نصيحه لكل اخواتي الي هيجيبو عربيه زيرو او جابو ولسه مارخصوش

**bassemforever** · 24-05-2010 04:56 PM

احب اقولكم حاجة انا اول مجبت العربية وقبل مارخصها شلت الورق والاكياس الى جوا الى على الكراسي طبعا فى ناس بتعتبرها جريمة :) دة الطبيعي والصح انك تشيلها لان دول معملوين علشان العربية متتشحن متتجرحش او تتبهدل ولما حد يشوفها فى المعرض ولو خليتهم مع الشمس والحرارة هتخلى اللزق الى فى الورق دة يسبت اكتر ويبقى شيله صعب بعد كدة وبعدين اية كيف الناس فى الاكياس الى على الكراسي الى تخلى الواحد يتزحلق ويتحر وبالمناسبة انا بكرة برضو الى يعمل على الريموت او الموبيل جراب وكيس بلاستك استعملوا الحاجة كما هيا الا لو فى ظروف خاصة زى اطفال مثلا ممكن تركب كسوة لحد ميكبروا شوية وبرضو لو مش محتاجها متركبهاش اسمتع بالفرش بتاع العربية الى انت دافع تمنه وميتبهدل ابقى اشترى كسوة :) وطبعا دى وجهات نظر

**yasserelsayad** · 24-05-2010 05:13 PM

المشاركة الأصلية كتبت بواسطة bassemforever

احب اقولكم حاجة انا اول مجبت العربية وقبل مارخصها شلت الورق والاكياس الى جوا الى على الكراسي طبعا فى ناس بتعتبرها جريمة :) دة الطبيعي والصح انك تشيلها لان دول معملوين علشان العربية متتشحن متتجرحش او تتبهدل ولما حد يشوفها فى المعرض ولو خليتهم مع الشمس والحرارة هتخلى اللزق الى فى الورق دة يسبت اكتر ويبقى شيله صعب بعد كدة وبعدين اية كيف الناس فى الاكياس الى على الكراسي الى تخلى الواحد يتزحلق ويتحر وبالمناسبة انا بكرة برضو الى يعمل على الريموت او الموبيل جراب وكيس بلاستك استعملوا الحاجة كما هيا الا لو فى ظروف خاصة زى اطفال مثلا ممكن تركب كسوة لحد ميكبروا شوية وبرضو لو مش محتاجها متركبهاش اسمتع بالفرش بتاع العربية الى انت دافع تمنه وميتبهدل ابقى اشترى كسوة :) وطبعا دى وجهات نظر

انا فى التوكيل خليتهم يشيلوا كل حاجة بتبقى ملزوقة برا على العربية والبلاستيك اللى جوا على الفرش والحاجات اللى كانت ملزوقة على الكاسيت والعدادات .. اصلا لما قلت ليهم كدا كانوا مستغربين جدا :) وتقريبا انا الوحيد اللى مشيت والعربية مش عليها بلاستيك خالص من الناس اللى كانت بتستلم معايا .. دا فى ناس سابت البلاستيك اللى كان على الجنط

**mostafa_alaa16** · 24-05-2010 05:45 PM

حصل معايا نفس الشىء فى اسكندريه - واحد ضابط هناك راسه وألف سيف يقطع كل الورق مع انى كنت رخصت خلاص وطالع ..... منه لله !!!!!

**simon659** · 24-05-2010 06:19 PM

يا استاز احمد سامي انا مش زعلان اني شلت الورق انا زعلان علي الطريقه الي كان بيشيل بيها هو كان قلي شيل اللزق كنت هؤله عنيا الاصول ان ده لزق ويتشال بشويش وشويه مراعيه انما عارف ده كان بيشد طرف من اللزق ويروح جاي واخده مره واحده وكمان يستأزن علي الاقل في زوق دي ناس معندهاش امانه فعلن وبأمانه بخاف ادي اي حد حاجه يعملي فيها الخضرا الشريفه ويعملولي اماثل في المرور والله لو كان طلب 100 كنت هديهاله واعميه ولا كانش عمل كده
بس اؤل حاجه الظابط قلي روح اعمل البصمه فا في اتنين بتوع باصمه لاقيت الاتنين سابو الي معاهم وجريو يعملو العربيه فا بعد طول نقاش واحد مش لما رفع بصمه الماتور والشاسيه فا ده طول عمري بديل بصراحهه 2 جنيه هما اسمهم شاي النهردا اديته 10 جنيه فا بيؤلي ايه انا طول الوقت اقلك ياباشا ياباشا وتديني عشره جنيه انا مش هسيبك الا بخمسين جنيهمصدق انا بس عاوز اعرف ليه لما حد بيبقي معاه عربيه جميله او حاجه جميله بتستكترها عليه هو الادب والاصول عند الناس راحو فين يالله لينا رب اسمه كريم احسن من ده كله ده هو المهون وشكرا بس يا جماعه انتو اخواتي وبجد ارتحت لما اتكلمت معاكي بس خدو بالكو لما تجددو ومرسي ليكو

**moataz-shaheen** · 24-05-2010 08:33 PM

رب اسمه الكريم برجاء التصحيح

**أحمد كمال** · 24-05-2010 09:25 PM

الاخوة اللي متضايقين من شيل الورق

ممكن حد يفهمني ايه النقطة من ترك الورق على عربية علقت نمر خلاص و اترخصت؟؟؟؟؟؟

بصراحة و بدون زعل انا باشوفها انها احداث .....

انا شخصيا ما باخرجش من المعرض بالورق اصلا !

**NoRmAl** · 24-05-2010 09:43 PM

المشاركة الأصلية كتبت بواسطة أحمد كمال

الاخوة اللي متضايقين من شيل الورق

ممكن حد يفهمني ايه النقطة من ترك الورق على عربية علقت نمر خلاص و اترخصت؟؟؟؟؟؟

بصراحة و بدون زعل انا باشوفها انها احداث .....

انا شخصيا ما باخرجش من المعرض بالورق اصلا !

حتى لو واحد بيحب يسيب الورق
مش من حقه أنه هو الى يشيله بنفسه
أحنا مش بصدد مناقشه نسيب الورق ولا نشيله
أحنا بصدد الحاجه الى مش بتاعتك متمدش إيدك عليها
لأنها مش بتاعتك