا: العربية جميلة جدا جدا جدا هى ليها معايا دلوقت سنة بالظبط و انا عملت بيها 19000 كم
هحكى الوقعة الاخيرة بلتمام فى يوم 19/4/2010
انا كنت مسافر اسكندرية فى اليوم ده و كان العداد عامل 15000 فقلت اعمل صيانة الـ 15000 علشان ابقى ماشى مطمئن و الفرامل كان بتعمل صوت .
رحت المركز بلغت على ( الفرامل - الفتيس -زيت البور كان بينقص - مغ صيانة ال 15000)
مع تجاربى السابقة مع توكيل فرع العباسية انى مش بسيب العربية و بخرج بره المركز بفضل واقف جنب عربيتى و بالخناق كل مرة علشان الوقفة دى )
شايف كل حاجة بتتعمل فى العربية انا ليا فكرة كويسة عن الميكانيكا ( غيروا الزيت - جابوا كوليه لزيت البور (حسبونى عليه بـ 2:00 جنيه ) و واحد فك الجلدة بتاعة عصاية الفيتس و حط شحم دهول بيه الدنيا و معرفش يرجع الجلدة تانى مكانها كويس . و لاقيتهم بيقولولى العربية خلصت روح حاسب فى الخزينة
الفرامل يا جدعان محدش جه جنبها و لا حد فك حتى العجلة
قالوا ان المهندس طلع جرب العربية و قالها انها سليمة و مفيش فيها حاجة انت عايز تدفع فلوس و خلاص ( طبعا انا واقف جنب العربية و العربية مخرجتش من المركز و لا حتى حد مشى بالعربية هناك ربع متر ) قلت لمهندس هناك اسمه اميل راجل محترم جدا جدا ( الكلام ده ان العربية مخرجتش من المركز و ده السبب الاساسى انى جيت الفرامل و لو مكنتش كده كنت رحت فرع اسكندرية انا كده كده رايح هناك و قاعد اسبوع )
الراجل طلع معايا و مع اول فرامل قالى ( احنا اسفين حقك علينا الفرامل فيها مشكلة كبيرة و يا ريت لو تقدر تسيب العربية لان التيل هيتغير و البيستم كمان مش بيرجع مكانه تانى و دى ممكن تعمل مشكلة ( ده كلام المهندس مع اول دوسة فرامل ) طبعا انا كنت مسافر فقلت له مينفعش حاول تخلصها لانى مرتبط بشغل فى اسكندرية . جاه راح للخبير بتاع المركز طلع جرب العربية و قالى نفس الكلام التيل وحش و ده هيتغير على حسابك و البيستم مش بيرد و ده هيتغير على حسابنا قلت خلاص اوك
راحو قالوا ليا ان التيل ب 200 جنيه قلت ماشى مضطر و ان مش بحب اعمل فى العربية بره المركز حاجة علشان هما بيتلككوا فى الموضوع ده
بعد شوية قالوا ان البيستم سليم ( طبعا علشان ده على حسابهم) و هما شايفين انى بعمل تقريبا فى الشهر 4000 فقالوا هانت و هيعملوا بعد كده على حسابه و الله اعلم بالنوايا
فكوا العجل اللى قدام و ياريت تركزوا معيا فى الجزئية دى مهمة جدا لانها اصل الموضوع
اقول ايه طفل اللى ركب التيل وبد ميزدش عمره عن 17 سنة ما علينا ممكن يكون صنايعى جامد
تيل افرامل 200 جنيه - تركيب تيل الفرامل 20 جنيه ضريبة على تمن التيل و المصناعية مع بعض 22 جنيه - كوليه بتاع زيات البور2 جنيه - ازاى عربية فى الضمان يا جدعان اشترى قطعة غيار و تحسابنى على المصناعية قالوا هو كده حتى حتة كوليه ب 2 جنيه يالا زى بعضه
اخذت العربية صوت الفرامل اللى كان فيها راح و طلعت من عندهم الساعة 3 العصر
و النبى احفظوا التاريخ ده يوم 19/4/2010 الساعة 3 العصر
يوم 19/4/2010 الساعة 5 العصر يعنى بعد ما خرجت من المركز بساعتين و انا على طريق مصر اسكندرية الصحراوى
لاقيت كركبة فى العجلة اللى قدام و العربية حدفت منى على الرمل و صوت حاجة بتتكسر
نزلت اشوف ايه ده لاقيت الكرتيرة اللى فوق العجل اللى قدام اللى هما فكوها علشان يغيروا التيل ( اتفكت منهم - هى كانت مفكوكة ) اى كانت الاسباب انا كنت خارج من التوكيل مربطين عفشة و مغيرين تيل يعنى شغالين فى فى الجزء ده من العربية اكثر من نص ساعة ,
اتصلت بالشركة ( استاذ / محمد عبد العال- سكرتير صاحب التوكيل و اللى انا اشتريت و خلصت معاه اوراق و حاجة العربية )
حكيت له الموضوع و انا على الطريق و قلت له سجل عندك الوقت و التاريخ علشان انا قاعد 7 ايام و لما ارجع محدش يقولى كنت فين
المهم رجعت من اسكندرية و رحت التوكيل المهندس هناك قالى اسفين ملناش دعوة اتصلت بأستاذ محمد عبد العال قالى ايوا انا فاكر و مسجل عندى روح للمهندس اشرف و هو هيعملك كل حاجة رحت للمهندس اشرف (كل ده ما بين فرع الكربة و العباسية رايح جاى ) المهندس اشرف قالى هات ورقة من محمد عبد العال يقول انها تتغير ثم ان الكرتيرة كمان مش موجودة ( توكيل بيصنع عربية و منزلها مشروع تاكسى ) و الكرتيرة مش موجودة
رجعت لاستاذ محمد عبد العال قالى معلش انا مقدرش اديك ورقة اتصل بصاحب الشركة و قوله
اتصلت بالاستاذ علاء المسئول على جزئية byd ,نائب رئيس مجلس الادارة و ابن صاحب الشركة
و كانت المكلمة سلام عليكم عليكم سلام مين انت انا حسن من اخبار اليوم و معايا عربية byd f3 r
خير عايز ايه انا خرجت من التوكيل يوم 19/4 الساعة 3 و الساعة5 الكرتيرة وقعت و عملت مشكلة و انا مسافر ....* و مال الكرتيرة و مال التوكيل ....* يعنى ايه هما كانوا شغالين فى الجزئية دى ........ لا طبعا احنا ملناش دعوة هو احنا قاعدين على تكية علشان كل واحد يحصل له حاجة فى العربية عايزنا نعملها ليه ........* ازاى يعنى مش انا كنت عندكم و لسه مغير تيل و هما كانوا فى الحتة دى من العربية و بعدين ده طريق سفر ولا فيه مطبات و لا حاجة لعشان تقع كده لوحدها ........* يا استاذ قول كلام منطقى يعنى ايه كرتيرة وقعت و عايزنا نغيرها هو انت اول مرة تركب عربية مش حاسس ان فى حاجة غريبة فى العربية ............ طيب انا عايز اقابل حضرتك ............ هتقابلنى تعمل بيا ايه معلش مش فاضى ........* طيب و العمل ايه دلوقت ........* تركبها على حسابك ........* طيب هى اصلا مش موجودة كمان غير حاجات تانية كمان كنت طالبها مش موجودة ............ خلاص تستنى لحد ما تبقى تيجى ........* وراح قافل السكة
الحقيقة ان دمى اتحرق من المكالمة دى جدا
رحت قعدت على النت وو جاه فى بالى حماية المستهلك فتحت الصفحة بتاعتهم لاقيت جزء للشكوى عن طريق النت عملت شكوى و بعت فيها كل التفاصيل
تانى يوم اه و الله تانى يوم لاقيتهم بيتصلوا بيا عايزين اوراق العربية و فواتير الصيانة و صورة الرخصة و كده يعنى
بعتهم بالميل برضه اخذتهم اسكنر .
ثالث يوم اتصل بيا استاذ حسام من حماية المستهلك و طلي اوراق تانى و قالى انه بعت لهم الشكوى و مستنى يردوا عليها
بعد 5 ايام اتصل بيا الاستاذ حسام و قالى انهم ردوا عليه و قالوا انى كنت فى المركز يوم 19/4 عملت صيانة ال 15000 و غيرت التيل و انى يوم 26/4 جيت اقولهم ان الكرتيرة اتكسرت
و بيقولوا ان فى خلال المدة دى انها اتكسرت منى
و بالنسبة لقطع الغيار فانها كلها موجودة
المهم راجل كان مصدقنى اوى طبعا لانى كلمى هو المنطقى و بلاوراق بتاعة االمركز
ادانى شوية نصائح اعملها طبعا مش هقدرها اقولها لان ممكن حد منهم يدخل و يشوف الموضوع و ابقى حرقت اللى كروت اللى فى ايدى
رحت امبارح المركز كان فى مشكلة فى البنزين العربية بتاكل بنزين جامد جدا و لما بكون مسافر و اول ما اهدى او افرمل العربية بتبطل قالولى فلتر البنزين يتغير على حسابى 35 جنيه
رحت اشترى الكرتيرة 65 جنيه و تركيبها برضه ب 20 جنيه و الحمد لله انها كانت موجودة الشمسية بتاعة السائق 60 جنيه و تركيها 20 جنيه و الله بتركب بصباعين من اليد انا للى ركبتها و هما اللى كانوا كسرنها
ملقتش المزراب بتاع السقف - ملقتش الباغة بتاعة الشنطة
قلت لمدير الفرع ادينى ميعاد علشان الاقى الحاجة دى موجودة قالى قول يا رب
يعنى اجى امتى
قول يا رب
فهمت طبعا انسى
اتصلت و انا هناك بأستاذ حسام فى حماية المستهلك و قالى ادينى المدير و اخذه يكلمه
كلام المدير طبعا هو اللى انا سمعه
........ يا باشا كل حاجة موجودة بس فى الكراتين
........* يا باشا ده صحبى بس غدار و غدر بيا ( مش عارف انا صاحبه منين )
........* ده عايز الحاجة كن فيكون
........* مش عاجبه انى بقوله قول يا رب و هتكون موجودة الاسبوع ده ( طبعا مكنتش موجودة كلمة هتكون موجودة لاسبوع ده)
حاضر يا استاذ حسام هى فى الكراتين و هتكون جاهزة
كملت بعد كده انا استاذ حسام ادانى بعض النصائح اللى هعملها ان شاء الله علشان اقدر اخد حقى منهم على الاقل على الكلام اللى اتقال ليا فى التليفون مع نائب رئيس مجلس الادارة
حماية المستهلك جامدة جدا يا جماعة و مش بيهرجوا و مش بيطنشوا اهم حاجة تكون الفاتورة موجودة فى اى مكان بتشترى منه مش شرط الموضوع ده فعلا ناس محترمين جدا و شغلهم مصلحتنا علشان كده بقول فى العنوان مصر بخير
بالنسبة بقى ل byd فى حاجة كمان اقوى من حماية المستهلك ان شاء الله دى الخطوة الجاية اللى هعملها بمساعدتكم و بمساعدة كل اللى له مشكلة مع التوكيل
عرفت من هناك من المركز ان الشركة الاصلية فى الصين مش بترضى عن الكلام ده و انها بتنزل لجان تفتش عليهم و تحقق فى الشكوى دى و انها عملت قبل كده مشكلة كبيرة ليهم و كانت هتسحب منهم التوكيل علشان واحد من مصر كان بعت شكوى
انا ناوى ان شاء الله اكتب لهم عن كل حاجة قابلتنى فى التوكيل و هكتب لهم كمان السيت ده انهم يترجموه و يشوفوا شكاوى الناس من التوكيل خصوصا فرع العباسية
العربية هتبقى تاكسى يعنى هتكتر و المركز هيزيد ازدحام و طبعا الخدمة هتقل و هتبقى اسوء من ما هى عليه دلوقت لان التوكيل اصلا ضعيف و هو هيبقى سبب ان العربية تفشل فى مصر
على الرغم من انى زى ما قلت فى البداية
العربية جميلة جدا جدا جدا
و خسارة فى التوكيل ده
و سلام و رحمة الله و بركاته
رقم العضوية : 29
تاريخ التسجيل : 17Apr2007
المشاركات : 1,612
النوع : ذكر
الاقامة : إٍسكندريه
السيارة: أوبل - أسترا - 2000
السيارة[2]: هيوانداى - النترا - 2007
دراجة بخارية: no
الحالة :
ابعت لنك الوضوع ده لأبن صاحب الشركة
وخليه يشوف رد فعل الناس بيبقى عامل ازاى
[gdwl]
سبحانك اللهم وبحمدك ، أشهد أن لا إله إلا أنت أستغفرك وأتوب إليك
[/gdwl]
مـحـمـد الـطـويـل - إسـكـنـدريـه
رقم العضوية : 24007
تاريخ التسجيل : 03Nov2008
المشاركات : 236
النوع : ذكر
الاقامة : Giza
السيارة: BYD f3 R
السيارة[2]: 131
دراجة بخارية: don't have
الحالة :
بجد برافو عليك موضوع حماية المستهلك دة ناس كتير مش واخدة بالهم منة وربنا يوفقك
NO PAIN NO GAIN
رقم العضوية : 1435
تاريخ التسجيل : 14Jul2007
المشاركات : 14,773
النوع : ذكر
الاقامة : مصر
السيارة: لا
السيارة[2]: اوبترا
الحالة :
ربنا معاك ... ويوفقك لحد ما تاخد حقك
رقم العضوية : 27439
تاريخ التسجيل : 12Dec2008
المشاركات : 1,913
النوع : انثى
الاقامة : العبور
السيارة: ستروينc3 2007
السيارة[2]: ........
دراجة بخارية: لا يوجد
الحالة :
ما ضاع حق وراه مطالب
باصرارك ممكن ترجع حقك وربنا معاك ويكتر من امثالك
رقم العضوية : 37774
تاريخ التسجيل : 10Apr2009
المشاركات : 1,585
النوع : ذكر
الاقامة : عين شمس
السيارة: شيفورلية لانوس
السيارة[2]: 128 فيات
دراجة بخارية: no
الحالة :
والله مية مية
هما فاكرين اية هوة مين اللى بيشترى ومين اللى بينفع مين احنا ولا هما اى الناس دى والله التوكيل دة هوة اللى مبوظ العربية ومسوء سمعتها
كمل فى اللى ماشى فية وربنا معاك
رقم العضوية : 60951
تاريخ التسجيل : 04Feb2010
المشاركات : 2
الحالة :
برافو الخطوة الصح ولكن بالأصول حماية المستهلك جهاز قوى وبينا قوته هاتزيد يوم بعد يوم
رقم العضوية : 36084
تاريخ التسجيل : 20Mar2009
المشاركات : 45
النوع : ذكر
الاقامة : cairo
السيارة: brilins
السيارة[2]: byd
الحالة :
فعلا حماية المستهلك جهاز قوى جدا جدا جدا
و ناس محترمة جدا جدا
و بيراعوا ضميرهم
المهم زى ما قلت يكون فيه فاتورة شراء لاى منتج
الحقيقة انا مكنتش بشترى الاول بفاتورة علشان فرق السعر
بس بعد اللى حصلب معايا دلوقت الفاتورة مهمة جدا
و جرب فى اى منتج بدء من برامج الكمبيوتر لحد السيارات
فعلا نااس جامدة
انا مكنتش متخيل سرعة الرد بالشكل ده و الاهتمام بالشكل ده
رقم العضوية : 4677
تاريخ التسجيل : 21Jan2008
المشاركات : 1,518
النوع : ذكر
الاقامة : الهرم
السيارة: fiat 127 83
السيارة[2]: dacia nova 99
دراجة بخارية: لايوجد
الحالة :
ربنا معاك واوعى تتنازل او توافق على اى ترضيه
كده يحسنو هما موقفهم
[gdwl][gdwl]( ربنا افتح بيننا وبين قومنا بالحق وانت خير الفاتحين )[/gdwl][/gdwl]
رقم العضوية : 60951
تاريخ التسجيل : 04Feb2010
المشاركات : 2
الحالة :
يأخى الراجل مدير المركز بيحبك وبيقوللك انت صاحبى فعلا صدق المثل اللى بيقول المصايب مابتجيش غير من الصحايب
المفضلات