اراء المستخدمين في سرعه الماروتي مسافات السفر ( للمستخدمين فقط )

**dadofranz** · 19-07-2014 02:13 PM

بالنسبة للماروتي والسرعات
سرعة 80 هي اقصى سرعة امنة للعربية بالنسبة للتحكم والفرملة
سرعة 90 العربية بتبدء تسيب وتلعب والهوا يفسحها والفرامل بتبقى يعني شغالة معقول في الطوارق بس يفضل تسيب مسافة 200 متر على الاقل بينك وبين اللي قدامك
سرعة 100 فما فوق العربية بتبقى سايبة الارض والسواق بيبقى مشدود ومركز جامد لان الهوا بيفسحها جامد اما بالنسبة للفرامل فما تنتظرش منها حاجة لو فيه اي طوارق ويفضل بعد المية ان الطريق يكون فاضي يمينك وشمالك ويكون بينك وبين اللي قدامك مسافة كبيرة علشان لو حصل اي حاجة او حبيت تفرمل فتلاقي مسافة تنفع وده طبعا يكون على طريق عدل وما فيهوش مطبات هوا ولا رملة

بعد سرعة 100 الماتور صوته بيعلى جامد وده معناه انك بتنتقم منه

**عمر علاء** · 21-07-2014 10:18 AM

المشاركة الأصلية كتبت بواسطة dadofranz

بالنسبة للماروتي والسرعات
سرعة 80 هي اقصى سرعة امنة للعربية بالنسبة للتحكم والفرملة
سرعة 90 العربية بتبدء تسيب وتلعب والهوا يفسحها والفرامل بتبقى يعني شغالة معقول في الطوارق بس يفضل تسيب مسافة 200 متر على الاقل بينك وبين اللي قدامك
سرعة 100 فما فوق العربية بتبقى سايبة الارض والسواق بيبقى مشدود ومركز جامد لان الهوا بيفسحها جامد اما بالنسبة للفرامل فما تنتظرش منها حاجة لو فيه اي طوارق ويفضل بعد المية ان الطريق يكون فاضي يمينك وشمالك ويكون بينك وبين اللي قدامك مسافة كبيرة علشان لو حصل اي حاجة او حبيت تفرمل فتلاقي مسافة تنفع وده طبعا يكون على طريق عدل وما فيهوش مطبات هوا ولا رملة

بعد سرعة 100 الماتور صوته بيعلى جامد وده معناه انك بتنتقم منه

صح الصح

**دينا** · 22-07-2014 04:24 AM

مش متخيله امشى عال ١٠٠ بصراحه اخرى ال ٦٠ وحبه صغننه

انا بخاااف وكمان مشوايرى مش متحمله كل دا

ربنا يحفظ طريقنا

**Esraa_tarek** · 17-08-2014 11:34 AM

معايا ماروتي 2008 عاملة 40 ألف كيلو
و بحس اني لو عديت ال 85 ان العربية خرجت عن السيطرة و ممكن تترج جامد و الفرامل ساعتها لو مكنتش بالراحة و بهدوء العربية ممكن تعوم جامد أكنك رفعت فرامل اليد
بس هيا كويسة لحد 85 لأن العربية صغيرة و للأسف اللي حواليك مش بيقدروا ده ... ممكن تبقى سايب مسافة للأمان و حد يكسر عليك علشان يدخل قدامك وانت تفقد السيطرة لو انت ماشي بسرعة عالية