اراء المستخدمين في سرعه الماروتي مسافات السفر ( للمستخدمين فقط )

**mohmed mowafy** · 15-09-2013 07:46 AM

انا معيا ماروتى بردو و هيا فعلان اول لما بتبقى جديده بتعدى ال100 بس بعد كدااا لما بيعدى عليها فتره بيبقى صعب جدااااااا ان انتا تعدى ال100

**mohamedrabia** · 17-11-2013 12:34 PM

سافرت بيها اسكندرية سنه 2008 كانت موديل السنه وجبت بيها 140 اقتصادية جدا وبتشم البنزين بس لما كانت بتعدي جانبي عربيه كنت بحس اني بتحدف ومفيش فرامل مع السرعه يعني ملخص الموضوع كله هي عربيه مصممه داخل العاصمه مش للسفر خالص

**maged** · 02-12-2013 11:21 PM

انا الماروتى بتاعتى ماشيه 102000كم يعنى العداد قلب وسافرت بيها 600 كم بدون توقف الى سوهاج على سرعة من 110 الى 130 لمدة 6 ساعات متواصل ورحعت بعدها بيومين نفس المسافة السيارة موديل 2008 طبعا السرعة دى مع التركيز الشديد وحرقة الاعصاب ولكن السفر ده بسبب حالة وفاة ولازم نوصل قبل الدفن
سيارة اصيله

**عمر علاء** · 13-12-2013 12:34 AM

المشاركة الأصلية كتبت بواسطة dolly13

انا هانصح حضرتك نصيحة بعيدة عن الاستطلاع
اتمنى ان محدش يعدى 100 ك بالماروتى لاسباب الامان
حضرتك عارف ان العربية خفيفة ولو لا قدر الله اخدت ولو خبطة خفيفة قوى على السرعة دى العواقب هاتبقى وخيمة
ربنا يستر طريقنا كلنا ولكن وجب التنويه
وعلى فكرة هى قعدت معايا سنتين وكانت زيرو وطبعا كانت بتعدى 120 بسهولة ربنا يباركلك فيها

اتفق معاك تماما وإن كانت بتغري السائق في سحبها علي الغيار الرابع

**عمر علاء** · 13-12-2013 12:36 AM

المشاركة الأصلية كتبت بواسطة mohamedrabia

سافرت بيها اسكندرية سنه 2008 كانت موديل السنه وجبت بيها 140 اقتصادية جدا وبتشم البنزين بس لما كانت بتعدي جانبي عربيه كنت بحس اني بتحدف ومفيش فرامل مع السرعه يعني ملخص الموضوع كله هي عربيه مصممه داخل العاصمه مش للسفر خالص

اتفق معاك ولكنها تصلح للسفر ولكن بسرعة امان لا تتجاوز 100 كيلو متر
تلك سرعة مناسبة جدا ليها

**عمر علاء** · 13-12-2013 12:37 AM

المشاركة الأصلية كتبت بواسطة mohmed mowafy

انا معيا ماروتى بردو و هيا فعلان اول لما بتبقى جديده بتعدى ال100 بس بعد كدااا لما بيعدى عليها فتره بيبقى صعب جدااااااا ان انتا تعدى ال100

ممكن حضرتك توضح لينا الفترة دي أد اية ؟؟
يعني عربية حضرتك موديل كام ؟؟ وفضلت تجيب الـ 100 لحد امتي ؟؟ يعني بعد كام سنة ؟؟

**عمر علاء** · 13-12-2013 12:38 AM

المشاركة الأصلية كتبت بواسطة alking_2006

سرعة 100 كويسة اوى فى السفر و عن تجربة علشان
1- العربية متسخنش
2- تحكم افضل فى العربية اثناء الغرز
3- الفرامل تكون كويسة معاك
4- علشان المخالفات طبعا :)

ساعات بزيد عن 100 فقط علشان اتخطى عربية خانقانى و برجع تانى على 100

تمام كده صح الصح

**عمر علاء** · 13-12-2013 12:44 AM

المشاركة الأصلية كتبت بواسطة maruti

الماروتي اعدت معايا 3 سنين عملت فيها حوالي 48 الف
قفلت العداد 150 كم على طريق العين السخنة بس كنت حاسس انها هتتفكك من مكانها
وكنت تقريبا بسافر بيها كل شهر دمياط حوالي 290 كم المسافة
كان المشي الطبيعي بتاعي 120 و 130 كانت بتيجي بسهولة وسعات 140 بس مش على طول

ارجو ان النصيحة للجميع ألا يتجاوز سرعة الـ 100 كيلو . حتي ولو كنا بنسوق بسرعة 140 كيلو لان العربية بعد الـ 120 كيلو فوق مستوي التحكم . ولا وزنا ولا عرضها ولا الفرامل تسمح لامهر سائق انه يتحكم فيها بتلك السرعات . العربية وحسب حالتها ممكن تقفل الامبير وطبعا بتقل حسب حالتها . لكن في النهاية لها سرعة أمان ننصح انفسنا كلنا بهذه السرعة .

**عمر علاء** · 13-12-2013 12:49 AM

المشاركة الأصلية كتبت بواسطة ahma8

بصو يا شباب

- اولا و اخيرا ..السواقة على الطريق مش شطارة خالص..
..السواقة على الطريق ماشية بستر ربنا ...و اقسم بالله ده بشوفة على طول .
ربك هوا اللى بيمشيها فى الاول و فى الاخر.

انا من ساعة ما جيبتها و انا بمشى حوالى 20 كم كل يوم رايح و زيهم جاى على طريق مفتوح دا غير الطرق الداخلية اللى تعملها برضو 10 رايح و زيهم جاى..
العربية لو هتعرف تتحكم فيها بتقفل العداد عادى جدااا...اه ...اخرك هتجيب كام يعنى 130 الى 140 ...العربيات النص نقل بتسبقى عادى جداا

الفرامل..لسة مفرمل بيها النهاردة قدامى فجأة حادثة على الشمال و راجل عبقرى راكن قدام الحادثة على الشمال...و سايب الله يكرمه حارة واحدة للعربيات علشان تعدى..حسبى الله و نعم الوكيل ..العربية زحفت منى كام متر بس الحمد لله عرفت المها..الخلاصة::
اخرك 100 ...المعقول 90 او 80 و ممكن 100 لو هتهدى لو فيه اى حاجة

...120 و ال150 بتفشخ العربية فى البنزين لاننا معندناش خامس و الخامس بيريح العربية..
وزى الناس ما قالت ان صوت العربية بيعلى بعد ال100 ..والحل..( على صوت الكاسيت شوية )

و ربنا هوا الحافظ
سبحانة و تعالى

احمد,,,,,,,,,,,,,,,

كلام عين العقل العربية حسب حالتها تدي معاك لحد 140 وتحس انها عايزه تجري
لكن سرعتها المناسبة 90 / 100 كده زي الفل وربنا اللي بيسترها
وعايز تجرب الفرق في الاحساس بالثابت والامان انزل من الماروتي واركب عربية اعلي منها هيتحس بالكلام ده جدا .

**عمر علاء** · 13-12-2013 12:54 AM

المشاركة الأصلية كتبت بواسطة heshom

سؤال للأستاذ سبعاوى: طب ايه اللى يخلى ماروتى 2008 عاملة أقل من 4000 كم ماتعديش 90 كم من ساعة ما أشتريتها زيرو حتى الان؟ شكرا مقدما

أنا معايا ماروتي 2008 ورغم ان كان فيها مشكلة في الماتور وكمان فضلت ركنها سنة تقريبا وبركب عربية تانية لكن لما ظبط حاجات فيها ورجعت اركبها بجيب بيها 120 كيلو . ودي سرعتي في الطرق المفتوحة من اول ما اشتريتها لحد دلوقتي عدا فترات المشاكل بتاعتها .
وللاسف قفلت بيها الامبير قبل كده في طريق الاسكندرية في حته معينه في الطريق كان شبه منزل . والحمد لله ربنا سترها ولا انصح اي عضو بأنه يتجاوز سرعة الـ 100 كيلو بالماروتي .