الموضوع: الماركات الصيني النضيفة

يا جماعة اعتقد إن1- الشيرى اللى هى فى مصر إسمها إسبرنزا كعربية من حيث السعر و الجودة اللى تناسب السعر هى أنجح عربية صينى فى مصر .
2- يليها البى واى دى بس المشكلة العربية شبة التويوتا كرولا جداً . العربية دى كل اللى إشترها شكر فيها خصوصا لانخفاض تكلفة الصيانة نظراً لاستخدام نفس مكونات التويوتا و المتسوبيشى للموتور , و على فكرة ماتور البى واى دى هو هو نفس ماتور السبنلدرو ال1600 اللى بتتباع بسعر خرافى فى مصر حوالى 109000 الف
3- يليها الجيلى الموديلات الجديدة مفيش شكوى زى الاول و المصنع طور من نفسة فى وقت قصير و أعتقد هنشوف موديلات جامدة فى القريب العاجل و الوكيل ناجح جدا فى سياسة التسعير و الخدمة
4- يليها الجاك لسة فى البداية بس عربية منافسة جدا و ممكن تشوفوا التقرير اللى انا عاملة بخصوصها . الجودة أفضل الصينى حالياً فى حدود هذا السعر لا تقليد و لانقل و لا إقتباس الوكيل يهتم بالدعاية شوية و يوزع العربية عند موزعين هتبيع كويس و على فكرة عندهم موديل ال 1300 سى سى تحفة بس المبيعات مش كتير عربية أكثر من رائعة
5- ثم البريليانيس الجودة لا خلاف عليها بس السياسة التسعرية مبالغ فيها جداً جداً و كذلك قطع الغيار . منتشرة بشكل كويس فى مصر بس السعر اللى محدد الفئة اللى بتركبها , يعنى لو اسعرها زى الاسبرنزا كانت هتبيع زيها و اكتر .
6- ثم الفاو عربية محترمة جداً ال1500 سى سى و ناجحة جدا فى الصين و كذلك فى مصر أنا شوفت منها كتير
البسترن أكثر من ممتازة بس السعر غالى جدا لو فى حدود ال85000 الى 90000 هتكون قنبلة فى وجة عربيات كورى كتير
7- الجريت ول لسة فى البداية مش منتشرة كتير الاسعار غالية شوية ماشى على نهج البافارية عربيات المصاف الاولى زى البرليانس

و عموما قرار شراء السيارة بيكون عنصر المادة أحد المحركات الاساسية فى قرار الشراء ثم أسعار قطع الغيار و توافرها و سعر إعادة البيع , إنتشار العربية فى السوق و الخدمة من الوكيل كلها عناصر هامة و مؤثرة فى قرار الشراء
و من الحاجات الموجودة الغربية فى السوق المصرى كتير من الناس بتشترى العربية علشان شكلها بدون ماتعرف حاجة عنها بدليل و جود عربيات كثير محترمة بس مش واخدة حقها فى السوق .