ياريت يا يوكو تقولنا ايه الاخبار الحلوة دى عشان انا بجد مأجل استلام العربية من يوم الخميس اللى فات وبفكر اشوف عربية غيرها
أنت صحيح جبت من الأخر يا يوكو في موضوع التأمين
بس برضة خلينا نحسبها شوية ... مثلا انا ساكن في منطقة الجراجات فيها قليلة و بالتالي غالية، يعني حوالي 150 جنية في الشهر علي الأقل
حط عليهم بتاعهم بتاع 250 جنية تأمين .... يعني المجموع حوالي 400 جنية شهريا و انت لسة راكنها تحت البيت !
دة غير بقي زيوتك و بنزينك و سلطاتك و بابا غنوجك
انا مقدر حرقة الراجل، انا عندي تليفون أي ميت مرمي في البيت علشان مش لاقي بطارية لية محروق علية و كل ما اشوفة اودي وشي الناحية التانية ........ امال دية بقي عربية كل جنية فيها شقيان و طالع روحة بية و موفرة من لحمة الحي علشان يشتري نفسة من مرمطة و بهدلة المواصلات
بصراحة لازم بتوع حماية المستهلك يقفوا وقفة جادة مع التوكيلات الزبالة دية
يعني تروح منتدي فولكس تلاقي الناس بتلطم من التوكيل، شيفرولية نفس القصة، هنا الراجل بيصرخ اهو، و إن كان للحق أوماترا ميتقارنش في السوء بفولكس و شيفرولية
انا فاكر في مرة كنت في أوماترا و بسألهم علي الباليو و السيينا، قالولي مش حنزلهم تاني علشان فيهم مشاكل كتير ............... طب لما انتم عارفين نزلتوهم لية؟
و مش موفرين قطع غيار لية؟
و اهو البونتو كلاسيك الفترة الجاية حتنزل صربي، يعني حنبدأ تاني مع موديل جديد وجع القلب
اهههههههههههه يا كريم
انا كنت بشوف فعلا اسعار قطع غيار الفورد فوكاس اتصدمت !!
و عربية غالية مش رخيصة علي فكرة و حلوة مووووووووووت و رغم كدة سوقها مش ماشي برضة و قطع غيارها تقريبا نص الفيات !
زي برضة الفارق بين قطع غيار السكودا الإية 5 و الجيتا
رغم ان تقريبا الأتنين عربية واحدة، إنما قطع غيار السكودا حلوووووووووووة موووووووووووووت مقارنة بكل العربيات اللي في فئتها السعرية و تحديدا الجيتا
يعني شئ صادم لما تلاقي البونتو كلاسيك قطع غيارها أغلي من الأسكودا و الفورد فوكاس رغم انهم ضعف سعرها تقريبا !
[QUOTE=yoko;3872691716]حضرتك هتجيب أنهي عربيه!!! عشان الأخبار الجدية فيها حاجات جامده جدا
هجيب جراند بونتو باكيدج 2 مانيوال
انا حاجز ب 98000 بس قالى ان عالاستلام لو السعر زاد هدفع اكتر ولو قل هدفه اقل.
مش منتشرين نهائى
ابعد عن فيات نهائى الا اذا كان مش مهم عندك انك تصرف على العربية اى قطع غيار باى سعر عالى يقابلك
لكن لما تعوز عربية عملية متحملش مشاكلها عندك اليابانى والكورى ومنتشرين ومشاكلهم على الاقل حتلاقيها حل بدل محتقعد تلف وتدوخ على قطع الغيار
متبص دلوقتى ان قطع غيار الجراند والبرافو موجودين
بص بعد كام سنة والعربية لسه معاك هل حتكون قطع غيارها لسه موجودة ولا لا
واللى باين ان العربية بتنزل زيرو وموديل جديد بيوفروا قطع غيارها معاها (كأنها كلها شروة واحدة ) بعد كام سنة تدوخ على اى قطع غيار متلاقيش ودا دايما الملاحظ من فيات
خالى عنده فيات ماريا حلوة معاه مفيش مشاكل لكن لما بيحتاجلها اى حاجة بيدووووووخ عليها
من الاخر دماغك رايقة هات فيات
حاجة عملية ابعد عن فيات
مهوه ده خوفي وسبب حيرتي
اني لو جبت الجراند اعتقد هتقعد 5 سنين معايا سبعه بالكتييير وسعرها مناسبني
البرافو بقى لو جبتها هتقعد معايا كتيير بس هتزنقني في الفلووس قوووي وهزود بسببها فتره القسط كمان
فمش عارف
وخايف يحصل في البرافو حاجه لاقدر الله وماعرفش ادفع فلوسها لان كل الفلوس الي هتجيلي هتبقى رايحه في التقسيط فمش عارف هل التأمين بيظبط وهل مش هيظهر حاجه لحد ما القسط يخلص (من 5 ل 7 سنين) ولا هدبس
شكرا