هو المواخر كم الان لانى بسمع ارقام غريبه شويه
عرض للطباعة
هو المواخر كم الان لانى بسمع ارقام غريبه شويه
15 و متزودش عن كدا
على فكرة
المؤخر دين عليك حتى لو ما طلقتش و لا اتوفيت قبلها
يبقى لازم تكتب رقم حنين
مش فاهـــــم!
مش فاهم ايه بالظبط؟
ازاي بيكون دين عليك ؟؟
شوف يا سيدي
انت كتبت مؤخر مثلا 100 الف جنيه
ده دين عليك لزوجتك
تديهولها بعد الدخلة بيوم
بيومين
بسنة
بعشرة
مرة واحدة او قسط
ده دين عليك
سواء هتطلق او تموت و لا لأ
و ده شرع ربنا
و لو متت قبل ما تديهولها
مثلا تركتك مليون
تاخد هي ال 100 الف الاول خالصة مخلصة لا يشاركها فيه احد ..... زي اي واحد ما يموت و عليه دين الديون تتصرف قبل التوزيع
و بعد كده ال 900 الف الفاضلين يتوزعوا عالورثة - و هي منهم - و تاخد نصيبها من الورث
طيب نفترض هي ماتت قبلك؟
يبقى ال 100 الف يتوزعوا عالورثة الشرعيين و انت منهم ......
شكراً يا باشا عالتوضيح :)
طبعاً هو دين , لكن المبلغ بيختلف من مكان لمكان , و احياناً بيختلف طبقاً لمستوى العائلة في نفس المكان ,
فيه ناس بتكتب من 5 آلاف الى 50 ألف ......
بالكتير قوى 15 وماتزودش عن كده
هي الناس بتتحجج بالمأذون عشان ميزودوش فلمؤخر
سمايل خبيث
بس فالاول وفالاخر دا بالاتفاق بين الطرفين
مش مسالة مأذون
بس ده دين عليا
يعني اكتب على نفسي دين انا مش قده ليه؟
و اي اب و ام - سوري في الكلمة - هبل و عبط لو فاهمين ان المؤخر هيربط بنتهم بجوزها
اللي عايز يكفر سيئات واحدة و يخليها تقول له طلقني و مش عايزة غير الطقم اللي انا لابساه عليا دلوقتي يقدر !!!!
أول مرة اعرف انه دين عالعموم الف شكر ليكو يارجالة على المعلومات الجامدة ده.......
لسه فاكر كان زمااااااااااااااااااااااا اااااااااااااااااناقتباس:
اللي عايز يكفر سيئات واحدة و يخليها تقول له طلقني و مش عايزة غير الطقم اللي انا لابساه عليا دلوقتي يقدر !!!!
سمايل واحد مفتري
بهزر طبعا
اكيد عندك حق
مش الفلوس اللي هتطمن لناس علي بنتهم مع واحد ميستاهلش بس كاتب مؤخر كبير
اللي الناس مش فاهماه واتهريت تدوير عليه عشان حماتي كانوا عاوزيني اكتب مؤخر كبير وقايمه
وانا رفضت
من خلال بقي بحثي عن الفتاوي اتضح لي الاتي
ان المؤخر معمول عشان التيسير علي العريس
فمثلا لو ابو العروسه اتفق معاه انه يدفع 10 جنيه مهر
والمهر حق للعروسه لا يجوز الزواج من غيره
فقال العريس انا مش حقدر ادفع المبلغ ده كله
طيب ايه الحل
تبوظ الجوازه؟؟
لا
يدفع مثلا العريس 5 مقدم
وال5 الفاضلين يتكتبوا عليه مؤخر
وده دين عليه
يفضل متعلق في رقبته طول حياته
وينتهي الدين بحلول احد الاجلين
يااما يسدد
يااماا يتوفي
وزي ما ذكر احمد قبل كده
لو توفي هوا يقتطع المؤخر من التركه الاول
وبعدين يتوزع باقي الميراث حسب الشرع وتورث هيا في الباقي بردو
ولو مدفعش المؤخر
يعتبر دين عليه يحاسب عليه يوم القيامه
نيجي بقي للنقطه المهمه جدا واللي حتخلي كل واحد يفكر مليون مره قبل ما ياخد الخطوه دي
فيه شباب ناصحه وفاكره نفسها حلوه
يقولك ايه
انا اكتبلهم المؤخر اللي هما عاوزينه
ويوم ما يحصل حاجه
زي ماابو كمال قال كده
يطلع عين اهل العروسه لحد ما تتنازل
اللي واخد النيه دي
يعتبر عقد الزواج باطل
وكل حياته معاها تقع في ميزان سيئاته زنا والعياذ بالله
كل ده بالنيه بس
نيته كانت ايه
فاياك اياك
تاخد النيه دي وتقول ياعم اكتب 100 الف
ما كده كده مش حدفعهم
نفس الحكايه بردو
يعتبر عقد الزواج باطل
لان النيه فاسده
واصل الشئ النيه
لازم التنازل بالرضااااا
يعني الزوجه تتنازل
ميغصبهاش
وبالتالي هيا بردو متستهبلش
وتقولك انا اتنازل دلوقتي
يحصل مشكله ويطلق
تقوله المؤخر
مش اتنازلتي
لا متنازلتش
النيه النيه النيه
+1111111111111111
فعلا المؤخر دين في رقبة الزوج وجب سداده في حياته ومماته
الحمد لله سددته لزوجتي وهي قريبتي والحمد لله ايضا كنت كاتب المهر 1001 جنيه الحال منه 1جنيه المؤخر 1000جنيه وكاتب قائمة منقولات بـ 50000 جنيه على الرغم ان انا الى جايب كل حاجة من الابرة للصاروخ بس الوالد الله يرحمه هو الى صمم على القائمة عشان يربطني قال :prove:
ايضا من المعروف في فترة ما كتبت كتابي من 12 سنة ان المأذون بياخد 10% من المؤخر معرفش المعلومة دي صح ولا غلط
للتوضيح كمان
المؤخر ما هو إلا عادة
بمعنى ممكن مايكنش فيه مؤخر أصلا
وأراه نوع من التحايل وجد للأسف بسبب أختلاف الموازين في أختيار الزوج الصالح
وكأن المال كل شئ في العلاقة الأجتماعية (وكأنك بتشتري عربية تقسيط)
المؤخر عبارة عن باقي المهر شرعا
يعني مثلا لو دفعت مهر 10 جنيه وكتبت مؤخر 10 جنيه
يبقى المهر كله 20 جنيه واجب دفعهم
واللي خلاك تدفع 10 في الأول لأنك متعسر مادياً لا أكتر
وربنا يتوب على المسلمين من الموازين المختلة والبعد عن القواعد المسنونة من عند نبينا عليه أفضل الصلاة والتسليم
نصيحة لكل شاب مقدم على الزواج ولا تكتب مؤخر كبير ولا تكتب في القايمة غير اللي اتجاب فعلا
انا مش فاكر انا كاتب مؤخرك كام اصلا
بس طالما انا متفق علي المهر ودفعته كله يبقي هنا بقي المؤخر ده ملوش معني - صح ولا ايه؟
لاني بصراحه مكنتش اعرف موضوع الموخر ده ولا حتي اهلي يعرفوه بالمعني ده
عندنا الناس بتقولك اكتب اي حاجه عشان ان شاء الله كده كده مش هيطلقو بس برده بتبقي حاجات بسيطه لا تتجاوز ال 5 الاف
انا شايف انه حاجه ملهاش لزمه لان ده دين لابد ان يدفع فى حياتى او قبل تقسيم التركة بعد وفاتى
انا عرض الموضوع ده لانى لسه وقفت جوازه لان ابو العروسه طلب مواخر 25 الف وانا كنت قلت من 10 الى 15 لكن 25 قلت لا اسف وبازت الجوازه على كده
الواحد يتزوج اجنبيه ويح دماغه من طمع الاهالى الذين يتاجرون ويتشرطون فى زواج بناتهم
يا جماعة والله مش فارقه 15 20 25 فعلا هي على حسب المستوى الإجتماعي ودي مسألة عادات وتقاليد عندنا في مجتمعنا طالما انت شاري خلاص مش مشكلة الا لو حسيت فعلا ان انت مناسب ناس مش كويسه وطماعة حتى لو كان كده هما مالهمش حاجه بعد كده عندك بس طالما البنت تستحق وكويسه مش مشكله فاظفر بذات الدين تربت يداك ودي بقت قليله قوي اليومين دول
اجمل حاجه ان الناس تتفق على شروط الطلاق قبل الجواز
بلد مستفزه فى كل حاجه
طالما بتتكلم على المؤخر اتكلم على القايمه
بص هو الست ممكن تخرجك انت منها بالطقم اللى عليك - احمد كمال لسه متفرج على بين القصرين امبارح و متأثر بيه
الستات قويين و مايقدرش عليهم غير واحد مفترى
وبالنسيه لموضوع القايمه انا مش عارف الناس بتفكر ازاي يعني تامنوني على بنتكم وخايفين على حبه خشب -تفكير غريب -
في حين انا سمعت عن ناس من كتر الراجل بيعملو في بنتهم ناقص يبوسو رجلو ويديلو فلوس كمان في سبيل انه يطلقها
انا مش عارف الناس دي بتوع القايمه والمؤخر الكبير بتحسبها ازاي هيه بنتهم سلعه اللي يدفع اكتر يشيل - فاكرين انه كده شاري- طيب ما هو سهل يشتري وسهل يبيع . ما يعرضوها احسن في سوق العبيد !!!!
خلي بالك المؤخر والقايمه والحاجات ديه كلام فارغ وبيعمل مشاكل وخلاص يعني لو اتنين متفقين مش هيفرق معاهم الكلام ده سواء بالزياده أو بالنقصان ... هيه المشكله الوحيده في المؤخر إنه بيتحسب عليه أجرة المأذون اللي ساعات بتبقى عاليه جدا فأنصح أي حد إنه يكتب الكتاب في مسجد السلام لإنه أجرة المأذون هناك 20 جنيه على كل ألف مؤخر
بمناسبة المهر والمؤخر
حكى لى صديق من الرياض قصة حدثت بخصوص المهر فى أحد العائلات الثرية بالمملكة
وهى متداولة ومنقولة حاليا بمعظم المنتديات
أنقلها للتروى حين تحديد المهر والمؤخر
تقدم شاب لخطبة فتاة … فلما وجد الأب فيه الصفات المناسبة طلب منه مهر ريال واحد سعودي فقط !!!
قال الأب : نحن نشتري رجل ولا يهمنا المال
وبعد أن تم الزواج كانت هناك حركة يقوم بها الزوج دوما على سبيل المزاح، كان كلما اشترى الرجل
علبة بيبسي يقول لحرمته : أنت والقواطي نفس الشيء كلكم بريال، والزوجة مقهورة وتكتم غيظها.
مرة طلعوا يتمشون واشترى بيبسي قال لها : تخيلي سعر البيبسي نفس سعر للمهر !!
طفح الكيل .... طلبت الحرمة تزور أهلها واشتكت هناك لأهلها من زوجها قائلة: أرخصتم مهري
فأرخص قدري
عصّب الأب وقال للزوج الذي أتى لأخذ زوجته : خليها اليوم وتعال أنت وكل أهلك بكرة عندنا عزيمة ،
وفي اليوم الثاني أتى هو وعائلته الذين فوضع لهم الأب علبة بيبسي استغرب الزوج وعائلته وبدأ
يشعر أن الموضوع عن تعليقاته.
ثم أتى الأب بعلبة ثانية وثالثة ووضعها أمام أهل الشاب قائلا لهم : أخذتوا بنتنا بعلبة بيبسي والآن
نعطيكم 3 علب ورجعوها !!
كاد الزوج يغمى عليه من الإحراج أما أهله فلم يفهموا شيئا، شرح لهم الأب الموقف فغضب الجميع
على الزوج، أه
كذا جزاء من أكرمك؟؟
حلف الأب ألا تخرج البنت من بيته إلا ب300 ألف ريال وأيده الجميع... أحرج الزوج وعلم أنه يستحق
ماحصل له
منقول
أولا هيا فعلا المشكلة فى أجرة المأذون وغالبا بيأخذ 10 % على كل ألف فلازم المؤخر لا يتعدى 5000 علشان أعرف كمان أسددهم بعد كدة لزوجتى لكن لو عشرة ألاف ممكن يبقى صعب شوية غير أن المأذون هيأخذ كتير
الحقيقة دلوقتى يا جماعة الزوج هو المغلوب على أمرة بعد تطبيق قانون الخلع . أنا طبعا مؤيد للقانون دة لآنة بينصف الزوجة المظلومة
لكن لو الزوجة مفترية وظالمة هتأخذ من الزوج كل حاجة وهيبيع اللى وراة واللى قدامة وهيقعد فى الشارع
وربنا يسترها معانا يا رب وما يجبش مشاكل معانا كلنا يا رب والآفضل للرجالة دلوقتى تمشى جنب الحيط مع زوجاتهم والا حيحصل ما لا يحمد عقباة
وعلشان كدة لازم يكون أختيار الزوجة بتوفيق من الله وتكون على خلق ودين وأهلها محترمين ومتدينين علشان لو حصل مشكلة يحلوها معاك بالتراضى مش بالعافية والقانون ولو الزوجة و أهلها بيحبوك وعايزينك ويعرفوا ربنا مش هيعملوا معاك حاجة تزعلك ومش هيكلفوك فوق طاقتك ألا بالآصول وبالحق وبردة حسب أستطاعتك
لازم الواحد يعمل صلاة أستخارة أولا عند أختيار الزوجة ويكون معتدل فى المصاريف والآلتزمات وما يحملش نفسة فوق طاقتها
والله الموفق زالمستعان
40-50 الف و ده الرينج العادى حاليا