مبرووك ياباشا طب معندوش حاجات الباليو بتاعتي.. الي في الغالب هتبقى زي البترا
مبرووك ياباشا طب معندوش حاجات الباليو بتاعتي.. الي في الغالب هتبقى زي البترا
الاخ الفاضل كريبتون
أولا حمد لله على سلامتك و كل اللي ييجي في الفلوس لا يهم المهم أنه لم يصب او يتأذى أحد , على فكرة مع احترامي لرأيك لكن أنا شخصيا من عشاق فيات ووالدي و جدي من سنة 1948 منا أول ما جدي اشترى 1100 موديل 1948 و حتى ال 125 بتاعة والدي و التمبرا بتاعتي اللي شاريها من سنة .
مشلكلتك مع الفيات حلها بسيط أنك تصلحها بعيدا عن التوكيل أنا عايز أقولك حاجة أن التوكيل و الجمارك هم السبب في أنحدار شعبية فيات .
الدول الاوربية بدأت تنتبه لهذا الغزو الاسيوي الغير متكافئ مع منتجاتها بمصر و الشرق الاوسط و هي السوق الاقرب لاوروبا
بمتجاتها الرفيعة فبدأت في اجراءات رفع التعريفة الجمركية المتبادلة بين أوروبا و مصر .
بالمناسبة قطع الغيار التي يركبها التوكيل بيأخذها من الكيلاني لانه هو صاحب توكيل قطع الغيار الاصلية لفيات و الفاروميو و لا نشيا و أنا مرة رحت أصلح التكييف عند توكيل فيات اللي في الهرم
و لقيت كل الفواتير طالعة من الكيلاني و يومها أخذوا 300 جنيه و لم يمر شهر حتى كان التكييف يسرب و هواه سخن فرحت لورشة في الهرم عرفني بها الاخ تامر زلاباني و عملت طقم اصلاح للتكييف و من يومها
و التكييف ثلاجة و بنفس تكلفة الشحن عند التوكيل و أخذت عهد على نفسي ما أروحش لهم تاني لانهم حرامية و ما بيفهموش .
لو عايز نصيحتي في حالة حدوث لا قدر الله أي عطل مرة أخرى أشتري من الكيلاني و صلح العربية عن ميكانيكي كويس و امين تعرفه و سيبك من التوكيل و ساعتها هتحس بقيمة فيات و الاوروبي عموما .
يكفي أن السيارة الصيني التي خبطتك من الخلف تناثرت اربا اربا على الرصيف و في أخ تاني في المنتدى عمل حادثة بالجراند بونتو و العربية هلكت لكن هو طلع سليم لان الايرباج فتح في الوقت المناسب .
أنا برأيي أنه مع رفع التعريفة الجمركية عام 2019 يدبنا و يديك العمر سيتم تغيير توكيل فيات أو قبلها و ساعتها سترجع أمجاد فيات و بيجو مرة أخرى و سيرجع الصيني و الكوري لحجمه الطبيعي
اولا الف شكر لرد حضرتك و اهتمامك .
المشكلة فعلا اني مبروحش التوكيل اصلا ..
الضمان بتاع العربية كان سنة واحدة .. خلص .. عمري ماعتبت باب التوكيل و عمري ماشتريت منه حاجة غير مرة واحدة " طرمبة بنزين " .
انا مش بتكلم على توكيل او غير توكيل انا بتكلم .. حتى بصف عامة من عند الكيلاني .. قطع غيار سيارتي الاصلية اغلى من مثيلاتها في السعر بكتير .. مع انها سيارة المفروض مصممة لدول العالم التالت انها تكون اقتصادية ...
انا في 4 سنين من ساعة امتلاكها ( سيبك من الحوادث , دي بتحصل لاي سيارة )
مغير :
-ماستر دبرياج ( عيب صناعة بعد 3000 كم )
- تيل و طنابير ( 20 الف كم على حسابي )
- مساعدين امامين ( على حسابي 15 الف كم - طقوا ! بدون اي كسر او حفرة او غيره )
- طرمبة بنزين ( 30,000 كم - باظت لوحدها .. بيقولوا انها عيب بنزين لو اني اشك لان اعرف 3 بباليو و جراند بونتو غيروا طرمبة بنزين ) .
- اسطوانة دبرياج ( 40.000 كم .. ماشي ممكن نمشيها عيب مني انا في السواقة .. لو اني سقت قبلها 128 و لانسر لمدة سنة و اتباعوا من 5-6 سنين ولم يغيروا اسطوانة الدبرياج الى الان )
- تيل و طنابير تاني ( 45.000 كم على حسابي )
- بلية شداد و سير شداد ( المفروض يتغيروا عند صيانة ال 80 الف ... غيرتهم عند ال 50,000 علشان عاملين صوت عالي جدا ) .
- تيل تالت مرة ( 60 الف كم على حسابي )
- طرمبة بنزين تاني مرة ( مش فاكر كم .. حطيت بتاعة الانوس بدل بتاعتي ب 150 جنيه بدل 1000 جنيه .. وشغالة زي الفل من ساعتها )
- اسطوانة دبرياج تاني ( 70 الف كم و على كلام الميكانيكي .. لو 4 سواقين بيحرقوا بالعربية عمرهم مايجيبوا سطوانة في 30 الف كم ) .
----
طبعا الكلام ده كله غير صيانات ال 10 , 20 , 30 , 40 , 50 , 60 , 70 و ما اتدفع فيهم من صيانات و زيت و قطع غيار و غير اي حوادث .. و بطارية جديدة بعد سنتين .
واخيرا جات الحادثة دي قضت عليا بقى تماما !
و كل ده و انا عامل 77 الف كم .. و داخل على صيانة ال 80 الف !
و امال لو كنت عامل 120 - 140 ؟ كنت حعمل ايه ؟؟
ومع ذلك ! كنت بحب العربية جدا .. ومش ببخل عليها بحاجة .. و كل ماتتحك حتى كنت برشها و اظبطها من كتري حبي لها ..
و حتى قبل الحادث ده ب 5 ايام بالظبط .. غيرت الكاوتش و ركبت جنوط سبور 14 قلت يلا خلي شكلها ينضف .. و كنت ناوي اعمل فرش جلد كمان .
بس حاليا .. المفروض ان شاء الله استلمها انهاردة .. حتتركن تحت البيت ...
المدام بتعرف تسوق .. حتسوقها هيا بقى .. انا مش حستعملها الا في الضرورة فقط ..
اكتفيت بصراحة .
لو اني عارف لما استلمها ... مش حسكت .. و حصلح اي خدوش فيها .. و حجيب الجنط الي اتكسر .. و حروقها تاني .. و حنسى الي فات ... و بعدها بشهر حعمل نفس الموضوع تاني ... :)
ربنا يستر علينا و عليكم .
الف مبروك على التصليح يا باشا
ههههههههههههههههاقتباس:
لو اني عارف لما استلمها ... مش حسكت .. و حصلح اي خدوش فيها .. و حجيب الجنط الي اتكسر .. و حروقها تاني .. و حنسى الي فات ... و بعدها بشهر حعمل نفس الموضوع تاني ... :)
هي كده الفيات عشرة متعرفش تبعد عنها
ويا رب تتصلح على خير والحمد لله إنك سليم دي أهم ميزة في العربيات الأوروبي والفيات خصوصا
أنا برضو هاغير ماستر الدبرياج (عربيتى عاملة 34,000) , جبته بكام ؟
و غيرت تيل عند 20,000 و حاليا فى رعشة مع الفرامل ربنا يستر بقى فى الطنابير
و غيرت البطارية برضو من كام شهر
بس بيجيلى حالات غريبة , ساعات بحبها جدا و أصرف عليها و أظبطها و ساعات ببقى عايز أبيعها و أجيب حاجة تانية , هى الفيات كلها كدة ؟!
على فكرة والدى عنده أوبل فكترا 2001 عاملة 130,000 و لحد دلوقتى ماغيرلهاش غير تيل فرامل مرتين بس !!
انا اسف الى ما ال اليه توكيل فيات في مصر! من المعروف ان التوكيلات في مصر ربحها الاساسي من قطع الغيار التي تباع بضعف ثمنها لأن السيارات معروف سعرها و ضريبتها و هامش ربحها فعمره ما حيعرف يسرق فيها اخره فيها 10 او 15% من تمنها بس قطع الغيار لو حط 100% الناس برضه لازم تشتري يا اما يطلع بره الضمان اللي هوا عيره اساسا و ملوش لازمه