ايه رأيكم في سرعه الماروتي هل مع الوقت بتبقي دايما فوق ال 100 عادي و لا في اول سنتين بس فوق ال 100 و بعد كده بيبقي صعب او تقيل علي الموتور و لا صعب تجيب 100
و ده طبعا قياسا علي مسافات السواقه الطويله مسافات السفر
ايه رأيكم في سرعه الماروتي هل مع الوقت بتبقي دايما فوق ال 100 عادي و لا في اول سنتين بس فوق ال 100 و بعد كده بيبقي صعب او تقيل علي الموتور و لا صعب تجيب 100
و ده طبعا قياسا علي مسافات السواقه الطويله مسافات السفر
انا هانصح حضرتك نصيحة بعيدة عن الاستطلاع
اتمنى ان محدش يعدى 100 ك بالماروتى لاسباب الامان
حضرتك عارف ان العربية خفيفة ولو لا قدر الله اخدت ولو خبطة خفيفة قوى على السرعة دى العواقب هاتبقى وخيمة
ربنا يستر طريقنا كلنا ولكن وجب التنويه
وعلى فكرة هى قعدت معايا سنتين وكانت زيرو وطبعا كانت بتعدى 120 بسهولة ربنا يباركلك فيها
مشكرو ليكم جدا
شكرا dolly13
شكرا ahmedamr007
انا مش من هواة الجري
بس بسأل علشان اعرف الكفاءه بتاعتها و لا هيا متسحملش
بتجب 100 بسهولة بس فى زمن 37 ثانية وبتتخطى 100 كمان
انا جبت بيها 130 شوفتها بس وبعدين شلت رجلى من على البنزين لانى كنت حاسس انى جايب 200 ههههههههه
ربنا يباركلك فيها يا رب هى اقل ما يقال عن الماروتى انها عربية محترمة فعلا
والله انا شايف انها خيار مناسب لضيق الشوارع والزحام والحالة الإقتصادية وللشباب والطلبة
ihabchina
الف شكر طب هيا ممكن تعدي ال100 عادي يعني حتي بعد سنتين تلاته و لا بيقي مستحيل و لو وصلت صوت الموتور بيعلي و يجعر و يبقي حمل رهيب ؟
د/محمود صلاح
الف سكر لحضرتك فعلا هيا كويسه و صغيره موفره للوقود
هى معايا وداخلة على 20 ألف كم وبتقفل عدادها "140 كم/س" بسهولة
بس انا كنت اعرف ناس كانو عاملين بيها 100 ألف و 120 الف وكانوا بيقفلوا بيها العداد
مع ذلك انا انصح بأن منعديش ال100 علشان الثبات غير للضرورة القصوى
أنا عربيتى موديل 99 و بعدى بيها ال 100 كيلو بسهوله
مفيش كلام بعد كلام الاستاذ سبعاوى
يكفى ان استشارى المنتدى معاه ماروتى عايز اية تانى بعد كده
و رجاء من الاخوة اللي مشاركوش في الاستطلاع يشاركوا ( و يكونوا من مستخدمين ماروتي بنفسهم ) لان رأيكم مهم جدا ليا
بيحصل ياباشا و بتجيبهم عادى خالص
ال 100 بتيجى علطول ( انا مغير بوجيهات ب 3شمعه فتقريبا ناسى الوضع الأولى .. طبعا فرقهم شاسع.. بس عموما كان الوضع القديم جيد برده )
العفو يا باشا و هي اى عربية تستحمل و تفضل بحالتها لو الانسان اهتم بالعربية صح
اه الحمد لله انا لما عديت ال 100 كمان كنت راكب انا و جنبى واحد مليان جامد معرفوش و اخدته من الطريق علشان مكونتش عارف السكه من القاهرة الجديدة لحد مدينة نصر
بصراحة صعبت عليا العربية
لكن بردو هقولك لازم تكون مهتم بالعربية و مظبطها
يعنى انا اول مجبتها
-غيرت كل الفلاتر (بنزين + زيت + هوا)
-غيرت كل السيور (دينامو + كاتينه)
-غيرت كل الزيوت (ماتور + باكم + جير بوكس)
-غيرت طقم السيرفيس (بوجيهات + ابلاتين +كوندنسر)
-ربطت عفشة
-ظبطت التاكيهات + ظبط الكهربا + ظبط مسمار البنزين و الهوا فى الكاربراتير
-غيرت طقم المساعدين الخلفى علشان كان جايب اخره
-غيرت قواعد الماتور + قاعدة الفتيس
-غيرت ترموستات الرادياتير علشان كان محروق
-كشفت على الفرامل و غيرت ماستر فرامل العجلة الخلفية شمال علشان كان ضارب و الفرامل كانت خفيفة
-زيتت و شحمت عصاية الفتيس و بقت اخر حلاوة معايا
و لو فيه اى اسئلة فى اى حاجة من الحاجات دى انا موجود يا باشا
ال100 بتجي عادي وسعات اكثر كمان والحمدلله تمام مافيش مشكل مهم الاهتمام والصيانة الدوريه بتعاتها والله مستعان...
البوجيه او spark plug بيكون ليه راس عباره عن قطب موجب و سالب بينهم مسافه محدده (الموجب هو اللى ماشى مع المحور الطولى للبوجيه .. و السالب بيبقى الجزء المثنى )
بعدد الأجزاء المثنيه بيكون اسم البوجيه ( شمعه او 2 او .. )
البوجيه بيكون متثبت فى راس السلندر .. بيمر بين قطبينه السالب و الموجب فرق جهد جبار ( يقدر بالاف الفولتات .. قادم من الأسبراتير اللى بيكون جايبه اساسا من الموبينه .. اللى بتكون واخده ال 12 فولت بتوع البطاريه و تكبرهم للألاف )
طبعا فرق الجهد كبير جدا بيقدر يتغلب على مقاومه الفراغ بين القطبين و يمر التيار بينهم على شكل قوس كهربى ( شراره ) و دى هى اللى بتشعل مخلوط البنزين و الهواء ( فى السلندر )
كلما زاد عدد الشمعات كلما زادت كفاءه الأحتراق و قل الفاقد .. بالتالى هتحصل على احتراق اكفأ ( سحب افضل )
و الحقيقه من بعد ما غيرتهم معتقدش انى ممكن اجيب غيرهم .. الفرق يستاهل فعلا
للعلم .. جبت الأربعه مع بعض ماركه دينسو ب 60 جنيه .. و فى ماركات تانيه زى سبلليت فاير بس اغلى
اتمنى اكون افدتك يا ميدو فى الشرح السريع ده
و فاكس بقى استاذ دى احنا شباب زى بعض :satelite:
اطلاقا يا ميدو .. بالعكس ..
مشكور يا محنوشه
ايه مفيش ردود تاني و لا ايه فين اراء المستخدمين
انا عربيتى ماروتى 2008 وعملى فى شرم الشيخ انا بسافر بيها علطول انا سافرت بيه لحد دلوقتى حوالى عشر مات رايح جاى على فكرة انا مركب جنوط سبور مقاس 13 ومغير التابلوة اسبور العربية دى هايلة ياجماعة بجد. انا معايا عربية شيفرلية لانوس2009 وبرتاح اكتر فى الماروتى ز وحاليا بحاول اركب التكييف وعلى فكرة تركيب التكييف سهل وموجود فى الوكالة بتاع الماروتى موديل ماروتى 97..................................
انا مشيت 140 علي طريق مصر اسكندرية الصحراوي بتجري عادي بس مفيش ثبات او امان هو ده عيبها الوحيد بخلاف ده انا شايفها عربية تحفة في كل شي اقتصادية جدااا صغيرة علشان الزحمة بس متنفعش عائلية طبعااااا
يا ريت لو فيه امكانية تصور العربية علشان نشوف التابلوة الجديد وكمان تكلفة التغيير لو مفيش مانعاقتباس:
انا عربيتى ماروتى 2008 وعملى فى شرم الشيخ انا بسافر بيها علطول انا سافرت بيه لحد دلوقتى حوالى عشر مات رايح جاى على فكرة انا مركب جنوط سبور مقاس 13 ومغير التابلوة اسبور العربية دى هايلة ياجماعة بجد. انا معايا عربية شيفرلية لانوس2009 وبرتاح اكتر فى الماروتى ز وحاليا بحاول اركب التكييف وعلى فكرة تركيب التكييف سهل وموجود فى الوكالة بتاع الماروتى موديل ماروتى 97..................................
سؤال للأستاذ سبعاوى: طب ايه اللى يخلى ماروتى 2008 عاملة أقل من 4000 كم ماتعديش 90 كم من ساعة ما أشتريتها زيرو حتى الان؟ شكرا مقدما
انا معايا ماروتى 2008 عاملة 34 الف كم وبتجيب 120 عادى جدا على الدائرى
موديل 94 وبجيب الـ 100 كيلو بسهوله واخرها 120 وخدت بيها مشوار محترم من القاهرة دمياط بورسعيد الاسماعلية القاهرة
http://img104.herosh.com/2010/07/06/933612965.jpg
سهلةجدا بس خطر لازم تكون ماسكو كويس
أنا جبت 150 3 مرات مع العلم إنى منغير الماتور ل 2010 والعربية موديل 2000 بس ده كان على الدائرى بس لسه مسافرتش بيها لما أسافر أقولكوا أعتقد حتبقى الكفاءة أعلى والله المستعان
لا عادى هتعدى ال 100 بعد سنتين عادى جدا بس اصلا 100 كتير عليها (كأنك ماشى بعربيه دايو مثلا على 140 فتره كبيره)