اخر نكتة فى فرع العباسية

**hassan_mohamed21** · 25-05-2010 01:16 PM

لما رحت علشان اركب الكرتيرة على حسابى و اغير فلتر البنزين
جاه مدير الفرع العميد احمد ماهر علشان يراضينى بعد ما كلمت حماية المستهلك و خليته كلمه على التليفون
فأتكلمت معاه براحه انهم كانوا شغالين فى الجزء ده من العربية و انها حتى لو كانت مفكوكة كانوا لازم يربطوها

و كانت النكتة

الحوار

....* يعنى اللى شغال و بيغير التيل مشفش ان الكرتيرة مفكوكة يربطها
....* لا طبعا حتى لو شفها مفكوكة مش هيعملها لانها مش شغلته المفروض انك انت كنت تبلغ انها مفكوكة علشان يجى حد من السمكرة يعملها لكن الميكانيكى ملهوش دعوة
........* يعنى لو بتاع السمكرة و هو بيركب الكرتيرة صادف يعنى الخرطوم بتاع الفرامل ده مقطوع مش هيعمله و لا هيقول عليه
........* لا طبعا و هو ماله ده مش شغلته
فى الوقت ده رد الولد اللى بيغير الكرتيرة و قالى : لا طبعا كنت هقول
........* يعنى معنى كده انى اجى اقول العربية كلها بيظة علشان تكشفوا على كل حاجة
........* لا طبعا و مين اللى هيعملك كده
........* امال انا هعرف منين اذا كانت الحاجة دى بيظة او لا انا مستخدم و مش هنزل تحت العربية افتش فيها
........ و الله هو ده نظامنا هنا احنا مش بتعمل غير الحاجة اللى انت بتقول عليها فى امر الشغل

مكنش قدامى غير انى اموت من الضحك على كلام مدير فرع العباسية

**w-m-a** · 25-05-2010 01:19 PM

ربنا يصبرك

**egypt0777** · 25-05-2010 01:47 PM

مجموعه فشله

فعلا الواحد لما يجى يشترى عربية يبقى يشتريله وكيل محترم

**elassar2010** · 25-05-2010 02:53 PM

ربنا يصبرك على العاهات

**sv065** · 25-05-2010 04:26 PM

فعلا حاجة تضحك والغريب إن الصنايعي اللي بيشتغل بيقول إنه حيبلغ عن أي حاجة لو شافها محتاجه تصليح ...وكبير المركز بيقول مش حنعملها؟؟ سبحان الله حتي لو كده كان المفروض يكون العكس الصنايعي مثلا يهمل فالمدير يعاقبه ويقول إن لازم يشيك علي كل حاجة وأي حاجة حيعملها

كلام غريب وعجيب

المشكلة هنا إن ده بيسوء سمعة شركة الأمل جدا والأهم إن ده بيضيع مجهود الناس اللي عندهم ضمير في شغلهم وبيتظلموا معاهم في الشركة

علشان كده أنا من زمان رأيي عدم التعامل مع فرع العباسية مطلقا علي الرغم من إن البعض شكر فيهم لكن تجربتي أول مرة خلتني مااروحش تاني ....... و معلش مشوار بس ممكن نعتبره فسحة في إسكندرية نفسها وفعلا ده اللي أنا بأعمله وباستمتع بالرحلة جدا جدا

وعلي فكرة أمانة وخبرة وذوق الناس اللي في فرع الإسكندرية بتجبر الواحد كل مرة مهما يكون مستبعد المشوار يقول لأ برضه حاروح ولسة الزميل الفاضل/seba جاي من هناك وكتب كلام ممتاز جدا جدا وعملوا حجات كتيرة كانت مش مطلوبة منهم لكنهم شافوا إنها من الأمانة يغيروها ومكنش الراجل حيحس بحاجة لو ماغيروهاش لكن الحمد لله إن زي مافي ناس مش بيراعوا ضميرهم في ناس عندها ضمير وأمانة

**adfarouk** · 25-05-2010 04:34 PM

المشاركة الأصلية كتبت بواسطة hassan_mohamed21

........ و الله هو ده نظامنا هنا احنا مش بتعمل غير الحاجة اللى انت بتقول عليها فى امر الشغل

دول ناس تييييييييييييييييت

**bateka555** · 25-05-2010 04:42 PM

والله التوكيل دة و خصوصاً فرع العابسية هو الى مضيع العربية فى السوق حتى مبيعملوش إعلانات عنها هو كام إعلان فى الأهرام فى الأول و جبرت

**seba** · 27-05-2010 03:35 PM

اخى الفاضل انا اية الى يخلينى اعمل صيانتى فى الاسكندرية اكيد الرد ها يبقى معاك

**nimo.mimo** · 01-06-2010 10:21 PM

مدير الفرع؟!!!
هوا الراجل ده بتاع عربيات أساسا؟!! :b4_592:
دا لو سواق ميكروباص مش حيقول كده على الأقل حايخاف على أرواح الناس؟!!

و الغريبة ان فيه ناس زى الورد ممكن يشتغلوا فى التوكيلات دية بس الواسطة ة القرابة و المحسوبية هى اللى بتخلى الناس دية تمسك مناصب ما تفهمش فيها اى حاجة.
حتى رده لا ينم عن أنه انسان يراعى عمله , دا لو قلت لصاحب عربية فول فيه زلطة فى السندوتش على الأق حيقوللى حقك عليا حاوصى الواد ينقى الفول عدل معلش

**hassan_mohamed21** · 02-06-2010 08:43 AM

هههههههههههههههههههه
اه و الله عندك حق

الموضوع: اخر نكتة فى فرع العباسية

LinkBack

أدوات الموضوع

عرض

-

-

-

-

المواضيع المتشابهه

اخر نكتة

اخر نكتة :d

خد نكتة وهات نكتة

نفق العباسية وقع !!!

الكلمات الدلالية لهذا الموضوع

المفضلات

المفضلات

ضوابط المشاركة