اقتباس:
المشاركة الأصلية كتبت بواسطة funnymickey
يا راجل ده انت شردتنا فى الارض :C_laugh[1]: , بص معلش خلينى ارد على كلامك جزء جزء وانت من كلامك هتعرف انك مميز بجد علشان ازهرى
اقتباس:
يااخي الحبيب
مانا خاتم القرءان كله في سنه سادسه
فاكر منه حاجه
لا طبعا
ليه
عشان كنا بنحفظ وخلاص
مش حبا في القرءان الكريم
مذاكره
يدوب تخلص
خلاص هوب الاجازه تيجي بح
مفيش حاجه
طيب على الاقل ختمت القران , لما تحب تحفظه تانى هتلاقيه محفور فى دماغك صدقنى ويسترجع بسهوله بس انت بس جرب كدا تجيب اى جزء وتحفظه هتلاقى نفسك شايف الكلام فى دماغك وسابق عينيك
احنا صحيح غلطنا غلطه عمرنا ان محافظناش على الحفظ بس اهى غلطه ممكن تتصحح , غيرك مسلم وخريج مدارس حكوميه اقسم بالله قد كده فى السن ومش بيعرف يقرأ القران صح
يبقى انت مميز ولا لا ؟
اقتباس:
وبتطلع طفل معقد
وشكل الدراسه مؤرف وبتاخد حاجات عقيمه
وياريتك بتبقي فاهم حاجه
كلها حاجات من ما قبل التاريخ
يا راجل حد يقول على دراسه الدين دراسه عقيمه !! , ده كلام برده
كتب زمان وما قبل التاريخ دى هى كتب الدين ودى طبعا مفيهاش دين حديث وقديم وعلشان الجديد ماشى فى سكه مش كلها على الدين الحق يبقى الاسلم تعلم الدين من كتب السلف اللى كان فيها الخلاف للوصول للحق مش لكسب محبه الناس وترييحهم
كتب الادب واللغه القديمه فيها من الدسامه ما يجعلك على القدر اللى انت فيه دلوقتى من حب اللغه وفهمها وكفايه انك تعرف علوم الادب وقرأت فيها غيرك مبيعرفش يكتب العاميه من غير غلطات املائيه وهو ما شاء الله راجل مالى مركزه
يبقى انت مميز ولا لا ؟
اقتباس:
عشان كده انا حدخل ابني ازهري لحد 6 ابتدائي
يحفظله شويه قرءان
ودين
يتأسس
وبعد كده علي بره
واشوفله بقي شيخ
يكون فعلا فاهم دين
اعرفه دينه صح
مش فتي
وليه ميكونش بيحفظ فى المعهد ومعاه شيخ يتابع معاه , كدا تبقى انت صححت غلطتنا اننا نسينا بعد ما تركنا الدراسه ويبقى من كل علم بياخد نصيبه بدل ما الشيخ اللى برا يحفظه قران بس واكيد الشيخ ده مش هيحفظه قران ويعلمه فقه و نحو و صرف و بلاغه و توحيد وسيره وادب زى ما بيتعلم فى المعهد
يبقى برده انت كدا خسرت ابنك علم كتير هو احق بيه فى دنيته واخرته
اقتباس:
انتا تعرف انا كنت مذهب شافعي
وكنا بناخد ان الابره تفطر في نهار رمضان
وفضلت كده سنه
واما جت سألتني واحده قريبتنا قلتلها تفطر
واتضح بعد كده ان الائمه الثلاثه متفقين بالاجماع ان الابره لا تفطر في نهار رمضان ما لم تكن فيتامين
عدا الامام الشافعي
ساعتها عرفت ان من اكبر الاخطاء
انك تدخل ابنك ازهر
اهو دول بقا احسن كلمتين يثبتو انك مميز , مبقاش ببالغ لو قولت ان 40% من المسلمين ميعرفوش مين الائمه ؟ ويعنى ايه خلاف ؟ وايه الهدف منه ؟ وفين الدليل والحجه ويعنى ايه حكم
انت عارف وليك كمان مذهب مغلطتش لما قولتلها الحكم بس احنا اتعودنا ناخد الحكم وخلاص منسمعش كل الاراء ونلتزم بمذهب
وبالمناسبه انت مغلطتش لما قولتلها كدا انت استندت على رأى إمام من الائمه الاربعه مش حد قليل فى الدين
يبقى انت برده مميز ولا لا ؟
اقتباس:
غير بقي انه بيخلص ثانويه عامه
تحس انه صفيحه زباله
يا راجل حرام عليك , ليه بس كدا هو ده جزاه اللى اتعلم فى الازهر الشريف اللى الناس بتجيله من شتى بقاع الارض تتعلم منه الدين واللغه العربيه
بقا فى وسط مجتمع يسوده الفساد اسمه صفيحه زباله !!!!!! , قد يكون الازهرى مكروه زى ما انت بتقول ومش عارف بصراحه ايه اللى حصل معاك اثبت لك كدا بس انا اهه ازهرى الحمد لله دخلت اكبر شركات واشتغلت فى اماكن كتير وفى جامعه خاصه وليا اصحاب من كل شكل ولون وعمرى ابدا ما قابلت حد كرهنى علشان ازهرى
وليا اصدقاء كتير فى مراكز مرموقه من شركات كبيره قوى وخريجين ازهر
اقتباس:
شخصيه منكره من جميع اللي حواليه من كليات
انا كنت عاوز اخرج بره الازهر
وبحاول بقي اقدم علي كليه خاصه
مودرن متاخدش
جميع معاهد وكليات التجمع الخامس وكل الكليات الخاصه والحكوميه والمعاهد متقبلكش
ياخد دبلوم صنايع ودبلوم فني تجاري ومياخدش ثانوي ازهري
مين قال ؟ , مودرن بتاخد ازهر انا ليا اصحاب هناك ولو انها اساسا مش المكان اللى يتشرف بدخول الازهريه فيه يعنى مستواها اقل ما يكون
وليا اصحاب ازهريه فى جامعات خاصه كتير وكبيره ومشوفتش مانع من الجامعات دى فى قبول طلبه الازهر , يمكن هما جامعتين ثلاثه بأدارات اجنبيه لا تقبل خريجى الازهر ودى سياسه برا لمعاداه التوجه الاسلامى بشكل عام مش الازهر نفسه
اقتباس:
متسبوها مفتوحه
اللي عاوز يخش الازهر يخش والي عاوز يطلع منه يطلع
علي الاقل اللي بيخشه بيخشه عشان حيبقي بيحبه
واعملوا الاختبارات الدينيه اللي انتو عاوزينها
طالب الازهر تعليمه يختلف كليا عن طالب المدارس الحكومه , احنا بناخد كل المواد بتاعتهم بس هما مبياخدوش اى حاجه زياده من اللى بناخدها
يبقى انا ينفع اروح لهم سهل لكن انقل من حكومه لأزهر صعب لانى اساسا مش متأسس على نفس النهج بتاع طلبه الازهر ومع ذلك التحويل متاح حسب ما اعرف وشوفت ناس حولت بس شروطه صعبه قوى وده طبعا من حق الازهر ميبقاش طالب كان بياخد صف مواد فى اعدادى يصل ل 16 ماده وبتاع الحكومه بياخد 8 بس وفى الاخر يتساوى بيا ويحول عندى فى ثانوى ويستفاد بالمجموع القليل وخلاص
دى حاجه اساسا موجوده فى اى مؤسسه تعليميه نظامها يختلف عمن حولها
اقتباس:
يعني هل عشان انا فلاح ابقي مش نضيف
؟؟
هل عشان انا فقير ابقي مش مهندم
؟؟
طبعا الموضوع ده علي مستوي الجامعات الحكوميه كلها
بس في الازهر باين اوي اوي
ليه بقي
اولا الجامعه مفيهاش بنات
وبالتالي الولاد اصلا اللي حيهتم بنفسه عشان حتي بنت عاجباه عاوز يبان قدامها انه واد شيك مفيش
وبالتالي قاعد وسط ولاد بقي فعادي
ثانيا باب المدينه الجامعيه لازق في باب الكليه
وبالتالي تلاقي البيه نازل بالشبشب ياخد المحاضره وطالع تاني
واللي بالجلابيه
ناقص ينزلوا بالبيجامات
يعني صراحه كأبه نفسيه من جميع النواحي وده اللي خلاني امشي من الكليه دي واشتري نفسي بفلوسي
ههههههههههههههههههه , مع ان الفلاحين زى الفل يعنى مش بالجلابيه الرمادى والطاقيه البنى اللى قرفونا بيها فى المسلسلات دى بس صدقنى المنظر ده فى كل جامعات مصر ومش باين فى الازهر قوى غير علشان انك بس كل اللى معاك بنين فالجو مخنوق قوى مفيش حاجه تطرى المدرج وتجيب طراوه :S_thum1[1]:
الناس مش مهتمه بلبسها بس ده ايه علاقه الازهر كمؤسسه تعليميه بيه ؟ , دى مشكله بنى ادمين ولو كان بالمثل فى القاهره ولا عين شمس مكنتش هتقدر تقوله متدخلش كدا الجامعه يعنى
وبعدين انا كنت فى تجاره ازهر على فكره بس حولت منها من قبل ما ادخلها لكن رحت اتفرج كدا مره مكنش بالبشاعه دى يا راجل صحيح موجود بس يتعد على الصوابع
وخلى بالك ان الظروف صعبه على شاب زى ده سايب اهله وظروفه صعبه ومتشحطط علشان العلم ويمكن مظهره مش فارق معاه فى حاجه علشان هو كل دماغه فى العلم , بدليل ان الناس دى دايما اوائل الدفعات
اقتباس:
الحسنه الوحيده انك متبقاش معاق دينيا زي اللي تعليمهم عادي
يعني انا كنت اكتر واحد في قرايبي فاهم صلاه وصوم وحرام وحلال
لاني كنت بذاكر مواد شرعيه ونجاح وسقوط
والفقه لوحده والسيره لوحدها
انا شايف ان دى بس كدا تكفى انك تدخل ابنك ازهر , شوف هتغير حياته ازاى وهتخليه مسلم فاهم دينه ازاى
هتحطه على الطريق اللى يبقى فيه الابن البار اللى يعرف حقوق والديه عليه علشان يشيلك فى الكبر
وهتخليه الشاب المسلم التقى اللى يشفع لاهله يوم القيامه ويكون تربيتك ليه وصلاحه سبب فى دخولك الجنه
انت بتضع ابنك على طريق الجنه ودى كفايه قوى فى حسم القرار