توضيح من كيا مصر بخصوص السيارات المقلوبة

**msd86** · 24-05-2010 02:28 PM

المشاركة الأصلية كتبت بواسطة karim_monir

مستحيل سيارة تتباع خردة ترجع تتباع زيرو تاني
مستحيييييييييييييل
لازم يكون فيها حاجات تبين انها مش زيرو واللي بيشتري عربية ب 100 وشوية مش عبيط
ده كفاية ريحة بلاستيك الفابريكة وشكل الفرش
كفاية الابواب والمخادع والمزانق
التصليح والرش
مش ممكن الا لو واحد اعمى
-------
اما في حالة ان يشتريها موظف فا في الحالة دي هاتكون علقت نمر والشركة اخلت مسئوليتها
واكيد في عربيات عملت حوادث كتير ما يتشال لزق الفابريكة من عليها
ويبقي الشركة مالهاش ذنب ده ذنب انسان طماع ومخادع وده موجود في كل مكان

+1111111111111111
وإنت كمان نازل تجيب عربية كسر الزيرو يبقى لازم تفحص وترفع العربية لإن خلاس علقت نمرة وممكن يكون صاحبها مشيعها قبل كده.

**A.Saad** · 24-05-2010 02:32 PM

المشاركة الأصلية كتبت بواسطة eng/muhamad

اولا شكرا استاذ كريم على الخبر
ثانيا شركه كيا شركه محترمه و ده تصرف محترم اكيد بس فى حاجه
التاجر اللى هيشترى العربيه دى من المزاد مش ممكن هو اللى يصلحها و يبيعها على انها زيرو ممكن يكون هو عنده معرض او بالاتفاق مع معرض معين ( مجرد استفسار )

المفروض هيبعها بجواب مرور
او انه هيرخصها بجواب مرور

وماعتقدش توكيل زى كدة فى احترامه للعميل هيدى جواب مرور
الا لو التاجر زور مستندات بكدة
والتوكيل برده خارج الموضوع ده

**M.Osman** · 24-05-2010 02:34 PM

شكراً على التوضيح

مفيش وظيفة في كيا ؟؟
:d

**A.Saad** · 24-05-2010 03:17 PM

المشاركة الأصلية كتبت بواسطة eng/muhamad

كلام حضرتك سليم بس معلش فى مصر هنا مفيش قواعد و كل شئ جايز
انا شايف ان احسن حل ان التوكيل نفسه يفكك العربيات دى و يبيعها اجزاء او قطع غيار او باى طريقه او ان العربيات دى تعدم كليا زى ما بيحصل بره

+++1111

**badry78** · 24-05-2010 05:12 PM

المشاركة الأصلية كتبت بواسطة karim_monir

السلام عليكم ورحمه الله
تلقيت اليوم باكرا مكالمة هاتفية من مهندس خالد فارق مدير خدمة ما بعد البيع بتوكيل كيا مصر
وحيث انه تربطنى علاقة مودة طيبة بمهندس خالد فقد اخبرني انه اثناء تصفحة للمنتدى وخاصة قسم كيا لاحظ تساؤل العديد من الاعضاء حول مصير سيارات كيا التى انقلبت من اعلى التريلات
وافاد مهندس خالد ان شركة كيا شركة كبيرة ومسئوله عن تصرفاتها ولها اسم كبير بالسوق ولن تقوم باعادة اصلاح السيارات وانزالها السوق مرة اخرى لان هذا ليس اسلوبها وانه من السهل اكتشاف ذلك بسهولة
وان سياسة الشركة ان السيارات المحطمة كليا تباع خردة في مزاد علنى مثل مزاد التامين
وان السيارات التي يمكن اصلاحها يتم بيعها على حالها لموظفي التوكيل والعاملين به وهذا اجراء متبع لدي العديد من المصانع والتوكيلات

شكرا مهندس خالد فاروق على التوضيح
شكرا شركة كيا مصر
تحياتي
كريم منير
المنسق العام للمنتد

هو ده اللي يفرق بين شركة محترمة وشركة نص نص

المشاركة الأصلية كتبت بواسطة karim_monir

السلام عليكم ورحمه الله
تلقيت اليوم باكرا مكالمة هاتفية من مهندس خالد فارق مدير خدمة ما بعد البيع بتوكيل كيا مصر
وحيث انه تربطنى علاقة مودة طيبة بمهندس خالد

وانت يا كريم انا بدأت أقلق منك شكلك واصل والواحد يخاف يتكلم على كيا قدامك

**Ahmed Samy** · 24-05-2010 05:25 PM

شكرا لاهتمام المهندس خالد

للإزالة الشكوك من نفس الأعضاء "وأنا كنت واحد منهم"

**otefa** · 24-05-2010 05:35 PM

المشاركة الأصلية كتبت بواسطة eng/muhamad

كلام حضرتك سليم بس معلش فى مصر هنا مفيش قواعد و كل شئ جايز
انا شايف ان احسن حل ان التوكيل نفسه يفكك العربيات دى و يبيعها اجزاء او قطع غيار او باى طريقه او ان العربيات دى تعدم كليا زى ما بيحصل بره

+111111111111111111
تعدم كليا للابتعاد عن الشبهات .........وطبعا معمول حساب مفاجات وهالك زي كدة في الارباح.........والمفروض وأغلب الظن أنهم مأمنين علي نقل العربيات الي أتقلبت يعني هايخدوا تمنها مرة و1/2!.......وشكرا علي الخبر.