و هل فى اى مرحلة ؟ و لا بعد الابتدائية فقط ؟
و هل فى اى مرحلة ؟ و لا بعد الابتدائية فقط ؟
بص ياباشا
بحكم خبرتي الفظيعه والمريعه كطالب لحد اولي كليه تجاره وبعدين هربت
علي ايامنا مكنش ينفع تحول بعد 6 ابتدائي
بمعني انك لو دخلت اعدادي خلاص كده ترشق في الحيط
انما سامع كده ان الموضوع ده اتعدل
وبقي ممكن من بعد اعدادي
والافضل تسأل في الاداره المركزيه بتاعت الازهر اللي في مدينه نصر احسن
او في المعهد نفسه اللي انتا تبعه
آآآآآآآآآآآآآآآآآآآآآآآآآ آآآآآآآآه انت جيت على الجرح ...... ازهر وتحويل ..... فكرتنى بالذى مضى ... انا لما دخلت الازهر حسيت انى دخلت حبس مؤبد وللأسف معرفتش احول
بس اعتقد الدنيا دلوقتى بقت احسن وخصوصا فى المراحل المبكره ممكن تحويل
يااااااااااااااه دا انتم من زمان اوى ...................مفيش مدرسين يدلونا بالنظام الجديد
??????????????????????
بص ياباشا
برضه بحكم خبرتي المريرة بالازهر :36_1_2[1]:
ليك لحد اولي اعدادي تخلصها وبعد كده تحول
بعد كده ما ينفعش بتاتا
يعني لو خلصت تانية اعدادي
بقيت ازهري مدي الحياة
واسئل برضه ممكن تكون في حاجة اتعدلت
بس ليه الكل بيشتكى من التعليم الازهرى... مفيش حتى حسنة انكم حفظتم حتى لو بضعة اجزاء من القرآن
ههههههههههههههههههههههههه هههههههههههههه
يااخي الحبيب
مانا خاتم القرءان كله في سنه سادسه
فاكر منه حاجه
لا طبعا
ليه
عشان كنا بنحفظ وخلاص
مش حبا في القرءان الكريم
مذاكره
يدوب تخلص
خلاص هوب الاجازه تيجي بح
مفيش حاجه
وبتطلع طفل معقد
وشكل الدراسه مؤرف وبتاخد حاجات عقيمه
وياريتك بتبقي فاهم حاجه
كلها حاجات من ما قبل التاريخ
عشان كده انا حدخل ابني ازهري لحد 6 ابتدائي
يحفظله شويه قرءان
ودين
يتأسس
وبعد كده علي بره
واشوفله بقي شيخ
يكون فعلا فاهم دين
اعرفه دينه صح
مش فتي
انتا تعرف انا كنت مذهب شافعي
وكنا بناخد ان الابره تفطر في نهار رمضان
وفضلت كده سنه
واما جت سألتني واحده قريبتنا قلتلها تفطر
واتضح بعد كده ان الائمه الثلاثه متفقين بالاجماع ان الابره لا تفطر في نهار رمضان ما لم تكن فيتامين
عدا الامام الشافعي
ساعتها عرفت ان من اكبر الاخطاء
انك تدخل ابنك ازهر
غير بقي انه بيخلص ثانويه عامه
تحس انه صفيحه زباله
شخصيه منكره من جميع اللي حواليه من كليات
انا كنت عاوز اخرج بره الازهر
وبحاول بقي اقدم علي كليه خاصه
مودرن متاخدش
جميع معاهد وكليات التجمع الخامس وكل الكليات الخاصه والحكوميه والمعاهد متقبلكش
ياخد دبلوم صنايع ودبلوم فني تجاري ومياخدش ثانوي ازهري
ياسلام
طب ليه يعني
علي اساس ايه
عملت ايه في حياتي
عشان دخلت ازهر
يطلع عيني في التحويل
متسبوها مفتوحه
اللي عاوز يخش الازهر يخش والي عاوز يطلع منه يطلع
علي الاقل اللي بيخشه بيخشه عشان حيبقي بيحبه
واعملوا الاختبارات الدينيه اللي انتو عاوزينها
وتضمنوا ان الطلبه اللي معاكو حبين الكليه مش غصب
ثانيا بقي
نظام الكليه
يعني هل عشان انا فلاح ابقي مش نضيف
؟؟
هل عشان انا فقير ابقي مش مهندم
؟؟
طبعا الموضوع ده علي مستوي الجامعات الحكوميه كلها
بس في الازهر باين اوي اوي
ليه بقي
اولا الجامعه مفيهاش بنات
وبالتالي الولاد اصلا اللي حيهتم بنفسه عشان حتي بنت عاجباه عاوز يبان قدامها انه واد شيك مفيش
وبالتالي قاعد وسط ولاد بقي فعادي
ثانيا باب المدينه الجامعيه لازق في باب الكليه
وبالتالي تلاقي البيه نازل بالشبشب ياخد المحاضره وطالع تاني
واللي بالجلابيه
ناقص ينزلوا بالبيجامات
يعني صراحه كأبه نفسيه من جميع النواحي وده اللي خلاني امشي من الكليه دي واشتري نفسي بفلوسي
ده غير المشاكل العاديه اللي في اي جامعه
كوسه ودكاتره بتنجح بالمروحه
وتذاكر تسقط تغش تجيب مجموع
وحاجات كده
يعني الواحد شايل ومعبي
الحسنه الوحيده انك متبقاش معاق دينيا زي اللي تعليمهم عادي
يعني انا كنت اكتر واحد في قرايبي فاهم صلاه وصوم وحرام وحلال
لاني كنت بذاكر مواد شرعيه ونجاح وسقوط
والفقه لوحده والسيره لوحدها
انما الثانويه العامه العاديه الدين فيها شامل ومعليهوش نجاح وسقوط
وبالتالي مبيفرقش مع الطالب
دي الحسنه الوحيده
انما مقابل السيئات الكتير اللي فيه
بلاش منه
لاء الحمد لله انا شايف ان الحسنة من الازهر
حفظي القرءان
وحتي الي نسيته منه بيبقي سهل احفظه تاني مش بجد صعوبة زي اي حد مبتديء
وكمان حتي لما احب اختم المصحف في رمضان بتبقي قراءته اسهل ليا من الي بيقرا من غير حفظ
دا بجانب ان الواحد بقي عارف دينه كويس وفاهم فيه حتي لو كانت اساسيات بحيث لو انت احتجت حاجة تعرف تدور وتلاقي المعلومة الصح
+11111111111111
معاك في كلامك بخصوص الجامعة
والله مش عاوز اقعد احكي قصص علشان ما اكرهش الناس الي هنا في الازهر
:36_7_7[1]:
ههههههههههههه
تبقي دخلت مدرج تجاره ياحج عبده
هههههههههههههههههههه