هل فيه فرق فى الكماليات والعفشة بين السيراتو المصرى و الخليجى؟؟؟

**AmrStYliSh** · 25-05-2010 12:16 PM

السلام عليكم
يا جماعة انا ان شاء الله قررت اشترى سيراتو بس فيه ناس قلقتنى من السيراتو المصرى ان كماليتها اقل مقارنة بنفس فئتها من الخليجى وان الوكيل بيشيل الكاسيت الاصلى و الحركات دى.......وفى نفس الوقت ناس تانية بتقلقنى من الخليجى انه مالوش ضمان (من الوكيل) وان عفشته بتبقى مش معمولة لمصر وان عفشة المصرى احسن منها........انا كنت عايز اتاكد من النقاط دى:-
1- ايه هو فرق الكماليات بين المصرى و الخليجى و خصوصا الفئة sx فتحة سقف جنط 16 او 17 ؟؟؟
2- هل فعلا فيه فرق فى العفشة لصالح المصرى؟؟؟
3- انا عارف ان المنتدى هنا وفر للاعضاء انهم يشتروا ضمان من مركز تكنو وان لو العربية خليجى بس هل فعلا المركز ممكن يغير حاجة زى الجير بوكس لا قدر الله لو فيه حاجة وهل فيه حاجة تضمن ده؟؟؟(انا قصدى ان التوكيلات المصرية بتستهبل و بتبقى فيه عيوب صناعة و مش بيرضوا يغيروا ...ايه اللى هيجبر مركز الصيانة حتى لو مركز معتمد على كده؟؟؟)
وطبعا ليكم جزيل الشكر على المعلومات اللى انتوا وفرتوها عن العربية وشاكر جدا لجميع الاعضاء المحترمين

**Ahmed Samy** · 25-05-2010 12:52 PM

فرق الكماليات لصالح الخليجي طبعا بس مش هاقدر أحدده لأن الخليجي في منه أشكال و الوان

فرق العفشة ده كلام غير مثبت

زيه زي فرق التكييف و الدهان لصالح الخليجي .....برضه كلام غير مثبت

موضوع الضمان أنا من احتكاكي البسيط بالمهندس أحمد الشحات

الراجل ده من نوعية الناس اللي ممكن تغير فتيس في الضمان .

**AmrStYliSh** · 25-05-2010 03:35 PM

شكرا يا باشا على الاهتمام والرد .....

**simon659** · 25-05-2010 03:58 PM

استاز عمر انا سألت عن الموضوع كتير طبعا السياره لصالح الخليجي في معارض في شارع احمد عرابي في المهندسين طبعا غير جابر عبد الشهيد مكالمه تلفونيه كله قال السعودي تكييف عفش كل حاجه انت لو جيت حسبتها انا السعوديه سيارتها افضل من المصري بسبب علو درجت الحراره ده الي فهمته بس اعتقد ان الانجكشن هو الي هيبقي في المشكله لان دي فهمهالي ميكانيكي قلي الانجكشن بتاع السعوديا هو افضل من المصري بس بيتسد بسرعه علشان معمول مخصوص لبنزين السعوديه وانت اكيد عارف الفرق بين بنزين السعوديه وبنزين المصر يعني بس تحط 92 وتسطنضف بنزينه وشكرا وده رأي

**AmrStYliSh** · 25-05-2010 04:04 PM

بس اهم حاجة العفشة هيا هيا فى الاتنين المصرى و السعودى؟؟؟؟ صح؟؟ لانى بصراحة انا شايف ان موضوع البنزين ده مش مهم اوى زى موضوع العفشة ... عمرو

**hamdy** · 25-05-2010 04:09 PM

متهيالي موضوع المواصفات الخليجي دا موضوع اكل عيش مش اكتر و ضحك علي الدقون

**Ahmed Samy** · 25-05-2010 05:31 PM

المشاركة الأصلية كتبت بواسطة simon659

استاز عمر انا سألت عن الموضوع كتير طبعا السياره لصالح الخليجي في معارض في شارع احمد عرابي في المهندسين طبعا غير جابر عبد الشهيد مكالمه تلفونيه كله قال السعودي تكييف عفش كل حاجه انت لو جيت حسبتها انا السعوديه سيارتها افضل من المصري بسبب علو درجت الحراره ده الي فهمته بس اعتقد ان الانجكشن هو الي هيبقي في المشكله لان دي فهمهالي ميكانيكي قلي الانجكشن بتاع السعوديا هو افضل من المصري بس بيتسد بسرعه علشان معمول مخصوص لبنزين السعوديه وانت اكيد عارف الفرق بين بنزين السعوديه وبنزين المصر يعني بس تحط 92 وتسطنضف بنزينه وشكرا وده رأي

حضرتك الميكانيكي ده جاهل وبيتكلم وخلاص

وجابر طبعا تاجر و بيسوق لنفسه

انتو مصدقين ان كيا هاتتفق مع مورد يعمل انجيكشن للسعودية و انجيكشن لمصر و انجيكشن لسوريا و اجيكشن لأوروبا ؟؟؟؟؟؟؟؟؟؟؟؟؟

انتو مصدقين ان في دهان للسعودية و دهان لمصر ؟؟؟؟؟؟؟؟؟؟؟

المواصفات السعودية أو الخليجية مالهاش دعوة بالحر و البرد دي غالبيتها مواصفات أمان

أنا حاسس ان كل الكلام ده ضرب نار في الهوا

سواء من بتوع الخليجي ان عربياتهم دهان و تكييف أفضل

أو من الوكلاء ان المواتير غير و القطع غير و البنزين غير

**AmrStYliSh** · 25-05-2010 10:48 PM

انا متفق مع أ/احمد سامى انهم طبعا مش هيغيروا فى الانجيكشن لكل بلد لكن كانوا بيقولوا قبل كده ان الوكلاء المصريين بيطلبوا نظم تعليق معينة (العفشة) عشان الطرق المصرية المشهورة بالحفر و المطبات .....هل الكلام ده صح فى السيراتو؟؟؟ متهيألى اللى يجاوبنا فى الكلام ده مركز متخصص يرفع العربيتين المصرى و الخليجى ويشوف فيه فرق ولا لا؟

**simon659** · 26-05-2010 01:07 AM

بعد ازنكم سؤال ومنه تعرفو الرد الشيفورليه الاوبترا الي موجوده هنا في مصر زي الي في السعوديه

**bolok** · 26-05-2010 01:15 AM

المشاركة الأصلية كتبت بواسطة simon659

بعد ازنكم سؤال ومنه تعرفو الرد الشيفورليه الاوبترا الي موجوده هنا في مصر زي الي في السعوديه

سيدي الفاضل .. المصنع بيكون له خط انتاج واحد لكل الدول ... ده لو عمل لكل دولة خط انتاج تبقى كارثة بالنسبه له .. وما ادراك ما تكلفة خط الانتاج طب يكسب ازاي يعني ؟ ... الفرق بين الخليجي والوكيل الكماليات ليس الا والتى تكون اغلبها وسائل أمان ورفاهية كما ذكر الأخ الدكتور احمد سامي