أرجو المساعده .. عربيتي هوندا سيفيك 88 ex

**mekooo** · 25-05-2010 08:58 AM

عاوز اعرف رأيكم .. انا جديد في حوار التعامل مع الميكانيكا ..

انا عربيتي هوندا سيفيك 88 Ex
العربيه مريحاني أكتر في السواقه من ما ركبت الفئه الخامسه بصراحه ..
فمش عايز اغيرها .. و مش عايز اضطر اغيرها ..

بس دلوقتي الاوتوماتيك كان عايز يتغير .. ده كلام الميكانيكي .. دلوقتي كان في رزعه في الاوتوماتيك لما يجي ينقل .. فهل ديه ممكن ميكانيكي يعملها .. ولا اغير الاوتوماتيك و امشي مع كلام الميكانيكي .. ؟

فأنا خايف اغير الاوتوماتيك العربيه تفتح في حجات تانيه .. و في الاخر هشتري موتور استيراد ..
فقولت اجيب من الاخر ..

الاوتوماتيك 1500 جنيه غير التركيب .. ده الميكانيكي الي بيقولي كده ..

هل اكتفي بتركيب الاوتوماتيك بالسعر ده .. و لا في سعر افضل .. ؟
ولا اسقط موتور انجيكشن .. بالاوتوماتيك بتاعه ؟
و هل العربيه ديه ممكن يتسقط لها موتور vtec و هيبقه سعره كام بالتركيب و كامل .. ؟

و ايه انواع ال vtec في السوق ,, و اخبار اسعارها كام .. ؟

يريت تردوا عليا بسرعه لاني متبهدل في الحوار ده ..

**mekooo** · 25-05-2010 09:59 AM

اسف يا جاعه العربيه lx كتبتها غلط

**khaled_rafea** · 25-05-2010 11:51 AM

يا باشا مبدأيا اهلا بيك فى المنتدى و فى اسرة الهوندا, عربيتك اول الجيل الرابع, ينفع تسقط موتور فى تك و موتور اس اى ار كمان, بس نصيحة بلاش تغير من كارب لأنجكشن, خلى العربية زى ما هيا نازلة, الموتور ال d15b ممتاز عليها و سعرة فى بورسعيد حوالى 2500 , اعتقد انه حيبقى افضل من انك تغير فتيس بس, إلا لو الموتور عندك كويس اوى , ممكن تنزل برده تجيب الفتيس بس, والسعر اللى قالهولك الميكانيكى كتير حبتين تلاتة

**mekooo** · 25-05-2010 02:35 PM

متشكر جدا يا خالد علي اهتمامك ..
و متشكر علي نصيحتك .. بس ايه الي هيحصل لو غيرته لإنجيكشن ,,, ؟

**SAMEH_FOUAD** · 25-05-2010 02:47 PM

المشاركة الأصلية كتبت بواسطة mekooo

متشكر جدا يا خالد علي اهتمامك ..
و متشكر علي نصيحتك .. بس ايه الي هيحصل لو غيرته لإنجيكشن ,,, ؟

الانجيكشن قوى وسحبتة قوية عن الكربراتير فبيخلى الشاسية يضعف ,فعشان تتجنب دة بتعمل دعامات زى بتركب شدادة من المساعد للمساعد ورا وقدام

**ahm128** · 26-05-2010 09:19 AM

انا رأى متعدلش تركب زى اللى فيها لان عمليه التعديل دى مش مضمونة والمشكلة انها لو حصلت فيها لخبطة العربية مش بتتظبط وبتصرف كتييييييييير ومحدش بيرضى يشتريها