التكييف موتنى

**ashrafnoby** · 24-05-2010 09:32 AM

بسم الله الرحمن الرحيم

التكييف باظ ان المفتاح بتاع التكييف مش منور مع العلم انى سامع صوت الكومبروسور شغال مع الموتور نفسى اعرف حد كويس وكل الزملاء اجمعوا على الكابتن فى الحرفيين هل هو كويس وخاصةانى من الاسماعلية علشان المشوار بعيد عليا انا مستنى الرد علشان اروح الحرفيين يوم السبت القادم

**ENG\AHMED** · 24-05-2010 10:40 AM

يعنى كل المشكلة ان السويتش مش منور بس التكييف شغال عادى؟؟
لو كدة الليد بتاع السويتش اتحرق غير السويتش

**harphosh** · 24-05-2010 10:47 AM

أستاذى العزيز
قبل ما تروح لأى حد من فضلك إما بنفسك أو أى كهربائى يشوف الكتاوت بتاع الكمبريسور وهو فى الأوبل b فى الحوض بجوار البطارية إكشف عليه الأول أما عن نور المفتاح فممكن اللمبة تكون محروقة ويكون شغال على طول بص على المفتاح والكتاوت الأول وده عن تجربة جايز الموضوع يطلع أبسط مما تتخيل

**MohamedGafar** · 24-05-2010 01:45 PM

الكابتن فى الحرفيين تامر بيقول عليه كويس...عموما أنا رحتلله من إسبوعين عشان التكييف ماكانش بيسقع وشحنهولي ...المهم إني ماعرفتش أحكم عليه بسبب الزحام عليه...كان فيه حوالي 6 عربيات وأنا السابع بس للأمانة خلصني بسرعة لأن ممكن أن التكييف كان محتاج شحن بس! بس عندي صوت للتكيف بيظهر مع تسارع العربية وهو قاللى عادي وأنا متأكد أنه مش عادي! بس كبرت دماغي لأني مش عايز شغل فيه لهوجة.

تحياتي.

**tananybasha** · 24-05-2010 03:42 PM

دى لمبة محروقة و طالما التكييف شغال يبقى تمام
لو مش عندك حد يغير اللمبة زى بتوع تصليح الألكنرونيات روح هات زرار استيراد ب 20 جنيه و لا ب 30 جنيه
اللمبة بتغييرها ب تتكلف 5 جنيه