فكرة محترمة فعلا
ايه رأيك فى يوم 6/6
أو 7/6 ؟؟ على الاقل تكون الرجل خفت من المعرض و الدنيا بقت هادية و الواحد يعرف يتفرج براحته ؟
البتاع ده زى التهمه اساسا
سبحان الله ازاى اتلوى كده ؟؟ انا ما كنتش مركز امبارح من كتر التعب
حمد لله على سلامتك انت و المدام
لا حتى لو حبيعها حــرام حد يلبس فيها كدة .. و ممكن تتطقم ولا حاجة و تعمل مصيبة ...
امري الى الله .... 2500 جنيه في الهواء ...
شكرا يا نادر .
الله يسلمك ... الي يغيظك ان الي عمل فية كدة !
عربيي صيني !
البريلانس frv .
بس طبعا اشلاء عربيته مالية صلاح سالم ماشاء الله .. انا لقيت بواقي الطاسة بتاعته جوة عربيتي معرفش ازاي ....
iهههههههههههههههه
انا اسف بس هلكت من الضحك على تعليقك ربنا يصبرك هاحكيلك على موقفين يضحكوا شوية واحد زى بتاعك
انا عربيتى الاكسبدشن كنت ماشى بيها على طريق سريع من 15 يوم وبعدى سيارة نقل طويلة واسمع صوت انفجارين وصوت زجاع والعيال عندى بيصوتوا ركنت لقيت زجاج الباب الثانى والزجاج الامامى قطع الظاهر جه فيهم طوبتين من كاوتش السيارة النقل المهم ربنا سترها محدش اتعور المهم بقى رحت الوكالة اغير الزجاج كام بقى يا ريس 3700 و6200 ريال يعنى 15 الف جنيه زجاجتين بس وطقم زجاج السيارة بما يعادل 33000 بعد الخصم ههههههههه عرفت ان اسعار قطع الغيار بتاعت سيارتك ارخص من عندى ههههههه
الموقف الثانى حكاه ليا واحد صاحبى الاجازة اللى فاتت ابوه اشترى سيارة اسبرانزا تقريبا وكانت غالية مش فاكر نوعها بالظبط المهم بعد 5000 وكان ماشى 90 ضرب فرامل بقوة ايه اللى حصل على وصفه بيقولك لقى الطابلوه على رجله الطبلوه فك من الفرملة بدون اى صدمة ههههههههه
انا حكيتلك على الموقف اللى حصل لاهون عليك قليلا
شكر لرد حضرتك ..
بس لاحظ حضرتك راكب فورد اكسبدشن ( مش بحسد والله :) ) .. و دي تمنها جديد في مصر 825,000 جنيه .. يعني تقريبا مليون جنيه مصري ( بعد الجمارك ) .
يعني لو كان عندي واحدة و دفعت المبلغ ده في الزجاج .. مش حزعل :) حضحك !
انما انا عربيتي تمنها 68 الف جنيه ! لو دفعت الثمن ده في الزجاج .. ممكن يجيلي سكتة قلبية :)
و ربينا يسترها معانا و معاكم .. .
ربنا معاك وتخلص على خير ان شاء الله
شكلى كدة هغير تفكيرى وابعد عن اللينيا لانى ناوى اجيب عربية وماغيرش تانى ابدا
بص اولا - ربنا يصبرك علي اللي انت فية ويحلها عن قريب ان شاء الله
بعيد عن هجوم الناس علي الفيات ودفاع الاخرين انا شايف ان حضرتك من تجربتك الشخصية دي عكست فعلا مشكلة العربيات الاوروبية في الفئة المتوسطة
العربيات دي مصممة عشان تمشي في بلادها وتتصان صيانة بلادها
انا اول مرة اركب كوري في حياتي - وكنت خايف جدا منه لكن اقدر اقولك حاجة واحدة
حتشتري اوروبي يبقي خليك في الفئات العليا - مش بس عشان جودتها اكبر لكن عشان المبدا اللي انت قولت علية - عربية ب 400 الف جنية مش حزعل قوي لما اغير قطعة غيار ب 20 الف - مهي حترجعلي العربية تاني
حتشتري عربية فئة متوسطة او صغيرة - زي كل العععععععععععععععععععععال م (كوري او ياباني )
دة امريكا واوربا اتجاهم بالمثل
الاوروبي المتوسط ليس سيئ بل جيد لكن لا يسطيع حل معادلة (جودة - كماليات -اعتمادية -سعر - صيانة واسعار قطع غيار ) كما يفعلها الاسيوي في الفئة المتوسطة من 800 ال 1800 سي سي
انا لا اهاجم الاوروبي لكن اتمني ان كل ملاك الاوروبي المتوسط الحذر - العربيات دي محتاجة يتحسس عليها مش عشان مش حتستحمل لا - عشان حتزعلك لو فتحت بقها
فعلا فيات من اسوء التوكيلات فى مصر
قارن بين توكيل اسبيرنزا المنتشر فى كل مكان وبين اوماترا هتعرف الفرق
وفعلا دية حاجة غير معقولة عربيات قطع غيرها سعرها غير عادى اغلى من ماركات تانية سعر العربية فيها اغلى و جودة احسن مليون مرة
الراجل ده بيقول الكلام الصح يا شباب
السيارات الصغيرة اللى اقل من 1600 تجيبها كورى او ماليزى لان الغرض الاساسى من السيارات الصغيرة هو الاقتصادية فى الاستهلاك والتشغيل وهذا هو غرضها الاساسى وليس الكماليات والمنظرة يعنى ممكن نقول ان السيارات تحت 90000 الافضل اقتصاديا الكورى والماليزى
من 90-150 يابانى يعتبر جيدا رغم انى بصراحة لا ارى اى فرق بين اليابانى والكورى بالعكس الكورى جودته فى اخر 3 سنوات اعلى من اليابانى وممكن السيارات الاوروبى الصغير مثل فيات وبيجو ورينو
فوق 150 الى 250 السيارات 1600 وبها كماليات من الفئة الاعلى مثل الباسات وبى ام 316 كمثال
وبصراحة كل العربيات فى مصر سعرها سىء جدا الا القلة القليلة من السيارات زى الصنى مثلا
حاجة كمان ما تستعجلوش على الفخامة والاوربى بعد4-5 سنين الاوربى هيبقى فى الارض وباسعار بره كمان علشان الجمارك بتنزل 10% كل سنة يعنى بعد 3 سنين مثلا هتشترى مرسيدس 240 بثمن الباسات الان